‛வெந்து தணிந்தது காடு... கூல் சுரேஷ் வாயிலயே போடு’ செருப்பு வீச்சு... காரசார பேச்சு... சீரியஸ் ஆன ப்ராங் ஷோ!

Cool Suresh : வீடியோ வெளியானால் இன்னும் வேறு லேவலில் இருக்கும் என்பதால், ‛வெந்து தணிந்தது காடு... சீக்கிரமா வீடியோவ போடு...’ என, பலரும் எதிர்பார்த்து காத்திருக்கின்றனர். 

கூல் சுரேஷ்

‛வெந்து தணிந்தது காடு... ’ என்கிற ஒரு டயலாக்கை வைத்து, அனைத்து படத்திற்கு வணக்கம் போட்டு வரும் நடிகர், தயாரிப்பாளர் கூல் சுரேஷ், அந்த டயலாக்கிற்காகவே அறியப்படுகிறார். நடிகர் சிம்புவின் தீவிர ரசிகராக வலம் வரும் கூல் சுரேஷ், சிம்புவின் தந்தை டிஆர்.,யின் அனுதாபியாகவும் உள்ளார். 

கலகலப்பான கருத்துக்கள் மூலம், பரபரப்பான இந்த உலகை நகைச்சுவையில் ஆழ்த்தி வரும் கூல் சுரேஷ், எப்போதும், அதை விடாமல் பின்பற்றி வருகிறார். ‛கூல்’ சுரேஷ்... சீரியஸ் சுரேஷ் ஆனால் என்ன ஆகும்? அதை நிகழ்த்திக் காட்டியிருக்கிறது. பிரபல ப்ராங்க் ஷோக்களை நடத்தும் கட்டெறும்பு யூடியூப் சேனல். ஸ்டாலின் என்பவர் தலைமையில் வரும் ப்ராங்க் குழு, யாரையும் விட்டு வைக்காமல் கலாய்த்து, நம்மை விழுந்து விழுந்து சிரிக்க வைப்பதில் வல்லவர்கள். அவர்களின் தேர்வும், ட்ரெண்டிற்கு ஏற்றபடி இருக்கும்.

அந்த வகையில் தற்போதைய ட்ரெண்ட், கூல் சுரேஷ் என்பதை மோப்பம் பிடித்த அவர்கள், நேராக அவரது குடியிருப்பு பகுதிக்கு வந்து, வெச்சு செய்துவிட்டனர். ஒரு விழாவுக்கு அழைப்பது போல அங்கு வரும் ப்ராங்ஸ்டர் ஸ்டாலின் தலைமையிலான குழுவினர் , கொஞ்சம் கொஞ்சமாக சீண்டி, இறுதியில் கூல் சுரேஷை... சீரியஸ் சுரேஷாக மாற்றி, அவரிடமிருந்து, அடி உதை என அத்தனையும் வாங்கி, நம்மை சிரிக்க வைத்துள்ளனர். 

இதில் ஹைலைட் என்னவென்றால், கூல் சுரேஷின் ‛வெந்து தணிந்தது காடு...’ டயலாக்கை வைத்து, ‛வெந்து தணிந்தது காடு... கூல் சுரேஷ் வாயிலேயே போடு...’ என பேசி, அவரை வெறுப்பேற்றியது தான் மாஸ். அவர்களை சமாளிக்க முடியாமல், அதே நேரத்தில் பொறுமை இழந்து, பொங்கி எழுந்த கூல் சுரேஷ், அவர்களை விரட்டி அடிப்பதும், செருப்பை கழற்றி வீசுவதும், எச்சரிப்பதுமாய் டென்ஷனின் உச்சத்திற்கே சென்றார். 

இன்னும் அந்த வீடியோ வெளியாகாத நிலையில், ப்ரமோ வெளியாகி கடும் வரவேற்பை பெற்றுள்ளது. சோஷியல் மீடியாவில் கூல் சுரேஷ் ஒரு கன்டெண்ட் பேங்காக இருந்து வரும் நிலையில், தற்போது அவரை கலாய்த்து கட்டெறும்பு வெளியிட்டுள்ள ப்ராங் ப்ரமோ, ஏகத்துக்கும் பார்வையாளர்களை பெற்று வருகிறது. அதன் முழு வீடியோ வெளியானால் இன்னும் வேறு லேவலில் இருக்கும் என்பதால், ‛வெந்து தணிந்தது காடு... சீக்கிரமா வீடியோவ போடு...’ என, பலரும் எதிர்பார்த்து காத்திருக்கின்றனர்.