மேலும் அறிய

D.imman : ''இவங்க மொபைல் நம்பர் கிடைக்குமா?'' -ரயிலில் பாடிய வைரல் பெண்ணை தேடும் இமான் !

ருமூர்த்தி என்ற பார்வை குறைபாடு கொண்ட இளைஞரின் வீடியோ இணையத்தில் வைரலாகவே அவரை சந்தித்த டி.இமான் அவருக்கு பாடுவதற்கான வாய்ப்பை ஏற்படுத்தி கொடுத்தார்.

Written By : அபிநயா எஸ் அருள்குமார் | Updated at : 19 Jul 2022 11:14 AM (IST)

டி.இமான்

இமான் :

“அழகிய அசுரா , அழகிய அசுரா அத்துமீற ஆசையில்லையா? என்ற ஹிட் பாடல் மூலம் திரையுலக வெளிச்சத்திற்கு வந்தவர் டி. இமான். 2001 ஆம் ஆண்டு விஜய் நடிப்பில் வெளியான தமிழன் திரைப்படத்தில்தான் முதன் முதலாக இசையமைப்பாளராக அறிமுகமானார். படம் எதிர்பார்த்தை வெற்றியை பதிவு செய்யவில்லை என்பதால் இமான் கோலிவுட்டில் தனது வெற்றிக்கொடியை நாட்ட பல வருடங்கள் போராட வேண்டியதாயிற்று. இப்போது காதல், குடும்ப உறவுகளை இணைக்கும் பாடல்கள் என இயக்குநர்கள் யோசித்தாலே அவர்களின் லிஸ்டில் முதல் இடம் பிடிப்பது இமான்தான்.க மைனா, சீமாராஜா,விஸ்வாசம், வருத்தப்படாத வாலிபர் சங்கம், நம்ம வீட்டுப்பிள்ளை, கும்கி, வெற்றிவேல், சிகரம் தொடு, கயல், தொடரி, ஜில்லா, றெக்க போன்ற இதுவரை 100 க்கும் அதிகமான படங்களுக்கு டி.இமான் இசையமைத்துள்ளார். சமீபத்தில் விஸ்வாசம் படத்திற்காக சிறந்த இசையமைப்பாளருக்கான தேசிய விருது டி.இமானுக்கு கிடைத்தது. டெரண்டோ பல்கலைக்கழகத்தில் தமிழ் இருக்கைக்கான தூதராகவும் நியமிக்கப்பட்டுள்ளார்.

Keep scaling high!
Always i will be a happy and an encouraging man behind you 👍 https://t.co/fJ9jGwUJ9Z
— D.IMMAN (@immancomposer) July 12, 2022

திறமைக்கு அங்கீகாரம் கொடுக்கு இசையமைப்பாளர் :

தான் சுவைத்த வெற்றிக்கனியை இசைத்தாகம் கொண்ட சாமானிய திறமைசாளிகளும் சுவைக்க வேண்டும் என நினைப்பவர் டி.இமான்.விஸ்வாசம் படம் வெளியான சமயத்தில், திருமூர்த்தி என்ற பார்வை குறைபாடு கொண்ட இளைஞர், அப்படத்தில் இடம்பெற்ற கண்ணான கண்ணே பாடலை அருமையாக பாடியிருந்தார். அந்த வீடியோ இணையத்தில் வைரலாகவே அவரை சந்தித்த டி.இமான் அவருக்கு பாடுவதற்கான வாய்ப்பை ஏற்படுத்தி கொடுத்தார்.அண்ணாத்த படத்தில் இடம்பெற்ற பாடலை பாடியிருந்த திருமூர்த்தி, சமீபத்தில் விக்ரம் படத்தில் இடம்பெற்ற பத்தல பத்தல பாடலை பாடி வீடியோவை பதிவேற்றியிருந்தார். அவரின் திறமையை மதித்த கமல்ஹாசன் அவரை ஏ.ஆர்.ரஹ்மானின் இசைப்பள்ளியில் சேர்த்து அவருக்கு இசை கற்க உதவினார். இதற்கெல்லாம் ஆரம்பப்புள்ளி டி இமான்தானே

Kindly share the contact link/contact number of the voice which is doing rounds on the social media recently..
A woman singing in train👍
— D.IMMAN (@immancomposer) July 18, 2022

வைரல் பெண்ணை தேடும் இமான் :

இந்த நிலையில் ஓடும் ரயிலில் பாடல் பாடி அதன் மூலம் பயணிகள் கொடுக்கும் பணத்தை பெறும் பெண் ஒருவர் கண்ணோடு காண்பதெல்லாம் பாடலை அவ்வளவு நேர்த்தியாக பாடுகிறார். குரலும் அத்தனை இனிமையாக இருக்கிறது. இந்த வீடியோ இணையத்தில் வைரலானதை தொடர்ந்து அவரை தொடர்புக்கொள்வதற்கான இணைப்பு அல்லது தொலைபேசி எண் இருந்தால் பகிருங்கள் என இமான் தனது ட்விட்டர் பக்கத்தில் கேட்டிருக்கிறார். விரைவில் அந்த பெண் அடையாளம் காணப்பட்டு அவருக்கான அங்கீகாரத்தை இமான் ஏற்படுத்திக்கொடுப்பார் என நம்பலாம்.