Watch Video: அல்லு அர்ஜூனின் ஆடம்பரமான லைஃப்ஸ்டைல்... புஷ்பா 2 செட்டில் ஒரு நாள்... வைரலாகும் வீடியோ   

Watch Video: அல்லு அர்ஜூனின் ஆடம்பரமான லைஃப் ஸ்டைல்... புஷ்பா 2 செட்டில் ஒரு நாள்... வைரலாகும் வீடியோ   

அல்லு அர்ஜுன்

புஷ்பா படத்திற்காக சிறந்த நடிகருக்கான தேசிய விருது பெற்ற அல்லு அர்ஜுன் தற்போது வெற்றியின் பயணத்தில் மிதந்து கொண்டிருக்கிறார். விருது அறிவிக்கப்பட்ட நாள் முதல் இன்று வரை தலைப்பு செய்திகளில் இடம் பெற்றுள்ளார். தற்போது தனது இன்ஸ்டாகிராம் மூலம் அட்டகாசமான வீடியோ ஒன்றை போஸ்ட் செய்து தனது ரசிகர்களை உற்சாகப்படுத்தியுள்ளார். 

ஒரு நாள் முழுக்க புஷ்பா 2 ஷூட்டிங் ஸ்பாட்டில் அமைக்கப்பட்டு இருக்கும் செட், அவரின் அன்றாட வேலைகள், வேனிட்டி வேன், ஸ்விம்மிங் பூல், கார்டன் என அனைத்தையும் பகிர்ந்துள்ளார். அவரின் இந்த வீடியோ தற்போது சோஷியல் மீடியாவில் மிகவும் வைரலாக பகிரப்பட்டு வருகிறது.

லைஃப் ஸ்டைல்:

ஹைதராபாத்தில் உள்ள அவரது அழகான வீடு, அவர் பெற்ற எக்கச்சக்கமான விருதுகள், ஆபிஸ், கார்டன் என அந்த வீடியோ சூப்பர் ஹீரோவின் ஆடம்பரமான வாழ்க்கையை படம் பிடிக்கிறது. ஒவ்வொரு நாளும் தன்னுடைய காலைப்பொழுதை இப்படி துவங்கும் அல்லு அர்ஜுன் லஞ்ச் டைமில் தன்னுடைய அழகான குழந்தைகளையும் குடும்பத்துடனும் சேர்ந்து இருப்பதை என்றுமே தவற விடுவதில்லை. அவர்கள்தான் என்னுடைய உலகம் என குறிப்பிடுகிறார். 

ஷூட்டிங் ஸ்பாட்டில் அல்லு :

அடுத்ததாக தன்னுடைய ஆடம்பரமான கார் மூலம் புஷ்பா 2 ஷூட்டிங் ஸ்பாட்டுக்கு பயணிக்கிறார். உலகின் மிகப்பெரிய திரைப்பட ஸ்டுடியோவான ராமோஜி பிலிம் சிட்டியில் தான் புஷ்பா 2 படப்பிடிப்பு நடைபெற்று வருகிறது. ஷூட்டிங் ஆரம்பிக்கும் முன் ஹீரோவை சந்திப்பதற்காக நூற்றுக்கணக்கான ரசிகர்கள் ஆர்வமாக காத்திருக்கிறார்கள். "என்னை ஊக்குவிப்பவர்கள் அவர்கள்தான். அவர்கள் ஏன் மீது காட்டும் அன்பு எல்லையற்றது. மேலும் அவர்களை நான் பெருமையடைய செய்வேன்" என்றார்.  வேனிட்டி வேனில் அழைத்து சென்று அங்கே புஷ்பராஜுக்கு தேவையான அனைத்தையும் காண்பிக்கிறார். கரடு முரடான மேக்கப், காஸ்டியூம் அனைத்தையும் காட்டி முடித்துவிட்டு ஷாட்டில் நடிக்க வந்து இறங்குகிறார் புஷ்பராஜ்.  

"இது வரையில் பல திரைப்படங்களில் நான் நடித்து இருந்தாலும் புஷ்பா திரைப்படம் என்னுடைய 20-வது திரைப்படம். எனக்கு மிகப்பெரிய திரைப்படம். இப்படத்தில்  மிகவும் பிடித்தது என்ன என்றால், அது ஒருபோதும் என்னை விட்டுக்கொடுக்காத அந்த கதாபாத்திரம்தான்"என தெரிவித்துள்ளார்.  

 

 

 

 

 

View this post on Instagram

 

 

 

 

 

 

 

 

 

 

 

A post shared by Instagram (@instagram)

செகண்ட் லுக் போஸ்டர் : 

புஷ்பா 2 : தி ரூல் படத்தின் பர்ஸ்ட் லுக் போஸ்டர் மற்றும் ப்ரிவியூ வீடியோ ஒன்று அல்லு அர்ஜுன் பிறந்தநாளை முன்னிட்டு வெளியானது. அதனை தொடர்ந்து செகண்ட் லுக் போஸ்ட்டரை இன்று புஷ்பா 2 படக்குழு வெளியிட்டுள்ளது. ரஷ்மிகா மந்தனா, ஃபஹத் ஃபாசில் இப்படத்திலும் இணைகிறார்கள். மேலும் இந்த இரண்டாம் பாகத்தில் விஜய் சேதுபதி மற்றும் சாய் பல்லவி இணைந்துள்ளதாக தகவல்கள் தெரிவிக்கின்றன.