Johnny Wactor: கார் திருட்டின்போது நடிகர் ஜானி வாக்டர் சுட்டுக்கொலை.. அதிர்ச்சியில் ஹாலிவுட் திரையுலகம்!

ஹாலிவுட் நடிகர் ஜானி வாக்டர் கொள்ளையர்களால் சுட்டுக்கொல்லப் பட்ட சம்பவம் பெரும் அதிர்ச்சியை ஏற்படுத்தியுள்ளது

ஜானி வாக்டர். (Image source: Twitter)

பிரபல ஹாலிவுட் நடிகர் ஜானி வாக்டர் கொள்ளையர்களால் சுட்டுக்கொல்லப் பட்ட சம்பவம் பெரும் அதிர்ச்சியை ஏற்படுத்தியுள்ளது

ஜானி வாக்டர் (Johnny Wactor)

The entire General Hospital family is heartbroken to hear of Johnny Wactor’s untimely passing. He was truly one of a kind and a pleasure to work with each and every day. Our thoughts and prayers go out to his loved ones during this difficult time. pic.twitter.com/2wlIM1TpAB

— General Hospital (@GeneralHospital) May 27, 2024

 கடந்த மே 25 ஆம் தேதி  சனிக்கிழமை ஜானி வாக்டர் சுட்டுக் கொலை செய்யப்பட்டதாக தற்போது தெரிவிக்கப்பட்டுள்ளது. ஜெனெரல் ஹாஸ்பிடல் தொடரில்  நடித்து பிரபலமானவர் நடிகர் ஜானி வாக்டர். கடந்த மே 25 ஆம் தேதி ஜானி வாக்டர் மற்றும் அவரது நண்பரும் அதிகாலை மூன்று மணியளவில் பார் ஒன்றை விட்டு வெளியே வந்து தங்களது கார்களை எடுக்க சென்றுள்ளார்கள் .

அப்போது மூகமூடி அணிந்த மூன்று நபர்கள் அவரது காரில் உள்ள உதிரி பாகங்களை எடுக்கும் முயற்சிகளில் ஈடுபட்டிருப்பதை கண்டுள்ளார் ஜானி வாக்டர். அவர்கள் என்ன செய்து கொண்டிருக்கிறார்கள் என்பதை ஜானி அறிவதற்குள் மூவரில் ஒருவர்  துப்பாக்கியால் அவரை சுட்டுள்ளார். காயம்பட்ட ஜானியை அருகில் இருந்த மருத்துவனைக்கு அழைத்துச் சென்றபோது அவர் உயிரிழந்துவிட்டதாக மருத்துவர்கள் கூறியுள்ளார்கள். இந்த கொலை தொடர்பான குற்றவாளிகளை காவல் துறையினர் தேடி வருகிறார்கள். ஜானி வாக்டரின் எதிர்பாராத இழப்பு ஹாலிவுட் திரையுலகில் பெரும் அதிர்ச்சியை ஏற்படுத்தியுள்ளது. 

ஜானி வாக்டர் பற்றி அவரது அன்னை

#JohnnyWactor When the tears slow down, I am literally sick to my stomach at this news. Johnny was one of those rare young men in this business who was kind, unassuming, humble, and always thought about other people. A talented young guy who just wanted to share that talent with… pic.twitter.com/IQVqvhe3nn

— Jon Lindstrom (@thejonlindstrom) May 26, 2024

ஜானி வாக்டர் குறித்து அவரது அம்மா அளித்த தகவலின்படி குற்றவாளிகளிடம் தனது மகன் எந்த விதமான வம்புச் சண்டைக்கும் போகவில்லை என்றும் இந்த முட்டாள்தனமான செயலால் தான் தனது மகனை இழந்து நிற்பதாக வருத்தம் தெரிவித்துள்ளார். தனது மகனை சுட்டுக்கொன்ற கொலையாளிகளை காவல் துறையினர் விரைவில் பிடித்துவிடுவார்கள் என்று தான் நம்புவதாகவும் அவர் தெரிவித்துள்ளார். ஹாலிவுட் திரையுலக பிரபலங்கள் ஜானி வாக்டரின் இந்த எதிர்பாராத மரணத்திற்கு தங்கள் இரங்கலை தெரிவித்து வருகிறார்கள்.