Thunivu: நாளை அடுத்த அப்டேட் ரிலீஸ்...! துணிவு பொங்கலுக்கு தயாரா இருங்க...?

அஜித் நடிப்பில் உருவாகியுள்ள துணிவு திரைப்படத்தின் அடுத்த அப்டேட் எப்போது வெளியாகும் என படக்குழு அறிவித்துள்ளது.

துணிவு

அஜித்குமார் நடிப்பில் வரும் பொங்கலை முன்னிட்டு  வெளியாகவிருக்கும் படம் துணிவு. போனி கபூர் தயாரிப்பில் ஹெச்.வினோத் இயக்கும் இந்த படத்தின் மீது நாளுக்கு நாள் ரசிகர்களுக்கு எதிர்பார்ப்பு அதிகரித்த வண்ணம் உள்ளது. வழக்கத்திற்கு மாறாக ஹெச். வினோத் - போனி கபூர்- அஜித் கூட்டணி எப்போதும் இல்லாத அளவிற்கு, துணிவு படத்திற்காக  தீவிர புரமோஷனில் ஈடுபட்டுள்ளது.

அப்டேட்களால் தாக்கும் துணிவு :

அஜித்தின் பைக் ஸ்டில்ஸ், புது லுக் ஸ்டில்ஸ் உள்ளிட்ட அப்டேட்கள் அடுக்கடுக்காக வந்த நிலையில், படத்தின் ப்ரோமோஷன் வீடியோ ஒன்று அண்மையில் வெளியானது. இதில், ஸ்கை டைவிங் செய்யும் கலைஞர்கள் சிலர், ஹெலிகாப்டரில் இருந்து குதித்து துணிவு படத்தின் போஸ்டரை வானத்தில் பறக்கவிட்டனர்.

Just saw something. Buy extra crackers. Lots of extra crackers.

— NIRAV SHAH (@nirav_dop) December 29, 2022

நீரவ் ஷா டிவீட்:

டிசம்பர் 31ம் தேதி துணிவு டே என அந்த போஸ்டரில் குறிப்பிடப்பட்டதால் என்ன சர்ப்ரைஸ் அன்று வெளியாக போகிறது என ரசிகர்கள் மிகுந்த ஆர்வத்தில் இருந்த நிலையில், படத்தின் ஒளிப்பதிவாளரான நீரவ் ஷா வெளியிட்ட டிவீட் ரசிகர்களை உற்சாகத்தில் ஆழ்த்தியது. அதில், "இப்போது தான் நான் சிலவற்றை பார்த்தேன். கூடுதலாக பட்டாசுகளை வாங்குங்கள். கொஞ்சம் கூடுதலாகவே பட்டாசுகள் இருக்கட்டும்". என குறிப்பிட ரசிகர்களின் ஆர்வம் பல மடங்கு அதிகரித்துள்ளது.

Sit tight, this is going to be big 😎 stay tuned to @zeestudiossouth 🙌#ThunivuPongal #Thunivu #NoGutsNoGlory#Ajithkumar #HVinoth@zeestudios_ @bayviewprojoffl @redgiantmovies_ @kalaignartv_off @netflixindia @sureshchandraa #RomeoPictures @mynameisraahul @GokulamMovies pic.twitter.com/fn7YFQINIX

— Boney Kapoor (@BoneyKapoor) December 29, 2022

நாளை புது அப்டேட்:

இந்நிலையில், துணிவு திரைப்படத்தின் அடுத்த அப்டேட் நாளை வெளியாகும் என படக்குழு அறிவித்துள்ளது. இதுதொடர்பான டிவிட்டர் பதிவில், துணிவு உலகத்தில் இருந்து ஆச்சரியமிக்க தகவல் நாளை வெளியிடப்படும் என குறிப்பிடப்பட்டுள்ளது. zeestudiosouth டிவிட்டர் பக்கத்தில் இதுதொடர்பான அறிவிப்பு வெளியாகும் எனவும் தெரிவிக்கப்பட்டுள்ளது. டிசம்பர் 31ம் தேதி டிரெய்லர் வெளியிடுவது தொடர்பாக அதிகாரப்பூர்வமாக அறிவிக்கப்படும் என எதிர்பார்க்கப்படுகிறது.

இதனிடையே, துணிவு திரைப்படத்தின் ப்ரீ ரிலீஸ் ஈவென்ட் டிசம்பர் 31ம் தேதியன்று ராம் சினிமாஸ் திரையரங்கில் மாலை 6 மணிக்கு நடைபெறவுள்ளது. இந்த நிகழ்ச்சிக்கான புக்கிங் விரைவில் தொடங்கப்படும் என்ற அறிவிப்பையும் படக்குழு வெளியிட்டுள்ளது.