கிடைத்த கேப்பில் சிம்புவை வாரிய அனிதா! கடுப்பில் STR பேன்ஸ்! மீண்டும் பஞ்சாயத்தில் பிக்பாஸ்!!
பிக்பாஸ் அல்டிமேட் எனும் 24 மணி நேர பிக்பாஸ் நிகழ்ச்சி ஹாட்ஸ்டாரில் ஒளிப்பரப்பாகி வருகிறது.
விஜய் டிவியில் ஒளிப்பரப்பாகும் ரியாலிட்டி ஷோக்களுக்கு எப்போதும் தனி ரசிகர்கள் பட்டாளமே உள்ளது. குறிப்பாக மக்களிடம் நல்ல வரவேற்பைப் பெற்றிருக்கும் ஷோக்கள் அனைத்தும் சீசன்1, சீசன் 2 என எண்ணிக்கையை அடிக்கிக் கொண்டே போகும். அப்படி மக்களிடம் மிகுந்த வரவேற்பைப்பெற்றுள்ள ஷோ தான் பிக்பாஸ். நடிகர் கமல்ஹாசன் தொகுத்து வழங்கிய இந்நிகழ்ச்சியில் பிரபலமான பல போட்டியாளர்கள் பங்கேற்பார்கள். இப்படி பிக்பாஸ் சீசன் 5 முடிவடைந்தவுடனே பிக்பாஸ் அல்டிமேட் எனும் 24 மணி நேர பிக்பாஸ் நிகழ்ச்சி ஹாட்ஸ்டாரில் ஒளிப்பரப்பாகி வருகிறது.
இதில் பிக்பாஸ் நிகழ்ச்சியில் பல்வேறு பிரச்சனைகள் மற்றும் சல சலப்புகளுக்குக் காரணமாக தாமரை, ஜூலி, ஸ்னேகன், சுரேஷ் சக்ரவர்த்தி போன்ற பல பலர் பங்கேற்றுள்ளனர். ஆரம்பம் முதலே விறுவிறுப்பாக நிகழ்ந்துக்கொண்டிருக்கும் இந்நிகழ்ச்சி எப்போது சூடுபிடிக்கும் என ரசிகர்கள் காத்திருந்தனர். கடந்த 5 சீசன்களையும் தொகுத்து வழங்கிய கமல் அடுத்தடுத்து படங்களில் நடிக்க இருப்பதால், பிக் பாஸ் அல்டிமேட் நிகழ்ச்சியில் இருந்து விலகினார்.
அவருக்கு பதிலாக, நடிகர் சிம்பு தற்போது நிகழ்ச்சியைத் தொகுத்து வழங்கி வருகிறார். இந்நிலையில் சமீப நாட்களாக பிக்பாஸ் பல சர்ச்சைகளில் சிக்கி வருகிறது. குறிப்பாக பங்கேற்பாளர் அனிதா வகைவகையாய் சிக்கி வருகிறார். பிக்பாஸின் தொடக்கத்திலேயே பிக்பாஸின் குழந்தை என் வயிற்றில் வளர்கிறது என நகைச்சுவை செய்தார். அது இணையத்தில் பேசுபொருளானது. சமீபத்தில் பீப் வார்த்தைகளை அசால்டாக அள்ளி வீசி இணையத்தில் வாங்கிக் கட்டிக்கொண்டார். இந்த நிலையில் மீண்டும் ஒரு சர்ச்சையில் சிக்கியுள்ளார் அனிதா. இந்த முறை பிக்பாஸ் தொகுப்பாளரான சிம்புவை ஒரண்டை இழுத்துள்ளார்.
இரவில் ஸ்ருதியிடம் பேசிக்கொண்டிருக்கும் அனிதா, ''நீ பேசுனது ரொம்ப ஆழமான விஷயம். இதெல்லாம் சிம்புவுக்கு புரியாது. அவர் யோசிக்க மாட்டார். கமல் சாராவது 5 சீசன்களை பார்த்து இருக்கிறார். சிம்பு பிக் பாஸூக்கு புதுசு” என்கிறார்.
அனிதாவின் இந்த பேச்சு சிம்பு ரசிகர்களை கோபமடையச் செய்துள்ளது. அனிதாவின் பேச்சுக்கு கடுமையான கண்டங்களை பதிவிட்டு வருகின்றனர். அதேவேளையில் அனிதா மிகவும் சாதாரணமாக கூறிய விஷயத்தை சிம்பு ரசிகர்கள் ஊதி பெருசாக்குவதாக சிலர் பதிவிட்டு வருகின்றனர்.
Ivanga romba depth ana point sonnangalam athu STR ku puriyatham! 🤭🤦🏻♀️#BiggBossTamil #BBUltimate #BiggBossUltimate pic.twitter.com/YuIZPt6Sp2
— Stone Heart (@Stonecoldhrt) March 13, 2022
.
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
