Bigg Boss 7 Tamil LIVE: அறிமுகம் முடிஞ்சது.. கேப்டனாகத் தேர்வான விஜய்.. நாளை முதல் களேபரம் தொடங்குமா?
Bigg Boss 7 Tamil Grand Launch LIVE Updates: இன்று மாலை 6 மணிக்கு கமல்ஹாசன் தொகுத்து வழங்க கோலாகலமாக பிக் பாஸ் சீசன் 7 நிகழ்ச்சி தொடங்க உள்ளது.
LIVE
Background
Bigg Boss 7 Tamil Grand Launch LIVE
விஜய் தொலைக்காட்சியில் கடந்த 2017ஆம் ஆண்டு தொடங்கி ரேட்டிங்கில் சீசன் 1, 2,3,4,5,6 என சக்கைபோடுபோட்டு கோடிக்கணக்கான ரசிகர்களைக் கொண்டுள்ள நிகழ்ச்சி பிக் பாஸ்!
பிரபல ரியாலிட்டி ஷோ
சின்னத்திரை ரசிகர்களிடம் மிகவும் பிரபலமான ரியாலிட்டி ஷோவான இந்த பிக்பாஸ் நிகழ்ச்சியின் அடுத்த சீசனான 7ஆவது சீசன்(Bigg Boss Tamil Season 7) இன்று மாலை கோலாகலமாகத் தொடங்க உள்ளது.
முந்தைய சீசன்களை தொகுத்து வழங்கிய நடிகர் கமல்ஹாசனே இந்த சீசனையும் தொகுத்து வழங்க உள்ளார். பிக் பாஸ் வீட்டுக்குள் எண்ட்ரி கொடுத்து, பிக் பாஸ் கொடுக்கும் டாஸ்க்குகளை செய்தபடி, சக போட்டியாளர்களுடன் ஒன்றாக வீட்டில் தங்கி, உண்டு, உறங்கி, அன்பு பாராட்டி, சண்டை சச்சரவுகளைக் கடந்து இத்யாதி என சுமார் 100 நாள்களுக்கு தாக்குப்பிடிப்பவர்களே நிகழ்ச்சியில் வெற்றி பெறுவார்கள்.
அடுத்த மூணு மாசம் ஆரவாரம் தான்!
பொதுவாக பிக் பாஸ் தொடங்கி அடுத்த மூன்று மாதங்களுக்கு சமூக வலைதளங்களில் தங்களுக்கு பிடித்தமான போட்டியாளர்களுக்கு ஆர்மி அமைத்தபடி ரசிகர்கள் ஜாலியாகக் களமாடுவார்கள்.. இந்த சீசனும் அதற்கு விதிவிலக்கு அல்ல.. ஆகவே அடுத்த மூன்று மாதங்களுக்கு சமூக வலைதளங்கள் களைகட்டப்போகுது!
பிக் பாஸ் நிகழ்ச்சிக்கான ப்ரோமோ வீடியோக்கள் கடந்த சில வாரங்களாகவே வெளியாகி ரசிகர்களை குதூகலப்படுத்தி வருகின்றன. பொதுவாக ஒருநாள் முன்னதாகவே பிக் பாஸ் ஷூட்டிங் நடைபெறும் நிலையில் இணையத்தில் அப்டேட் இதுகுறித்த அப்டேட்களும் பறக்கத் தொடங்கிவிடும் .
மாலை 6 மணி முதல்...
அந்த வகையில் பிக் பாஸ் முதல் நாள் போட்டியாளர்களை அறிமுகப்படுத்தும் கொண்டாட்ட நிகழ்வு நேற்றே நடைபெற்று முடிந்து அது தொடர்பான அப்டேட்களும் வரத் தொடங்கிவிட்டன.
மொத்தம் 18 போட்டியாளர்கள்(Bigg Boss 7 Tamil Contestants) இந்த சீசனில் பங்கேற்பதாகத் தகவல்கள் வெளியாகியுள்ள நிலையில் இவர்களது பெயர் பட்டியலும் இடம்பெற்றுள்ளது. நடிகர் கூல் சுரேஷ், பாடகரும் நடிகருமான யுகேந்திரன், எழுத்தாளரும் கதைசொல்லியுமான பவா செல்லதுரை உள்ளிட்ட பலர் பங்கேற்கவிருப்பதாகத தகவல் வெளியாகியுள்ளது.
கமலும் அரசியலும்...
இன்று மாலை 6 மணி முதல் இரவு 11 மணி வரை பிக்பாஸ் நிகழ்ச்சி நேரலையாக விஜய் தொலைக்காட்சியில் ஒளிபரப்பப்பட உள்ளது. மேல்கும் ஹாட் ஸ்டார் ஓடிடி தளத்தில் 24x7 நேரலையும் ஒளிபரப்பாக உள்ளது. நாளை (அக்டோபர் 2) இரவு முதல் திங்கள் முதல் வெள்ளி வரை இரவு 9.30 மணி முதல் 10.30 மணி வரையும், சனி, ஞாயிற்றுக்கிழமைகளில் இரவு 9.30 மணி முதல் 11 மணி வரையும் ஒளிபரப்பாகும் எனத் தெரிவிக்கப்பட்டுள்ளது.
