Coolie: ரஜினிகாந்த் மகளாக நடிக்க மாட்டேன் என்று சொன்ன சீரியல் நடிகை - ஏன்?

கூலி படத்தில் நடிகர் ரஜினிகாந்திற்கு மகளாக நடிக்க வந்த வாய்ப்பிற்கு பிரபல சீரியல் நடிகை மறுப்பு தெரிவித்துள்ளார்.

கூலி படத்தில் நடிகர் ரஜினிகாந்த்

Source : twitter

இந்திய திரையுலகின் பிரபல நடிகர் ரஜினிகாந்த். சூப்பர்ஸ்டார் என்று ரசிகர்ளால் கொண்டாடப்படுபவர் இன்றும் வசூலில் நம்பர் 1 நடிராக உலா வருகிறார். ஞானவேல் இயக்கத்தில் இவர் நடித்துள்ள வேட்டையன் படம் விரைவில் வெளியாக உள்ளது.

கூலியில் ரஜினியின் மகள்:

தற்போது, கூலி படத்தில் ரஜினிகாந்த் நடித்து வருகிறார். தமிழ் திரையுலகின் பிரபல இயக்குனராக உலா வரும் லோகேஷ் கனகராஜ் இந்த படத்தை இயக்கி வருகிறார். கூலி படத்தின் டைட்டில் அறிவிப்பு வெளியாகி ஏற்கனேவ ரஜினி ரசிகர்கள் மத்தியில் பெரும் வரவேற்பை ஏற்படுத்தியுள்ளது.

கூலி படத்தில் ரஜினிகாந்த் ஒரு பாசமுள்ள தந்தையாக நடிக்கிறார் என்று தகவல்கள் வெளியாகியுள்ளது. ரஜினிகாந்தின் மகளாக நடிக்க பிரபல சீரியல் நடிகை ஒருவரை அணுகியுள்ளனர். விஜய் தொலைக்காட்சியில் ஒளிபரப்பாகும் பிரபல சீரியலின் கதாநாயகி ஒருவரை படக்குழு அணுகியுள்ளது.

மறுப்பு தெரிவித்த நடிகை:

கூலி படக்குழு அந்த சீரியல் நடிகையிடம் நான்கு நாட்கள் மட்டுமே கால்ஷீட் கேட்டுள்ளனர். ஆனால், அந்த நடிகை நடிக்கும் சீரியலின் தயாரிப்பாளர் தன்னுடைய சீரியலுக்கு பாதிப்பு ஏற்படாதவகையில் யாருடைய படப்பிடிப்புக்கு வேண்டுமானாலும் செல்லுங்கள் என்று கூறியுள்ளார். சீரியலுக்கான காட்சி அந்த நடிகையின் காட்சிகள் தினசரி படம்பிடிக்கப்பட்டு வருவதால் அவரால் கூலி படக்குழுவினர் கேட்ட 4 நாட்கள் கால்ஷீட்டை அவரால் தர இயலாத சூழல் ஏற்பட்டுள்ளது.

இதனால், அவர் தன்னால் கூலி படத்தில் நடிக்க இயலாது என்று மறுப்பு தெரிவித்துள்ளார். இதனால், தற்போது கூலி படக்குழு வேறு ஒரு நடிகையை அணுகியுள்ளனர். சூப்பர்ஸ்டார் ரஜினிகாந்த் நடிக்கும் படத்தில் அவருக்கு மகளாக நடிக்கும் வாய்ப்பை தவறவிட்டதால் அந்த நடிகையும் வருத்தத்தில் இருப்பதாகவும் கூறப்படுகிறது.

வழக்கமாக லோகேஷ் கனகராஜ் படத்தில் போதைப்பொருட்கள் கதைக்களத்தில் முக்கிய பங்காற்றி வருகிறது. இந்த சூழலில், கூலி படத்தின் டைட்டில் வீடியோவில் முழுக்க முழுக்க தங்கமே பிரதானமாக இடம்பெற்றிருந்தது. கூலி படம் தங்கக்கடத்தல், தந்தை – மகள் பாசத்தை பிரதானமாக கொண்டு உருவாக்கப்படும் படம் என்று தற்போது தகவல்கள் வெளியாகியுள்ளது.

மேலும் படிக்க: Vishal On Budget: ”தமிழ்நாட்டில் இரட்டை வரி வசூல்” - பிரதமர் மோடிக்கு கோரிக்கை வைத்த நடிகர் விஷால்

மேலும் படிக்க: Devayani: அவன் ஒரு குட்டி பாப்பா.. அவனுக்கு நான்தான் அம்மா: மேடையில் நகுலை கண்கலங்க வைத்த அக்கா தேவயானி