HBD Nayanthara: ”என் உயிர், உலகமே” .. நயன்தாராவிற்கு வித்தியாசமாக பிறந்தநாள் வாழ்த்து சொன்ன விக்னேஷ் சிவன்..!

நடிகை நயன்தாராவிற்கு வித்தியாசமாக பிறந்தநாள் வாழ்த்து சொன்ன கணவர் விக்னேஷ் சிவன் பதிவு சமூக வலைத்தளங்களில் வைரலாகி வருகிறது. 

நயன்தாரா, விக்னேஷ் சிவன்

நடிகை நயன்தாராவிற்கு வித்தியாசமாக பிறந்தநாள் வாழ்த்து சொன்ன கணவர் விக்னேஷ் சிவன் பதிவு சமூக வலைத்தளங்களில் வைரலாகி வருகிறது. 

தமிழ் சினிமாவின் ”லேடி சூப்பர் ஸ்டார்”  ஆக கொண்டாடப்படுபவர் நயன்தாரா. இவர் இயக்குநர் விக்னேஷ் சிவனை காதலித்து கடந்த 2022 ஆம் ஆண்டு ஜூன் மாதம் 10 ஆம் தேதி திருமணம் செய்துக் கொண்டார். இந்த தம்பதியினருக்கு வாடகைத்தாய் மூலம் கடந்தாண்டு அக்டோபர் 10 ஆம் தேதி இரட்டை குழந்தைகள் பிறந்ததாக அறிவிக்கப்பட்டது. இந்த குழந்தைகளுக்கு உயிர் ருத்ரோநீல் -  உலக் தெய்வக் என பெயர் சூட்டப்பட்டது. 

சமூக வலைத்தளங்களில் எப்போதும் ஆக்டிவ் ஆக இருக்கும் நயன்தாரா அவ்வப்போது தன் குழந்தைகளுடன் இருக்கும் புகைப்படங்களை பதிவிடுவது வழக்கம். இதேபோல் விக்னேஷ் சிவனும் நயன் மற்றும் குழந்தைகள் படங்களை பதிவிட்டு ரசிகர்களை மகிழ்ச்சியில் ஆழ்த்துவார். இப்படியான நிலையில் நயன்தாரா இன்று தனது 39வது பிறந்தநாளை கொண்டாடுகிறார். அவருக்கு ரசிகர்கள், திரையுலக பிரபலங்கள் சமூக வலைத்தளங்கள் மூலம் வாழ்த்து தெரிவித்து வருகின்றனர். 

 

 

 

 

 

View this post on Instagram

 

 

 

 

 

 

 

 

 

 

 

A post shared by Vignesh Shivan (@wikkiofficial)

இப்படியான நிலையில் நயன்தாராவின் கணவரும், இயக்குநருமான விக்னேஷ் சிவன் இன்ஸ்டாகிராம் பக்கத்தில் ஸ்டோரி ஒன்றை வெளியிட்டுள்ளார். அதில் நயன்தாரா பிறந்தநாளுக்கு கேக் வெட்டப்படுகிறது. அதில் “என் உயிர் மற்றும் உலகமே இனிய பிறந்தநாள் வாழ்த்துகள்” என எழுதப்பட்டுள்ளது. இந்த பதிவானது சமூக வலைத்தளத்தில் வைரலாகியுள்ளது குறிப்பிடத்தக்கது. 

நயன்தாராவின் சினிமா வாழ்க்கை

சின்னத்திரையில் நிகழ்ச்சி தொகுப்பாளராக இருந்த டயானா குரியன், 2005 ஆம் ஆண்டு தமிழில் வெளியான ஐயா படத்தின் மூலம் நயன்தாராவாக மக்களுக்கு அறிமுகமானார். தனது 2வது படத்திலேயே சூப்பர்ஸ்டார் ரஜினிக்கு ஜோடியாகி திரையுலகினரை வியப்பில் ஆழ்த்தினார். தொடர்ந்து விஜய், அஜித், விக்ரம், தனுஷ், ஜெயம் ரவி, விஜய் சேதுபதி, ஜெய், ஆர்யா, உதயநிதி ஸ்டாலின்,கார்த்தி, சூர்யா என தமிழ் சினிமாவின் அத்தனை முன்னணி நடிகர்களுடனும் ஜோடி சேர்ந்தார். 

அதேசமயம் தனிப்பட்ட ஹீரோயினை மையப்படுத்திய கதைகளிலும் நடிக்கத் தொடங்கி அதில் வெற்றியும் கண்டு “தமிழ் சினிமாவின் லேடி சூப்பர் ஸ்டார்” என ரசிகர்களால் கொண்டாடப்பட்டார். இதற்கிடையில் அவருடைய தனிப்பட்ட வாழ்க்கை பலவாறு விமர்சிக்கப்பட்டாலும் அதனைப் பற்றி எல்லாம் கவலைப்படாமல் தன்னுடைய வாழ்க்கையில் வெற்றி நடைப்போட்டு வருகிறார் நயன்தாரா..!

---

மேலும் படிக்க: Singapenne: எதிர்நீச்சல் சீரியலை ஓரம் கட்டிய சிங்கப்பெண்ணே... முதல் மாதத்திலேயே அடி தூள் தான்...!