Captain Miller Pooja: வெள்ள வேட்டி.. முறுக்கு மீசை.. ஆரம்பமானது கேப்டன் மில்லர்.. வெளியானது பூஜை புகைப்படங்கள்!
நடிகர் தனுஷ் நடிப்பில் உருவாக இருக்கும் கேப்டன் மில்லர் படத்தின் பூஜை தொடர்பான புகைப்படங்கள் வெளியாகியுள்ளது.
நடிகர் தனுஷ் நடிப்பில் உருவாக இருக்கும் ‘கேப்டன் மில்லர்’ படத்தின் பூஜை தொடர்பான புகைப்படங்கள் வெளியாகியுள்ளது.
பட்டாஸ், மாறன் ஆகிய படங்களை தொடர்ந்து 3வது முறையாக தனுஷ் - சத்யஜோதி பிலிம்ஸ் கூட்டணி “கேப்டன் மில்லர்” என்ற படத்தில் இணைந்துள்ளது. ராக்கி, சாணி காயிதம் உள்ளிட்ட படங்களை இயக்கி கவனம் ஈர்த்த இயக்குநர் அருண் மாதேஸ்வரன் இயக்கும் இப்படத்தின் மோஷன் போஸ்டர் ஏற்கனவே வெளியாகி பெரும் வரவேற்பை பெற்றிருந்தது. ஜிவி பிரகாஷ் இப்படத்திற்கு இசையமைக்கும் நிலையில் படமானது 2023 ஆம் ஆண்டு மே மாதம் ரிலீசாகும் என தெரிவிக்கப்பட்டுள்ளது.
இதனிடையே கேப்டன் மில்லர் படத்தில் பிரபல நடிகர் சந்தீப் கிஷன் நடிக்கவுள்ளதாக சில தினங்களுக்கு முன் தெரிவிக்கப்பட்டது. அதனைத்தொடர்ந்து படத்தின் கதாநாயகியாக பிரியங்கா மோகன் நடிக்கிறார் என்ற அறிவிப்பும் வெளியானது. தொடர்ந்து நிவேதிதா சதிஷ்,ஜான் கொக்கன் உள்ளிட்டோர் படத்தில் இணைவதாக அறிவிக்கப்பட்டது. இதனிடையே நேற்று படத்தின் பூஜை நடந்தது. இந்த நிகழ்வில் தனுஷ், இயக்குநர் அருண் மாதேஷ்வரன், ஜிவி உள்ளிட்ட பலர் பங்கேற்றனர். அது தொடர்பான புகைப்படங்கள் தற்போது வெளியாகியுள்ளது.
View this post on Instagram
முன்னதாக தமிழ் சினிமாவின் முன்னணி நடிகராக உள்ள தனுஷ் நடிப்பில் கடைசியாக திருச்சிற்றம்பலம் படம் வெளியாகியிருந்தது. சன் பிக்சர்ஸ் தயாரித்திருந்த இப்படத்தில் நடிகைகள் நித்யா மேனன், பிரியா பவானி ஷங்கர், ராஷி கண்ணா, நடிகர்கள் பாரதிராஜா, பிரகாஷ்ராஜ் உள்ளிட்ட பலரும் நடித்திருந்தனர். அனிருத் இசையமைத்திருந்த இப்படம் வசூல் ரீதியாகவும் பல சாதனைகளை படைத்தது. இதனைத் தொடர்ந்து தனுஷ் நடிப்பில் நானே வருவேன், வாத்தி ஆகிய திரைப்படங்கள் வெளியாக உள்ள நிலையில் இந்த படங்கள் பெரும் எதிர்பார்ப்பை ஏற்படுத்தியுள்ளது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
