![ABP Premium](https://cdn.abplive.com/imagebank/Premium-ad-Icon.png)
Vikram Movie : "விக்ரம்" பார்க்க வரும் முன் "கைதி"யை கண்டிப்பா பாத்துட்டு வாங்க...! இயக்குனர் லோகேஷ் கனகராஜ் வேண்டுகோள்..!
விக்ரம் படத்தில் பார்க்க வரும் முன் தான் இயக்கிய கைதி படத்தை ஒரு முறை பார்த்துவிட்டு வருமாறு இயக்குனர் லோகேஷ் கனகராஜ் ரசிகர்களுக்கு வேண்டுகோள் விடுத்துள்ளார்.
![Vikram Movie : director lokesh kanagaraj request to fans watch kaithi movie before watching vikram movie Vikram Movie :](https://feeds.abplive.com/onecms/images/uploaded-images/2022/06/02/329c6c2d8d12078cc4afed322511031d_original.jpg?impolicy=abp_cdn&imwidth=1200&height=675)
உலகநாயகன் கமல்ஹாசஜ் நடிப்பில் உருவாகியுள்ள விக்ரம் படம் நாளை வெளியாக உள்ளது. நான்கு ஆண்டுகளுக்கு பிறகு கமல்ஹாசனின் ஆக்ஷன் படம் வெளியாவதால் கோலிவுட் திரையுலகமே மிகுந்த எதிர்பார்ப்பில் உள்ளது. இந்த நிலையில், விக்ரம் படத்தின் இயக்குனர் லோகேஷ் கனகராஜ் வெளியிட்ட அறிக்கையில் கூறியிருப்பதாவது,
“ இதுவரை பட வெளியீட்டுக்கு முன் நான் இவ்வளவு உணர்ச்சிவசப்பட்டதில்லை. நினைவு தெரிந்த நாள் முதல் என் சின்ன வயதில் இருந்தே உலகநாயகன் ரசிகனாகவே இருந்திருக்கிறேன். இன்றைக்கு அவரது படத்தை இயக்கியிருக்கிறேன். இன்னமும் இது ஒரு கனவைப் போலிருக்கிறது.
இதனை வெற்றிகரமாக நிறைவேற்ற எனக்குத் துணை நின்ற நல்லுள்ளங்கள் அனைவருக்கும் என் நன்றியை தெரிவிக்கிறேன். விக்ரம் பட வேலைகளைத் தொடங்கி பதினெட்டு மாதங்கள் ஆகின்றன. ரத்தமும், வியர்வையும் சிந்தி (உண்மையாகவும் கூட) ரசிகர்களான உங்களை மகிழ்விக்கவும், ஒரு மனிதரை, நம் நாட்டின் பெருமிதத்தை “உலகநாயகன்” கமல்ஹாசனை கொண்டாடவும் உழைத்திருக்கிறோம்.
வாய்ப்புக்கு நன்றி சார். இந்த திரைப்படம் உங்கள் ரசிகனிடமிருந்து உங்களுக்கான பரிசாக வருகிறது. இதை நான் என்றென்றும் மகிழ்வுடன் நினைவில் சேமித்திருப்பேன்.
என் அன்பான ரசிகர்களுக்கு, இன்னும் சில மணி நேரங்களில் விக்ரம் திரைப்படம் முழுக்க உங்கள் சொந்தமாகிவிடும். அது உங்களை மகிழ்வித்து, மறக்க முடியாத மகத்தான திரையரங்க அனுபவத்தை கொடுக்கும் என்று நம்புகிறேன். “கைதி”யை இன்னொரு முறை மறுபார்வை பார்த்துவிட்டு “விக்ரம்” அழைத்துச்செல்லும் உலகுக்கு வாருங்கள் என்று கேட்டுக்கொள்கிறேன்.”
இவ்வாறு அவர் தெரிவித்துள்ளார்.
லோகேஷ் கனகராஜ் இயக்கியுள்ள விக்ரம் படம் கஞ்சா உள்ளிட்ட போதைப் பொருட்களை அடிப்படையாக கொண்ட கேங்ஸ்டர் படமாக உருவாகியுள்ளது. அவரது இரண்டாவது படமான கார்த்தி நடித்த கைதி திரைப்படமும் போதைப்பொருட்களை அடிப்படையாக கொண்ட கதைக்களம் ஆகும். இந்த நிலையில், கைதி படத்தை ஒரு முறை மீண்டும் பார்க்கச் சொல்லி இயக்குனர் லோகேஷ் கனகராஜ் கூறியிருப்பதால், கைதி படத்திற்கும், விக்ரம் படத்திற்கும் தொடர்பு இருப்பதாக தெரியவந்துள்ளது.
ஏற்கனவே சூர்யா முக்கிய கதாபாத்திரத்தில் நடித்திருப்பதால் மிகுந்த எதிர்பார்ப்பில் ரசிகர்கள் உள்ளனர். இந்த நிலையில், கைதியையும் மீண்டும் ரசிகர்களை இயக்குனர் லோகேஷ் கனகராஜ் பார்க்கச் சொல்லியிருப்பதால் ரசிகர்கள் மிகுந்த உற்சாகத்திற்கு ஆளாகியுள்ளனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)