![ABP Premium](https://cdn.abplive.com/imagebank/Premium-ad-Icon.png)
Bigg Boss 6 Tamil: ஜனனி, மைனா நந்தினி, குயின்சி.. மூவரில் இந்த வாரம் பெட்டியைக் கட்டி வெளியேறியது யார்?
சாவி பொருந்தி திறக்கும் சூட்கேஸ் கொண்ட நபர் வெளியேறுவார் என்றும் கமல்ஹாசன் தெரிவிக்கும் இன்றைய ப்ரொமோ சுவாரஸ்யமாக அமைந்துள்ளது.
![Bigg Boss 6 Tamil: ஜனனி, மைனா நந்தினி, குயின்சி.. மூவரில் இந்த வாரம் பெட்டியைக் கட்டி வெளியேறியது யார்? Big Boss 6 Tamil this week eviction who got eliminated among queency Janani Myna Nandhini Bigg Boss 6 Tamil: ஜனனி, மைனா நந்தினி, குயின்சி.. மூவரில் இந்த வாரம் பெட்டியைக் கட்டி வெளியேறியது யார்?](https://feeds.abplive.com/onecms/images/uploaded-images/2022/12/04/9f9472cac63f9c20c0ecee16a26508ae1670132044349574_original.jpg?impolicy=abp_cdn&imwidth=1200&height=675)
பிக் பாஸ் சீசன் 6 நிகழ்ச்சியில் இந்த வாரம் எவிக்ஷனில் கதிரவன், ஜனனி, ரச்சிதா, மைனா நந்தினி, தனலெட்சுமி, குயின்ஸி உள்ளிட்ட ஆறு பேர் இடம் பிடித்தனர்.
எவிக்ஷனுக்கு வந்த அனைவருமே சேஃபாக விளையாடுவதாக புகார் தெரிவிக்கப்பட்டு வந்த நிலையில், இந்த வாரம் எந்தப் போட்டியாளர் வெளியேறுவார் என்ற குழப்பம் வாரத்தின் தொடக்கம் முதலே நிலவி வந்தது.
மேலும், இந்த வாரம் “பழங்குடியின மக்களும், ஏலியன்ஸூம்” என்ற டாஸ்க் கொடுக்கப்பட்ட சூழலில் ஆட்டமும் சூடுபிடித்தது.
கடந்த வார வார இறுதியில் பேசிய கமல், “அனைவரும் சேஃபாக விளையாடினால், இருப்பதிலே போரிங் ஆன சீசன் என்ற பெயரை வாங்கிவிடுவீர்கள்” என எச்சரிக்கை கொடுத்த பின்னர், போட்டியாளர்கள் அனைவரும் இரக்கம் காட்டாமல் எகிறி அடிக்கத் தொடங்கினர்.
பேச்சுவார்த்தையில் தொடங்கிய சண்டைகள் உச்சகட்டத்தை எட்டி பிக் பாஸ் வீடு போர்க்களமாக மாறியது.
இவற்றின் மத்தியில் வாரவாரம் நடத்தப்படும் அன் அஃபிஷியல் ஓட்டிங்கில் இந்த வாரம் குயின்ஸி கடைசி இடம் பிடித்த நிலையில், அவரே வெளியேறுவார் என எதிர்பார்க்கப்பட்டது.
நேற்றைய எபிசோடில் நாமினேட் ஆனவர்களில் கதிரவன், தனலட்சுமி, ரச்சிதா சேவ் ஆன நிலையில், ஜனனி, குயின்ஸி, மைனா நந்தினி மூவரும் குறைந்த ஓட்டுகள் பெற்று தொடர்ந்து எவிக்ஷன் லிஸ்டில் உள்ளனர்.
சென்ற வாரம் பார்வையாளர்கள் போட்டியாளர்களிடையே கேள்வி - பதில் நேரம் நடைபெற்றபோது, ’பிடிக்கலனா எவிக்ஷன்ல வெளிய கூட்டிட்டு வந்துடுங்க’ என மைனா நந்தினி பேசியது ரசிகர்களை கடும் அதிருப்தியில் ஆழ்த்தியது. அதேபோல் அமுதவாணனை சார்ந்தே போட்டியிடும் ஜனனியின் கேம் குறித்தும் ரசிகர்கள் கடுப்பில் உள்ளனர்.
இதனிடையே இன்றைய பிக் பாஸ் ப்ரொமோவில் இந்த 3 பேருக்கும் சூட்கேஸ்களையும் அவற்றுக்கான சாவியையும் கொடுத்து கமல்ஹாசன் டாஸ்க் கொடுக்கிறார். மேலும் சாவி பொருந்தி திறக்கும் சூட்கேஸ் கொண்ட நபர் வெளியேறுவார் என்றும் கமல்ஹாசன் தெரிவிக்கும் வகையில் ப்ரொமோ சுவாரஸ்யமாக அமைந்துள்ளது.
View this post on Instagram
இந்நிலையில், முன்னதாக பிக் பாஸ் வீட்டை விட்டு குயின்ஸி வெளியேறியதாகத் தகவல்கள் வெளிவந்துள்ளன.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)