Gautham Vasudev Menon: பிரபல தெலுங்கு ஹீரோவுடன் இணையும் கெளதம் மேனன்! - எப்போ ஷூட்டிங் - விபரம் உள்ளே!

நடிகர் ராம் பொத்தினேனி இயக்குநர் கெளதம் மேனன் இயக்கத்தில் புதிய படமொன்றில் நடிக்க இருக்கிறார்.

Written By : கல்யாணி பாண்டியன் | Updated at : 15 Sep 2022 01:42 PM (IST)

கெளதம்மேனன்

நடிகர் ராம் பொத்தினேனி இயக்குநர் கெளதம் மேனன் இயக்கத்தில் புதிய படமொன்றில் நடிக்க இருக்கிறார்.

தெலுங்கில் பிரபல நடிகராக வலம் வருபவர் நடிகர் ‘ராம் பொத்தினேனி’. ‘தேவதாசு’ படம் மூலமாக அறிமுகமான நடிகனாக அறிமுகமான அவர் ‘ஜகடம்’ ‘ரெடி’ உள்ளிட்ட பல படங்களில் நடித்தார். இயக்குநர் லிங்குசாமி இயக்கத்தில் வெளியான ‘ தி வாரியர்’ படம் மூலமாக தமிழிலும் அறிமுகமானார். ஆனால் இந்தப்படம் பெரிதாக வரவேற்பை பெறவில்லை. இந்த நிலையில் இவர் தற்போது இயக்குநர் கெளதம் மேனனுடன் இணைய இருப்பதாக அறிவிப்பு வெளியாகியிருக்கிறது.

View this post on Instagram

A post shared by RAm POthineni (@ram_pothineni)

தன்னுடைய சமீபத்திய பேட்டி ஒன்றில் இயக்குநர் கெளதம் வாசுதேவ் மேனன் இந்த அறிவிப்பை உறுதி செய்ததுடன், அடுத்த வருடம் இந்தப்படம் தொடர்பான பணிகள் தொடங்கப்படும் என்று கூறியிருக்கிறார். மேலும் பேசிய அவர் வித்தியாசமான, ஆர்வமூட்டும் கதைக்களமாகவும் இது இருக்கும் என்று கூறிய அவர் தயாரிப்பாளர் ஸ்ரவந்தி ரவி கிஷோர் தனக்கும் ராம் பொத்தினேனிக்கும் ஒரு பொது நண்பராக நீண்ட காலமாக இருந்து வருவதையும் கெளதம் மேனன் குறிப்பிட்டுள்ளார்.

View this post on Instagram

A post shared by Gautham Menon (@gauthamvasudevmenon)

‘வெந்து தணிந்தது காடு’ படத்தை ஸ்ரவந்தி மூவிஸ்ஸின் ஸ்ரவந்தி ரவி கிஷோர் தெலுங்கில் ‘தி லைஃப் ஆஃப் முத்து’ என்ற பெயரில் வெளியிடுவது குறிப்பிடத்தக்கது.

இயக்குநர் கெளதம் மேனன் இயக்கத்தில் நடிகர் சிலம்பரசன் நடிப்பில் உருவாகியுள்ள ‘வெந்து தணிந்தது காடு’ படமானது இன்று திரையரங்குகளில் வெளியானது. கலவையான விமர்சனங்களை பெற்று வரும் இந்தப்படத்திற்கு பிரபல இசையமைப்பாளர் ஏ.ஆர்.ரஹ்மான் இசையமைத்துள்ளார்.

முழு விமர்சனத்தை படிக்க>> Vendhu Thanindhathu Kaadu Review: வேக்காடா? அரை வேக்காடா? ‛வெந்து தணிந்தது காடு... விமர்சனம் தரும் ABP நாடு!’