Bigg Boss Ultimate | BB அல்டிமேட்டில் இருந்து ஒதுங்கிக் கொண்ட கமல்..! அடுத்த தொகுப்பாளர் இவர்தானா?
பிக்பாஸ் அல்டிமேட் நிகழ்ச்சியை அடுத்து யார் தொகுத்து வழங்குவார் என்ற எதிர்பார்ப்பு நிலவி வருகிறது.
பிக்பாஸ் நிகழ்ச்சியை தமிழில் தொகுத்து வழங்கி வருபவர் நடிகர் கமல்ஹாசன். 2017ம் ஆண்டு தொடங்கப்பட்ட பிக்பாஸ் நிகழ்ச்சி தற்போது 5 சீசனை கடந்துள்ளது. டிவியில் ஒளிபரப்பாகும் பிக்பாஸ் என்பதையும் தாண்டி, பிக்பாஸ் அல்டிமேட் என்ற நிகழ்ச்சியும் தற்போது ஒளிபரப்பாகி வருகிறது. பிக்பாஸ் அல்டிமேட் என பெயரிடப்பட்ட இந்நிகழ்ச்சி ஓடிடியில் 24 மணிநேரமும் நேரடியாக ஒளிபரப்பு செய்யப்பட்டு வருகிறது. இந்த நிகழ்ச்சியையும் கமல்ஹாசனே தொகுத்து வழங்கினார். ஆனால் தற்போது அவர் விலகியுள்ளார்.
அறிக்கை...
பிக்பாஸ் அல்டிமேட்டில் இருந்து விலகியது குறித்து அறிக்கை வெளியிட்ட கமல், ''லாக்டவுன் விதிமுறைகளால் விக்ரம் திரைப்படத்தின் படப்பிடிப்பு பலமுறை ஒத்திவைக்கப்பட்டது. இதன் விளைவாக, பிக்பாஸ் அல்டிமேட் நிகழ்ச்சிக்கு என நான் ஒதுக்கியிருந்த தேதிகளும், விக்ரம் படப்பிடிப்பு தேதிகளிலும் மாற்றங்கள் செய்யவேண்டியதாகிவிட்டது. இறுதி கட்ட படப்பிடிப்பை நெருங்கி வரும் சூழலில் என்னோடு பணியாற்றும் பிற முக்கியமான நடிகர்கள், தொழில்நுட்பக் கலைஞர்களுடைய தேதிகளையும் மாற்றியமைக்கவேண்டிய நிலைமை ஏற்பட்டுவிட்டதால், பிக்பாஸ் அல்டிமேட் மற்றும் விக்ரம் இரண்டையும் ஒரே நேரத்தில் மேற்கொள்ள முடியாத சூழல் உருவாகிவிட்டது.
இந்திய சினிமாவின் மிக முக்கியமான நடிகர்களையும், கலைஞர்களையும், தொழில்நுட்ப வல்லுனர்களையும் என் சொந்தக் காரணங்களின் பொருட்டு தாமதிக்கச் செய்வது நியாயமல்ல. அவர்கள் ஒப்புக்கொண்ட பணிகள் அவர்களுக்காகக் காத்திருக்கின்றன. ஆகவே, வேறு வழியின்றி கனத்த மனதுடன் வருகிற பிப்ரவரி 30ஆம் தேதி எபிஸோட்டுக்குப் பிறகு டிஸ்னி ப்ளஸ் ஹாட்ஸ்டாரில் ஒளிபரப்பாகி வரும் பிக்பாஸ் அல்டிமேட் நிகழ்ச்சியிலிருந்து விலகிக்கொள்வது என்ற முடிவை எடுக்க நேர்ந்துவிட்டது'' எனக் குறிப்பிட்டுள்ளார்.
அடுத்து யார்...
இந்நிலையில் பிக்பாஸ் அல்டிமேட் நிகழ்ச்சியை அடுத்து யார் தொகுத்து வழங்குவார் என்ற எதிர்பார்ப்பு நிலவி வருகிறது. அதில், ரம்யா கிருஷ்ணன் பெயர் அடிபடுகிறது. ஏற்கெனவே கொரோனாவால் கமல் பாதிக்கப்பட்ட பொழுது பிக்பாஸ் நிகழ்ச்சியை ரம்யா கிருஷ்ணன் தொகுத்து வழங்கினார். இந்நிலையில் மீண்டும் அவருக்கே வாய்ப்பு கொடுக்கப்படும் எனத் தெரிகிறது. அல்லது சின்னத்திரையில் ஏற்கெனவே சில நிகழ்ச்சிகளை தொகுத்து வழங்கிய சரத்குமார் பிக்பாஸ் அல்டிமேட்டுக்கு பொறுப்பேற்கலாம் எனத் தெரிகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
