Vidamuyarchi Collection : அஜித் கரியரில் உச்சம்...வட அமெரிக்காவில் விடாமுயற்சி வசூல்

மகிழ் திருமேனி இயக்கத்தில் அஜித் நடித்துள்ள விடாமுயறி திரைப்படம் வட அமெரிக்காவில் இதுவரை இல்லாத வசூல் ஈட்டி உச்சம் தொட்டுள்ளது

விடாமுயற்சி , அஜித் , விடாமுயற்சி வசூல்

Source : Twitter

விடாமுயற்சி

தமிழ் சினிமாவின் முன்ன்ணி நடிகர்கரான அஜித் நடித்துள்ள விடாமுயற்சி திரைப்படம் இன்று உலகமெங்கும் வெளியாகியுள்ளது. மகிழ் திருமேனி இப்படத்தை இயக்கியுள்ள நிலையில் த்ரிஷா , அர்ஜூன் , ரெஜினா , ஆரவ் உள்ளிட்டவர்கள் இப்படத்தில் நடித்துள்ளார்கள். அனிருத் இசையமைத்துள்ளார் . லைகா ப்ரோடக்‌ஷன்ஸ் இப்படத்தை தயாரித்துள்ளது. தமிழ், இந்தி , தெலுங்கு , மலையாளம், கன்னடம் ஆகிய மொழிகளில் இப்படம் வெளியாகியுள்ளது.

விடாமுயற்சி முதல் நாள் வசூல் 

அஜித் நடிப்பில் உருவான துணிவு திரைப்படம் கடந்த 2023 ஆம் ஆண்டு ஜனவரியில் வெளியானது. இதனைத் தொடர்ந்து கடந்த இரண்டு ஆண்டுகளாக இப்படத்தை எதிர்பார்த்து ரசிகர்கள் காத்திருந்தார்கள். உலகமெங்கிலும் உள்ள அஜித் ரசிகர்கள் திரையரங்குகளில் கூட்டம் கூட்டமாக படையெத்து வருகிறார்கள். இந்தியா தவிர்த்து வெளி நாடுகளிலும் படத்திற்கு பலத்த எதிர்பார்த்து இருந்த நிலையில் முதல் நாள் டிக்கெட்கள் விற்று தீர்ந்தன.

விடாமுயற்சி திரைப்படம் உலகளவில் முதல் நாளில் 40 கோடி வரை வசூல் செய்யும் என எதிர்பார்க்கப்படுகிறது. ஏற்கனவே படம் முன்பதிவுகளில் மட்டுமே 20 கோடிக்கு மேல் வசூல் செய்திருந்தது குறிப்பிடத் தக்கது.

வட அமெரிக்காவில் விடாமுயற்சி வசூல்

வட அமெரிக்காவை பொறுத்தவரை விடாமுயற்சி திரைப்படம் அஜித்தின் அதிக வசூல் ஈட்டிய படமாக அமைந்துள்ளது. முதல் நாளில் விடாமுயற்சி திரைப்படம் 3.26 கோடி வரை வசூலித்துள்ளதாக தகவல்கள் வெளியாகியுள்ளன. 

#Vidaamuyarchi #AK 's Highest Premiere in North America $373K 🔥

— Ramesh Bala (@rameshlaus) February 6, 2025

---

மேலும் படிக்க : விடாமுயற்சியில் அஜித் சொல்ல வந்த அழகான மெசேஜ்...கதையை கொச்சைபடுத்திய நெட்டிசன்ஸ்