Sarath Babu Death: பெரும் சோகம்.. பிரபல நடிகர் சரத்பாபு காலமானார்..! கண்ணீரில் ரசிகர்கள்..!

Actor Sarath Babu Death: தமிழ் மற்றும் தெலுங்கு திரையுலகின் பிரபல நடிகர் சரத்பாபு உடல்நலக்குறைவால் இன்று காலமானார்.

நடிகர் சரத்பாபு

Sarath Babu Passed Away: தமிழ் மற்றும் தெலுங்கு திரையுலகின் பிரபல நடிகர் சரத்பாபு. கடந்த சில நாட்களாகவே உடல்நலக்குறைவால் அவதிப்பட்டு வந்த அவர் ஹைதரபாத்தில் இன்று காலமானார். அவர் உயிரிழப்பு ரசிகர்களை பெரும் சோகத்தில் ஆழ்த்தியுள்ளது. 

நடிகர் சரத்பாபு 

1977 ஆம் ஆண்டு கே.பாலசந்தர் இயக்கிய பட்டினப்பிரவேசம் படத்தின் மூலம் தமிழ் சினிமாவில் அறிமுகமானவர் நடிகர் சரத்பாபு. தொடர்ந்து நிழல் நிஜமாகிறது, முள்ளும் மளரும், வேலைக்காரன், அண்ணாமலை, முத்து, பாபா உள்ளிட்ட பல படங்களில் நடித்து தமிழ் சினிமா ரசிகர்களின் மனதில் நீங்கா இடம் பிடித்திருந்தார். தமிழ், தெலுங்கு சினிமாவில் ஹீரோ, வில்லன், குணச்சித்திர வேடம் என கேரக்டர் கொடுத்தாலும் சிறப்பாக செய்யும் திறமை கொண்ட சரத்பாபு இதுவரை இரு மொழிகளிலும் 200க்கும் மேற்பட்ட படங்களில் நடித்துள்ளார்.

இதனிடையே 71 வயதான அவர், ஹைதராபாத்தில் உள்ள தனியார் மருத்துவமனையில் சிறுநீரகம், கல்லீரல் உள்ளிட்ட உறுப்புகள் பாதிக்கப்பட்ட நிலையில்  தீவிர சிகிச்சை பிரிவில் சிகிச்சை பெற்று வந்தநிலையில் இன்று பிற்பகல் 1.30 மணியளவில் அவர் சிகிச்சை பலனின்றி காலமானார். 

கடந்த ஒரு மாதத்திற்கு முன்பு நடிகர் சரத்பாபுக்கு உடல் நலக்குறைவி ஏற்பட்டு பெங்களூருவில் உள்ள தனியார் மருத்துவமனையில் அனுமதிக்கப்பட்டார், தொடர்ந்து, அவரது உடல்நிலை மோசமடையவே 20ம் தேதி ஹைதராபாத்தில் உள்ள ஏஐஹி மருத்துவமனைக்கு மாற்றப்பட்டு, செயற்கை சுவாசக்கருவி மூலம் சிகிச்சை அளிக்கப்பட்டது. 

Breaking : Veteran actor Sarath Babu sir is no more . Rest in peace sir !

Annamalai will keep you alive for decades to come ! pic.twitter.com/faGsG0LkK7

— Prashanth Rangaswamy (@itisprashanth) May 22, 2023

கடந்த மே 3ம் தேதி இவர் காலமானார் என்ற செய்தி பரவியதை தொடர்ந்து, அவரது குடும்பத்தினர் சார்பில் அறிக்கை வெளியிடப்பட்டது. அதில், நடிகர் சரத் பாபு நலமுடன் இருந்ததாக தெரிவித்தனர். 

இந்தநிலையில், ஹைதராபாத் மருத்துவமனையில் தொடர் சிகிச்சையில் இருந்த அவர், இன்று பிற்பகல் 1.30 மணியளவில் சிகிச்சை பலனின்றி உயிரிழந்தார். இவரது மறைவிற்கு பல திரை பிரபலங்களும் தங்களது இரங்கலை தெரிவித்து வருகின்றன. 

Sad News : Versatile actor #SarathBabu garu is no more. May his soul rest in peace
ఓం శాంతి 🙏 pic.twitter.com/rdcIvc0l2p

— kakinada Talkies (@Kkdtalkies) May 22, 2023

உடல் நல்லடக்கம் எப்போது..? 

மறைந்த நடிகர் சரத் பாபுவின் உடல் சென்னை, தியாகராய நகரில் உள்ள அவரது வீட்டுக்குக் கொண்டுவரப்பட இருப்பதாகவும், அதைத் தொடர்ந்து நாளை (மே 23ஆம் தேதி) அவரது உடல் நல்லடக்கம் செய்யப்படும் எனவும் தகவல் வெளியாகி உள்ளது.