Thunivu: அஜித்திற்கு ஒர்க் அவுட் ஆகியதா புதன்கிழமை சென்டிமெண்ட்...? புது ஃபார்முலா...?

பொங்கல் விருந்தாக வெளியாகியுள்ள துணிவு படத்திற்கு ரசிகர்கள் மத்தியில் அமோக வரவேற்பு கிடைத்துள்ளது.

துணிவு படத்தில் அஜித்

தமிழ் திரையுலகின் உச்சநட்சத்திரங்களான விஜய் மற்றும் அஜித் ஆகியோரது திரைப்படங்களான வாரிசு மற்றும் துணிவு திரைப்படங்கள் இன்று வெளியாகியது. பொங்கல் விருந்தாக இன்றே வெளியாகியுள்ள இந்த திரைப்படங்களைப் பார்ப்பதற்கு ரசிகர்கள் நேற்று நள்ளிரவு முதல் தியேட்டர்களில் குவிந்து வருகின்றனர்.

அஜித் நடித்துள்ள துணிவு திரைப்படத்திற்கு ரசிகர்கள் மத்தியில் அமோக வரவேற்பு கிடைத்துள்ளது. கிரெடிட் கார்டு, வங்கிக்கொள்ளை உள்ளிட்ட பல்வேறு அம்சங்களை மையமாக கொண்டு வங்கியில் நடைபெறும் விதமாக துணிவு திரைப்படம் அமைந்துள்ளது. துணிவு திரைப்படம் நீண்ட இடைவெளிக்கு பிறகு அஜித் ரசிகர்களுக்கு விருந்தாக அமைந்துள்ளது என்றே கூறலாம்.

வழக்கமான அஜித் படங்களில் பார்முலாக்கள் எல்லாம் துணிவு படத்தில் தொடக்கத்தில் இருந்தே கடைப்பிடிக்கப்படாமல் இருந்தது. கடந்த சில ஆண்டுகளாகவே அஜித் படம் வியாழக்கிழமையே ரிலீசாகி வந்தது. இதனால், துணிவு படமும் வியாழக்கிழமையே ரிலீசாகும் என்று எதிர்பார்க்கப்பட்டது. ஆனால், அஜித்தின் வியாழக்கிழமை சென்டிமெண்டை உடைத்து 11-ந் தேதியான புதன்கிழமை ரிலீசாகியுள்ளது.

மேலும், சமீபகாலமாக அஜித்தின் திரைப்படங்கள் வ வரிசையில்தான் தொடங்கியது. வீரம், வேதாளம், விவேகம், விஸ்வாசம், வலிமை ஆகிய திரைப்படங்கள் வ வரிசையிலே வெளியாகி வந்தது. இந்த நிலையில், அஜித் – எச். வினோத் கூட்டணியில் உருவாகியுள்ள இந்த படமும் வ வரிசையில் கொண்ட பெயராகவே இருக்கும் என்று பலரும் எதிர்பார்த்தனர். ஆனால், அதை முறியடிக்கும் விதமாக துணிவு என்ற அருமையான டைட்டில் அறிவிக்கப்பட்டது.

அஜித் படங்களில் வழக்கமாக இடம்பெறும் வியாழக்கிழமை சென்டிமெண்ட், வ வரிசை இவையனைத்தையும் உடைத்து புதிய பாணியில் வெளிவந்த இந்த திரைப்படம் அவரது திரை வாழ்க்கையில் புதிய மைல்கல்லாக அமைந்துள்ளது. வாரிசு படத்தை காட்டிலும் துணிவு படத்திற்கு நல்ல வரவேற்பு கிடைத்து வருகிறது என்பது குறிப்பிடத்தக்கது.

சதுரங்க வேட்டை, தீரன் அதிகாரம் ஒன்று போல தன்னுடைய வழக்கமான பாணியில் எச்.வினோத் மீண்டும் களத்திற்கு வந்ததாக ரசிகர்கள் அவரை பாராட்டி வருகின்றனர். துணிவில் அஜித்குமாருடன் மஞ்சுவாரியர், சமுத்திரக்கனி, பக்ஸ், பிரேம் உள்ளிட்ட பலர் நடித்துள்ளனர்.