Parthiban: சந்தோஷத்தில் சாகடிங்க.. சினிமாவ விட்டு விலக நினைச்சேன்.. டீன்ஸ் படம் பற்றி பார்த்திபன் உணர்ச்சிகரம்!

Parthiban - Teenz Movie: டீன்ஸ் படத்துக்கு ரசிகர்கள் கொடுத்த ஆதரவுக்கு நன்றி தெரிவிக்கும் வகையில் இயக்குநர் பார்த்திபன் எக்ஸ் பக்கத்தில் பதிவிட்டுள்ளார்.

பார்த்திபன் , டீன்ஸ் ,

Source : Other

டீன்ஸ்

இரவின் நிழல் படத்தைத் தொடர்ந்து இயக்குநர் ஆர் பார்த்திபன் இயக்கியுள்ள படம் டீன்ஸ். பயாஸ்கோப் மற்றும் அகிரா ப்ரோடக்‌ஷன்ஸ் இணைந்து இப்படத்தை தயாரித்துள்ளது. டி.இமான் இப்படத்துக்கு இசையமைத்துள்ளார். ஜான் போஸ்கோ, பிராங்கின்ஸ்டன், அஸ்மிதா, பி.கிருத்திகா ஐயர், கே.எஸ்.தீபன், சில்வென்ஸ்டன், உதய்பிரியன், பிரஷிதா, ரோஷன், அஸ்மிதா மகாதேவன்மோர், ரஞ்சித் தண்டபாணி, பார்த்திபன் ராதாகிருஷ்ணன், பிஞ்சி சீனிவாசன், பால சுவாமிநாதன், கால்டுவெல் வேல்நம்பிமோர் உள்ளிட்டவர்கள் இப்படத்தில் நடித்துள்ளார்கள். மூட நம்பிக்கைக்கு எதிராக சைன்ஸ் ஃபிக்‌ஷன் படமாக உருவாகி இருக்கும் டீன்ஸ் திரைப்படம் கடந்த ஜூலை 12ஆம் தேதி கமலின் இந்தியன் 2 படத்துடன் வெளியானது.

இயக்குநர் பார்த்திபன் உணர்ச்சிகரம் 

Friends
சத்தியமா சொல்றேன்
TEENZ -க்கு உரிய மரியாதை குழந்தைகள் மற்றும் குடும்பங்களிடம் இருந்து கிடைக்கலைன்னா
நான் மிகவும் நேசித்த உயிராய் சுவாசித்த சினிமாவை விட்டு விலகி கண்காணா இடத்துக்கு மறைஞ்சே போயிட முடிவெடுத்தேன். இப்ப நீங்க எல்லாரும் ஒரு முகமா குடுக்குற பாராட்டுல நான்… pic.twitter.com/XFUmjISkSF

— Radhakrishnan Parthiban (@rparthiepan) July 14, 2024

கமலின் இந்தியன் 2 திரைப்படத்திற்கு கலவையான விமர்சனங்கள் வந்துள்ள நிலையில் டீன்ஸ் திரைப்படத்திற்கு பாசிட்டிவான விமர்சனங்கள் கிடைத்து வருகின்றன. படத்திற்கு ஆதரவு தெரிவித்த ரசிகர்களுக்கு நன்றி தெரிவித்து இயக்குநர் பார்த்திபன் தனது எக்ஸ் தளத்தில் உருக்கமாக பதிவிட்டுள்ளார்

” Friends  சத்தியமா சொல்றேன்... TEENZ -க்கு உரிய மரியாதை குழந்தைகள் மற்றும் குடும்பங்களிடம் இருந்து கிடைக்கலைன்ன, நான் மிகவும் நேசித்த உயிராய் சுவாசித்த சினிமாவை விட்டு விலகி கண்காணா இடத்துக்கு மறைஞ்சே போயிட முடிவெடுத்தேன். இப்ப நீங்க எல்லாரும் ஒரு முகமா குடுக்குற பாராட்டுல நான் ‘ஓ’ன்னு சந்தோஷத்தில அழுவுறது உங்களுக்கு கேக்க வாய்ப்பே இல்லே.

இது போதாது இன்னும் ஆதரவு தந்து பலரும் பாக்க உதவி செஞ்சி என்னை சந்தோஷத்தில சாகடிங்க. அடுத்த தலைமுறை ரசிக்கும் படியும் மூட நம்பிக்கைகளுக்கு எதிராக ஒரு science fiction & fantasy thoughtஇல் எடுக்கப்பட்ட இப்படம் பள்ளிகளும் கல்லூரிகளும் இல்லங்களும் கொண்டாட வேண்டும்.

நன்றி :பார்வையிட்டவர்களின் பாதங்களுக்கு

வரம் : வரவிருக்கும் தூய்மையான வெற்றி.

நனைந்த இமைகளோடு இராதாகிருஷ்ணன் பார்த்திபன்”என்று இந்த பதிவில் அவர் குறிப்பிட்டுள்ளார். 

---

மேலும் படிக்க : Aadujeevitham: ஓடிடியில் வெளியாகும் ஆடு ஜீவிதம் - தி கோட் லைஃப் படம்.. ரிலீஸ் தேதி, தளம் இதுதான்!