Valimai Movie: தமிழ், தெலுங்கு, ஹிந்தியில் ஒரே நாளில் ரிலிஸாகும் வலிமை!

படத்துக்கான ஹிந்தி டப்பிங் பணிகளை தொடங்குமாறு போனி கபூர் படக்குழுவினரைக் கேட்டுக் கொண்டதாக தகவல் வெளியாகியுள்ளது.

அஜித்குமார்

ஹெச்.வினோத் இயக்கத்தில் அஜித் நடிப்பில் வெளியான படம் 'நேர்கொண்ட பார்வை'. இந்தப் படத்தைத் தயாரித்து வெளியிட்டவர் நடிகை ஸ்ரீதேவியின் கணவரும், தயாரிப்பாளருமான போனி கபூர். 'பிங்க்' படத்தின் ரீமேக்கான இப்படம் கலவையான விமர்சனத்தை பெற்றது.

இதனைத் தொடர்ந்து 'வலிமை' படத்திலும் அஜித் - வினோத் - போனிகபூர் கூட்டணி இணைந்தது. யுவன் ஷங்கர் ராஜா இசையமைக்கும் இப்படத்தில் அஜித்துடன் ஹுமா குரேஷி உள்ளிட்ட பலர் நடித்துள்ளனர்.

படத்தின் படப்பிடிப்பு ஆரம்பித்ததிலிருந்து எந்த அப்டேட்டும் வெளியாகாமல் இருந்ததால் அஜித் ரசிகர்கள் கிரிக்கெட் வீரர்களிடமெல்லாம் வலிமை அப்டேட் குறித்து கேட்டுவந்தனர்.

இப்படிப்பட்ட சூழலில் படத்தின் ஃபர்ஸ்ட் லுக் சில மாதங்களுக்கு முன் வெளியாகி படு வைரலானது. அதனையடுத்து படத்தின் ஒரு பாடலும் வெளியாகி வரவேற்பை பெற்றது. தொடர்ந்து, படத்தின் Glimpse வெளியாகி அஜித் ரசிகர்களை கொண்டாட்டத்தின் உச்சத்திற்கு எடுத்து சென்றது. இதனால் படத்தின் மீதான எதிர்பார்ப்பு பல மடங்கு அதிகரித்துள்ளது.

வலிமை படம் தீபாவளிக்கு வெளியாகும் என எதிர்பார்க்கப்பட்ட சூழலில் அடுத்த ஆண்டு பொங்கலுக்கு படம் வெளியாகும் என அதிகாரப்பூர்வமாக அறிவிக்கப்பட்டுள்ளது. இந்தப் படத்தை முடித்துவிட்டு மீண்டும் அஜித் தனது கால்ஷீட்டை இயக்குநர் ஹெச். வினோத்துக்கே கொடுத்துள்ளார் என்பது குறிப்பிடத்தக்கது.

இதனால் இயக்குநர் சிவாவுக்கு அடுத்து அஜித்துடன் தொடர்ந்து மூன்றாவது முறையாக பணியாற்றும் இயக்குநர் என்ற பெயரை ஹெச். வினோத் பெற்றிருக்கிறார்.

இந்நிலையில் ‘வலிமை’ திரைப்படத்தை ஹிந்தி மற்றும் தெலுங்கிலும் வெளியிடுவதற்கான பணிகளையும் படக்குழுவினர் மேற்கொண்டு வருகின்றனர். படத்துக்கான ஹிந்தி டப்பிங் பணிகளை தொடங்குமாறு போனி கபூர் படக்குழுவினரைக் கேட்டுக் கொண்டதாக தகவல் வெளியாகியுள்ளது.

அதுமட்டுமின்றி தமிழ், தெலுங்கு, ஹிந்தி ஆகிய மொழிகளில் வலிமை படத்தை ஒரே நாளில் வெளியிட திட்டமிட்டிருப்பதாகவும் அதற்கான பணிகள் முழுவீச்சில் நடந்துவருவதாகவும் கூறப்படுகிறது. இதனால் அஜித் ரசிகர்கள் உற்சாகத்தில் இருக்கின்றனர்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண  

மேலும் வாசிக்க: ‛குருபூஜைக்கு சென்றீர்களா என்றேன்... யாரு குரு என கேட்டார்...’ விஜய்சேதுபதியை தாக்க இது தான் காரணமாம்!