Director Mohan G: மேட்ச் பார்த்தது ஒரு குத்தமா? வாண்டட் ஆக சிக்கிய மோகன் ஜி ..வச்சு செய்த நெட்டிசன்ஸ்!

ஃபிஃபா உலகக்கோப்பை கால்பந்து குறித்து சமூக வலைத்தளத்தில் பதிவிட்ட இயக்குநர் மோகன் ஜியை இணையவாசிகள் சிலர் “வாண்டட் ஆக” வம்பிழுத்த சம்பவம் பரபரப்பை ஏற்படுத்தியுள்ளது. 

இயக்குநர் மோகன் ஜி

ஃபிஃபா உலகக்கோப்பை கால்பந்து குறித்து சமூக வலைத்தளத்தில் பதிவிட்ட இயக்குநர் மோகன் ஜியை இணையவாசிகள் சிலர் “வாண்டட் ஆக” வம்பிழுத்த சம்பவம் பரபரப்பை ஏற்படுத்தியுள்ளது. 

பழைய வண்ணாரப்பேட்டை, திரௌபதி, ருத்ர தாண்டவம் படங்களை இயக்கிய மோகன் ஜி அடுத்ததாக பகாசூரன் என்ற படத்தை எடுத்துள்ளார். இந்த படத்தில் நடிகர்கள் செல்வராகவன், ஒளிப்பதிவாளரும் நடிகருமான நட்டி ஆகியோர் முக்கிய கதாபாத்திரத்தில் நடித்துள்ளனர். இதனைத் தவிர  ராதாரவி, தயாரிப்பாளர் கே.ராஜன், ராம்ஸ், சரவண சுப்பையா, தேவதர்ஷினி ஆகியோரும் இப்படத்தில் நடித்துள்ளனர். 

 

 

 

 

 

View this post on Instagram

 

 

 

 

 

 

 

 

 

 

 

A post shared by Mohan G Kshatriyan (@mohan_dir)

சாம் சி.எஸ். இப்படத்திற்கு இசையமைத்துள்ள நிலையில் சமீபத்தில் இப்படத்தின் ட்ரெய்லர் வெளியாகி ரசிகர்களிடையே நல்ல வரவேற்பை பெற்றது. மேலும் படம் விரைவில் வெளியாகும் என மோகன் ஜி அறிவித்துள்ளார். இதற்கிடையில் நேற்றைய தினம் கத்தாரில் ஃபிஃபா உலகக்கோப்பை கால்பந்து போட்டியின் இறுதி ஆட்டம் நடைபெற்றது. இதில் அர்ஜென்டினா - பிரான்ஸ் அணிகள் மோதின. 

விறுவிறுப்பாக நடைபெற்ற நடப்புச் சாம்பியனாக இருந்த பலமான பிரான்ஸ் அணியை அர்ஜென்டினா அணி பெனால்டி ஷூட் அவுட்டில் 4 - 2 என்ற கணக்கில் வென்றது. அதற்கு முன்னதாக போட்டியின் முழு நேரம் முடிவடையும்போது இரு அணிகளும் 2 - 2 என்ற கணக்கில் சமநிலையில் இருந்தது, இதன் பின்னர் வழங்கப்பட்ட கூடுதல் நேரம் 30 நிமிடத்தின் முடிவில் இரு அணிகளும் தலா 3 கோல்களுடன் சமநிலையில் இருந்தது.

நேற்று முழுக்க முழுக்க இணையம் முழுவதும் ஃபிஃபா உலக்கோப்பை போட்டி பற்றிய பேச்சுதான் நிறைந்திருந்தது. அந்த அளவுக்கு நள்ளிரவிலும் போட்டியின் முடிவை காண அனைவரும் தவம் கிடந்தனர் என்றே சொல்லலாம்.சினிமா பிரபலங்களும் போட்டி குறித்த தங்கள் கருத்துகளை சமூக வலைத்தளத்தில் பதிவிட்டு வந்தனர். அந்த வகையில் மோகன் ஜியும் பல கருத்துகளை தெரிவித்திருந்தார். 

அதில் அர்ஜென்டினாவுக்கு எதிராக போராடிய பிரான்ஸ் அணியை பாராட்டி தனது பேஸ்புக் பக்கத்தில் அவர் பதிவிட, கீழே இணையவாசி ஒருவர், “பிரான்ஸ் கேப்டன் யார்ன்னு சொல்லுங்க” என கேள்வியெழுப்பினர். உடனே மோகன் ஜி, ”அவன் யாருன்னு கப்பு வாங்குறப்ப தெரியும்” என பதிலடி கொடுத்தார். இதனையடுத்து மோகன் ஜியை சிலர் வாண்டட் ஆக வம்பிழுத்தனர். 

இதேபோல் ‘அர்ஜென்டினா ஜெயித்து விட்டது. மெஸ்ஸிக்கு மிகப்பெரிய கிஃப்ட்... பிரான்ஸ் நன்றாக விளையாடியது” என மேட்ச் குறித்த கருத்தை மோகன் ஜி பதிவிட்டார். உடனே இணையவாசி ஒருவர் ”மெஸ்ஸி தவிர வேற பிளேயர் பெயர் சொல்லுங்க..பார்க்கலாம்” என மீண்டும் வம்பிழுத்தனர். இதற்கு மோகன் ஜி கடுமையான பதில் ஒன்றை பதிவிட்டதாக ஸ்கிரீன்ஷாட் ஒன்று வைரலாகியுள்ளது.