The Goat: மங்காத்தா படத்தைவிட 100 மடங்கு சிறப்பா பண்ணுங்க... விஜய்க்காக வெங்கட் பிரபுவிடம் அஜித் வைத்த கோரிக்கை

தி கோட் படத்தை மங்காத்தா படத்தைக் காட்டிலும் 100 மடங்கு சிறப்பாக எடுக்கும்படி நடிகர் அஜித் தன்னிடம் கூறியதாக இயக்குநர் வெங்கட் பிரபு தெரிவித்துள்ளார்

தி கோட் , வெங்கட் பிரபு , விஜய் , அஜித் , மங்காத்தா

Source : Twitter

தி கோட்

வெங்கட் பிரபு இயக்கத்தில் விஜய் நடித்துள்ள தி கோட் படம் வரும் செப்டம்பர் 5 ஆம் தேதி திரையரங்குகளில் வெளியாக இருக்கிறது. இன்று மாலை 6 மணியளவில் இப்படத்தின் டிரைலர் குறித்த அப்டேட் வெளியாக இருப்பதால் ரசிகர்கள் ஆவலாக காத்திருக்கிறார்கள். சைன்ஸ் ஃபிக்‌ஷன் படமாக உருவாகியுள்ள தி கோட் படத்தின் மீது ஒரே நேரத்தில் எதிர்பார்ப்பும் கொஞ்சம் பயமும் ரசிகர்களுக்கு இருந்து வருகிறது. இதற்கு காரணம் எப்போதெல்லாம் விஜய் ஏதாவது வித்தியாசமான கதையில் நடிப்பாரோ அந்த படம் அவருக்கு பெரியளவில் கைகொடுத்ததில்லை. 

மங்காத்தாவை மிஞ்சுமா தி கோட்

வெங்கட் பிரபு இயக்கிய படங்களில் சிறந்த படமாக ரசிகரகளால் கருதப் படுவது அஜித்தின் மங்காத்தா படம். அஜித்தின் 50 ஆவது படமாக உருவான இப்படத்தை ஹாலிவுட் தரத்தில்க் திரைக்கதை அமைத்திருந்தார். தற்போது விஜய் ரசிகர்களும் தி கோட் படம் மங்காத்தா படத்தைப் போல் விஜய்க்கு முக்கியமான படமாக அமைய வேண்டும் என்று எதிர்பார்த்து வருகிறார்கள். இது குறித்து சமீபத்திய நேர்காணல் ஒன்றில் இயக்குநர் வெங்கட் பிரபு பேசியுள்ளார்

வெங்கட் பிரபுவிடம் அஜித் சொன்ன வார்த்தை 

" மங்காத்தா படத்தின் போதே நான் விஜய் சாருடன் படம் பண்ண வேண்டும் என்று அஜித் என்னிடம் சொன்னார். தி கோட் படத்தின் அறிவிப்பு வெளியானபோது மங்காத்தா படத்தைவிட 100 மடங்கு சிறப்பாக இப்படத்தை எடுத்து முடிக்கும்படி அஜித் என்னிடம் சொன்னார். என்னைப் பொறுத்தவரை தி கோட் படத்தை நான் மங்காத்தா படத்தை விட சிறப்பாக எடுத்திருக்கிறேன். ஆனால் எத்தனை மடங்கு சிறப்பு என்று ரசிகர்கள் தி கோட் படத்தை பார்த்து தான் சொல்ல வேண்டும் ' என்று வெங்கட் பிரபு தெரிவித்துள்ளார்

Even while making #Mankatha, Ajith suggested @vp_offl to do a film with @actorvijay . Now, when the GOAT announcement came, AK told VP to make it 100 X Mankatha. VP says he feels with GOAT , he has superseded Mankatha and says only audiences should tell how much time @actorvijay…

— Rajasekar (@sekartweets) August 14, 2024

தி கோட் படத்தின் பாடல்களுக்கு கலவையான விமர்சனங்கள் வருவது குறித்து பேசிய அவர் ' தி கோட் படத்தின் பாடல்கள் நிறைய பேருக்கு பிடித்திருக்கிறது. சிலருக்கு முதலில் ஸ்பார்க் பாடல் பிடிக்கவில்லை ஆனால் இப்போது அவர்களுக்கு அந்த பாடல் பிடித்திருக்கிறது என்று சொல்கிறார்கள். படம் பார்க்கும்போது நிச்சயம் தி கோட் படத்தின் பாடல்கள் அனைவருக்கும் பிடிக்கும் . ரசிகர்கள் திரையரங்கில் கொண்டாடும் விதமாகதான் இந்தப் படத்தின் எல்லா பாடல்களும் அமைந்துள்ளன" என்று வெங்கட் பிரபு தெரிவித்துள்ளார்.