அடுத்த ஆண்டு நாடாளுமன்ற தேர்தல் வரவுள்ள நிலையில், கமல்ஹாசன் கோயம்புத்தூர் நாடாளுமன்றத் தொகுதியில் போட்டியிட உள்ளதாக ஏற்கெனவே அறிவித்துளார். இந்நிலையில் பிக் பாஸ் நிகழ்ச்சி பஞ்சாயத்துகளுடன் சூடுபறக்க அரசியல் கருத்துகளையும் பகிர்ந்து கமல்ஹாசன் வார இறுதி எபிசோடுகளை சுவாரஸ்யமாகக் கொண்டு செல்வார் என எதிர்பார்க்கப்படுகிறது.
Bigg Boss 7 Tamil LIVE: அறிமுகம் முடிஞ்சது.. கேப்டனாகத் தேர்வான விஜய்.. நாளை முதல் களேபரம் தொடங்குமா?
பிக் பாஸ் நிகழ்ச்சியில் 18 போட்டியாளர்களையும் கமல்ஹாசன் அறிமுகப்படுத்தி முடித்துள்ளார். முதல் போட்டியாளர் வந்தது முதலே கேப்பிடன்ஸி டாஸ்க் கொடுத்து பிக்பாஸ் கொளுத்திப் போடும் வேலையை தொடங்கி வைத்த நிலையில், இறுதியாக வந்த விஜய் இந்த வார கேப்டனாக நோகாமல் தேர்வாகியுள்ளார்.
ஜாலியான குடும்பமாக அன்பு பொங்க இன்று போட்டியாளர்கள் கமல் உடன் உரையாடி வருகின்றனர் போட்டியாளர்கள்.. ஆனால் இரண்டு வீடுகளாக ஏற்கெனவே டிசைன் பண்ணியதற்கு ஏற்ப, வீடு நாளை முதல் ரெண்டாகுமா என்பதை பொறுத்திருந்து பார்க்கலாம்!
Bigg Boss 7 Tamil LIVE: பிக்பாஸ் சீசன் 7 நிகழ்ச்சி..இறுதி போட்டியாளராக உள்நுழைந்த விஜய் வர்மா
பிக்பாஸ் சீசன் 7 நிகழ்ச்சியில் இறுதி போட்டியாளராக பிக்பாஸ் வீட்டிற்குள் நுழைந்துள்ளார் நடனக் கலைஞர் விஜய் வர்மா.
#பிக்பாஸ் இல்லத்தில்.. #Vijay Bigg Boss Tamil Season 7 #GrandLaunch - இப்போது ஒளிபரப்பாகிறது நம்ம விஜய் டிவில.. #TuneInNow #KamalHaasan #Disneyplushotstartamil #RendulaOnnuPaakkalaam #BiggBossTamil #BBT #BBTamilSeason7 #பிக்பாஸ் #VijayTelevision #VijayTV pic.twitter.com/5nMUGMKaPt
— Vijay Television (@vijaytelevision) October 1, 2023
Bigg Boss 7 Tamil LIVE: பிக்பாஸ் சீசன் 7 நிகழ்ச்சி..17 வது போட்டியாளராக உள்ளே வந்த அனன்யா
பிக்பாஸ் சீசன் 7 வீட்டில் 17 ஆவது போட்டியாளராக உள்ளே வந்திருக்கிறார் வளர்ந்து வரும் மாடலான அனன்யா.
Bigg Boss 7 Tamil LIVE: பிக்பாஸ் சீசன் 7 நிகழ்ச்சி...16 ஆவது போட்டியாளராக உள்ளே வந்த கதைசொல்லி பவா செல்லத்துரை
பிக்பாஸ் சீசன் 7 நிகழ்ச்சியில் 16 ஆவது போட்டியாளராக எழுத்தாளர் மற்றும் கதைசொல்லியாக அறியப்படும் பவா செல்லத்துரை பிக் பாஸ் வீட்டிற்குள் நுழைந்துள்ளார். பல்வேறு புத்தகங்களை மட்டும் இல்லாமல் ஜோக்கர், ஜெய் பீம் உள்ளிட்டத் திரைப்படங்களிலும் நடித்துள்ளார்
Bigg Boss 7 Tamil LIVE: பிக்பாஸ் வீட்டில் 15 ஆவது போட்டியாளராக எண்ட்ரி கொடுத்த நடிகை விசித்திரா
பிக்பாஸ் சீசன் 7 நிகழ்ச்சியில் 15 ஆவது போட்டியாளராக பிக்பாஸ்ஸ் வீட்டில் நுழைந்துள்ளார் நடிகை விசித்திரா. 90 களில் வெளியானத் திரைப்படங்களில் பெரும்பாலான பிரபல நடிகர்களின் படத்தில் துணைக் கதாபாத்திரங்களில் நடித்தவர் நடிகை விசித்திரா.
தலைப்பு செய்திகள்
ட்ரெண்டிங் செய்திகள்
