AK 63: மூன்று பிரபல இயக்குநர்கள்... அஜித்தின் பார்வை யார் பக்கம் திரும்பும்... சுடச்சுட ஏகே 63 அப்டேட் பகிரும் நெட்டிசன்கள்!

இந்த மூன்று இயக்குநர்களில் அஜித் எந்த இயக்குநருக்கு பச்சைக் கொடி காட்டுவார் என ரசிகர்கள் சமூக வலைதளங்களில் டிஸ்கஷன் நடத்தி வருகின்றனர்.

அஜித், அட்லி, விஷ்ணு வர்தன், சிறுத்தை சிவா

வலிமை பட தோல்விக்குப் பிறகு அஜித்-போனி கபூர்-ஹெச்.வினோத் கூட்டணியில் மூன்றாவது முறையாக வெளியான ‘துணிவு’ படம் அனைத்து தரப்பு ரசிகர்களையும் கவர்ந்து கலக்கல் ஹிட் அடித்துள்ளது.

வசூலிலும் துணிவு படம் சாதனைகள் படைத்து வரும் நிலையில், அடுத்ததாக அஜித் -விக்னேஷ் சிவன் இணையும் படத்துக்கு ரசிகர்கள் மத்தியில் பெரும் எதிர்பார்ப்பு உருவாகியுள்ளது.

AK 62 என அழைக்கப்படும் இப்படத்தின் ஷூட்டிங் வரும் பிப்ரவரி மாதம் தொடங்க உள்ளதாகவும் அது குறித்து சுடச்சுட அப்டேட்கள் வந்த வண்ணம் உள்ளன.

இதனிடையே அஜித்தின் அடுத்த படமான ஏகே 63 படம் குறித்த சுவாரஸ்யமான தகவல்கள் வெளியாகியுள்ளன. அதன்படி ஏகே 63 படத்தை இயக்குநர் அட்லி இயக்கவுள்ளதாகவும் இப்படத்துக்கு ஏ.ஆர்.ரஹ்மான் இசையமைக்க உள்ளதாகவும் தகவல்கள் வெளியாகியுள்ளன. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by ABP Nadu (@abpnadu)

லைகா ப்ரொடக்‌ஷன்ஸ் இப்படத்தைத் தயாரிக்க உள்ளதாகவும் தகவல் வெளியாகியுள்ளது. இயக்குநர் தற்போது இந்திக்கு சென்று ஷாருக்கானை வைத்து ஜவான் படத்தை இயக்கி வருகிறார்.

ஏற்கெனவே அவர் அஜித்தை வைத்து படமெடுக்க விருப்பம் தெரிவித்திருந்த நிலையில் தற்போது இந்தத் தகவல் சமூக வலைதளங்களை ஆக்கிரமித்துள்ளது.

ஆனால் மற்றொருபுறம் ஷேர்ஷா படம் மூலம் இந்திக்கு சென்று ஹிட் அடித்துள்ள அஜித்தின் ஆஸ்தான இயக்குநர் விஷ்ணுவர்தன் படத்தில் அஜித் நடிக்க உள்ளதாகவும், இதுவே ஏகே 63 என்றும் தகவல்கள் வெளியாகியுள்ளன.

 

#AK63 Tentative Buzz ! pic.twitter.com/MB1oamEkbU

— ♦️𝗞!Π𝗚 𝗠∆𝗞€𝗥♦️ (@_Md_Mustafa_) November 3, 2022

இதனிடையே வீரம், வேதாளம், விவேகம், விஸ்வாசம் படங்களின் வரிசையில் ஐந்தாவது முறையாக சிறுத்தை சிவாவே அஜித்தை இயக்குவார் என்றும் தகவல்கள் வெளியாகின.

 

unofficial : #AK63 is tentatively titled as #Varam.
a film by #Siva & team, under #SunPictures Production.#Ajithkumar #Siva #SunPictures #AK63 pic.twitter.com/BcJcRjnkpu

— Sony Pictures Tamil (@SonyPicture_) September 9, 2022

இந்நிலையில், இந்த மூன்று இயக்குநர்களில் அஜித் எந்த இயக்குநருக்கு பச்சைக் கொடி காட்டுவார் என ரசிகர்கள் சமூக வலைதளங்களில் டிஸ்கஷன் நடத்தி வருகின்றனர்.

மேலும் புஷ்பா படம் மூலம் பான் இந்தியா ஆடியன்ஸைக் கவர்ந்த தெலுங்கு இயக்குநர் சுகுமாறுடன் அஜித் கைக்கோர்க்கப்போகிறார் என்றும் தகவல்கள் வெளிவந்த வண்ணம் உள்ளன.

மற்றொரு புறம் விக்னேஷ் சிவன் இயக்கவுள்ள ஏகே 62 படம், வரும் தீபாவளிக்கு தளபதி 67 படத்துடன் வெளியாகும் என எதிர்பார்க்கப்படுகிறது.