மகள் திருமணத்திற்காக பணம் சேமிச்சுகிட்டு வர்றேன்..! குடும்பத்தை நினைத்து உருகிய மிஷ்கின்..!
நடிப்பதால் கிடைக்கும் பணத்தை மகளின் திருமணத்திற்காக சேர்த்து வைத்திருப்பதாக இயக்குனர் மிஷ்கின் உருக்கமாக கூறியுள்ளார்.
தமிழ் சினிமாவின் முன்னணி இயக்குனர்களில் ஒருவராக வலம் வருபவர் இயக்குனர் மிஷ்கின். இவர் சமீபத்தில் அளித்த பேட்டியில் தனது மனைவி மற்றும் மகள் பற்றி உருக்கமாக பேசியுள்ளார். அதில் அவர் கூறியிருப்பதாவது,
“ என்னிடம் பலர் நடிக்க வேண்டும் என்று கேட்கின்றனர். நடிப்பதற்கு அதிக பணம் தருவதாக கூறுவதால் மறுக்க முடியவில்லை. அதே நேரத்தில் ஒரு படத்தை இயக்கிக் கொண்டிருக்கும்போது நடிக்க மாட்டேன். ஒரு படத்தை இயக்கி முடித்து அடுத்த படத்தை இயக்கும் வரை வரும் வாய்ப்புகளை மட்டுமே ஏற்றுக்கொள்வேன்.
நடிப்பதால் கிடைக்கும் பணத்தை தனியாக சேமித்து வைத்திருக்கிறேன். அது என் மகளின் திருமணத்திற்காக சேர்த்து வைத்திருக்கிறேன். நான் காதலித்து திருமணம் செய்து கொண்டேன். திருமணத்திற்கு பிறகு எனக்கு அழகான மகள் பிறந்தாள். ஆனால், மகள் பிறந்த சில நாட்களிலேயே மனைவியை பிரிந்துவிட்டேன்.
எங்களுடைய பிரிவிற்கு முழுக்க முழுக்க நான்தான் காரணம். என் மனைவி எங்கள் மகளை நன்றாக பார்த்துக்கொள்கிறார். என் மனைவி இன்னமும் என்னை நேசிப்பதாக கேள்விப்பட்டேன்.” என்று மிகவும் உணர்ச்சிவசப்பட்டு மிஷ்கின் பேசியுள்ளார்.
மிஷ்கினின் இந்த பேட்டி தற்போது சமூக வலைதளங்களில் வைரலாகி வருகிறது. சித்திரம் பேசுதடி படம் மூலமாக இயக்குனராக அறிமுகமான மிஷ்கின் அஞ்சாதே, யுத்தம் செய், பிசாசு, சைகோ, துப்பறிவாளன் என மாறுபட்ட பல திரைப்படங்கள் மூலம் தமிழ் சினிமாவின் தவிர்க்க முடியாத இயக்குனராக உள்ளார்.
அவரது இயக்கத்தில் ஆண்ட்ரியா நாயகியாக நடித்துள்ள பிசாசு 2 படம் விரைவில் திரையில் ரிலீசாக உள்ளது. இந்த படத்தின் டீசருக்கே ஏற்கனவே பெருத்த வரவேற்பு கிட்டியது என்பது குறிப்பிடத்தக்கது. விஷால் நடிப்பில் துப்பறிவாளன் பாகம் 2-யை இயக்கும் பணிகள் நடைபெற்று வந்த நிலையில், மிஷ்கினுக்கும், விஷாலுக்கும் கருத்து வேறுபாடு ஏற்பட்டு மிஷ்கின் விலகிவிட்டார். தற்போது, துப்பறிவாளன் 2ம் பாகத்தை விஷாலே இயக்கி நடித்து வருகிறார்.
மேலும் படிக்க : Jawan Movie: பாலிவுட்டில் கால்பதிக்கும் அனிருத்.. அட்லீக்கு ட்விட்டரில் நன்றி.. வெளியானது ஜவான் டீசர்..!
மேலும் படிக்க : Actress Priya Bhavani Shankar: ’காலேஜ் முடிச்சதும் கல்யாணம் பண்ண நெனச்சேன், ஆனா...’ - ப்ரியா பவானி சங்கர் கவலை!
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
