Mohan G: ரசிகர்களே! அடுத்த படத்திற்கு பூஜையை நடத்திய மோகன் ஜி - ஹீரோ யார்?

ஆடிப்பெருக்கை முன்னிட்டு பிரபல இயக்குனர் மோகன் ஜி தனது அடுத்த படத்திற்கான பூஜையை இன்று தொடங்கினார்.

பட பூஜையைத் தொடங்கிய மோகன் ஜி, உடன் ரிச்சர்ட்

Source : twitter

பழைய வண்ணாரப்பேட்டை படம் மூலமாக தமிழ் திரையுலகில் இயக்குனராக அறிமுகமானவர் மோகன் ஜி. இவரது இயக்கத்தில் ரிச்சர்ட் நடித்த திரௌபதி படம் மூலமாக மோகன் ஜி நன்கு பிரபலமானார். அந்த படத்தில் இடம்பெற்ற வசனங்களும், காட்சிகளும் சிலரால் பாராட்டப்பட்டும், சிலரால் விமர்சிக்கப்பட்டது.

மோகன் ஜி-யின் அடுத்த படம்:

இதையடுத்து, இவர் இயக்கிய ருத்ர தாண்டவம் மற்றும் பகாசூரன் படங்களும் பரபரப்பை ஏற்படுத்தியது. இந்த நிலையில், மோகன் ஜி தற்போது தனது அடுத்த படத்தின் வேலையை இன்று தொடங்கியுள்ளார். தனது அதிகாரப்பூர்வ எக்ஸ் பக்கத்தில் மோகன் ஜி இதைப்பதிவிட்டுள்ளார். இதுதொடர்பாக, அவர் பதிவிட்டுள்ளதாவது, “ இன்று ஆடிப்பெருக்கு  நன்னாளை முன்னிட்டு புதிய அலுவலக பூஜையுடன் அடுத்த திரைப்படத்திற்கான வேலைகள் துவங்கியது என்பதை மகிழ்வுடன் தெரிவித்துக் கொள்கிறேன். எப்போதும் போல உங்கள் அன்பையும் ஆதரவையும் எதிர்நோக்கி”

இவ்வாறு அவர் பதிவிட்டுள்ளார்.

இன்று ஆடிபெருக்கு நன்னாளை முன்னிட்டு புதிய அலுவலக பூஜையுடன் அடுத்த திரைப்படத்திற்கான வேலைகள் துவங்கியது என்பதை மகிழ்வுடன் தெரிவித்து கொள்கிறேன்.. எப்போதும் போல் உங்கள் அன்பையும் ஆதரவையும் எதிர்நோக்கி 🙏❤️ pic.twitter.com/d2JiZDhaU4

— Mohan G Kshatriyan (@mohandreamer) August 3, 2024

மீண்டும் சாதி, காதல் கதைக்களமா?

மேலும், திரைப்படத்திற்கான பூஜை புகைப்படங்களையும் பதிவிட்டுள்ளார். அதில் படத்தின் இயக்குனரான மோகன் ஜியுடன் நடிகர் ரிச்சர்ட்டும் உடன் இருந்தார். இதன்மூலம் மோகன் ஜி படத்தின் அடுத்த கதாநாயகனாக ரிச்சர்ட் நடிக்க உள்ளார் என்பது உறுதியாகியுள்ளது. மோகன் ஜி இயக்கிய திரௌபதி, ருத்ர தாண்டவம் ஆகிய இரண்டு படங்களிலும் நாயகனாக ரிச்சர்ட் கதாநாயகனாக நடித்திருந்தார். தற்போது மூன்றாவது முறையாக மோகன் ஜி-யின் படத்தில் நாயகனாக ரிச்சர்ட் களமிறங்கியுள்ளார்.

மோகன் ஜி இயக்கிய ருத்ரதாண்டவம், திரௌபதி மற்றும் பகாசூரன் படங்களில் சாதி மற்றும் காதல் பிரதானருகதைக்களமாக இருந்தது. இதனால், இவர் ரிச்சர்ட்டுன் கூட்டணி சேர்ந்துள்ள 3வது திரைப்படத்திலும் சாதி மற்றும் காதல் பிரதான கதைக்களமாக இருக்கும் என்று எதிர்பார்க்கப்படுகிறது. மோகன் ஜி அடுத்த படத்தை தொடங்கியிருப்பதற்கு அவரது ரசிகர்கள் அவருக்கு வாழ்த்துகளைத் தெரிவித்துள்ளனர்.