Kangana Ranaut : சமஸ்கிருதம் ஏன் தேசிய மொழியாக இருக்கக்கூடாது? புது குரல் கொடுத்த கங்கனா.. ஆதரவும், எதிர்ப்பும்
இந்தியாவின் தேசிய மொழியாக சமஸ்கிருதம் ஏன் இருக்கக்கூடாது? என்று நடிகை கங்கனா ரணாவத் தெரிவித்துள்ளார்.
இந்தியாவில் கடந்த சில வாரங்களாகவே மொழிப்பிரச்சினை குறித்து பலரும் சமூக வலைதளங்களில் கருத்துக்களை பதிவிட்டு வருகின்றனர். இந்த நிலையில், கடந்த சில தினங்களுக்கு முன்பு நடிகர் அஜய் தேவ்கன் இந்தி தேசிய மொழி என்று பதிவிட்டிருந்தார். அவரது பதிவிற்கு தென்னிந்திய நடிகர்கள் மட்டுமின்றி பொதுமக்கள் பலரும் கண்டனங்களை பதிவிட்டனர். கன்னட நடிகர் சுதீப் இந்தி ஒன்றும் தேசிய மொழி கிடையாது என்று கண்டனத்தை பதிவு செய்தார்.
இந்த நிலையில், பிரபல பாலிவுட் நடிகை கங்கனா ரணாவத் புதிய சர்ச்சையான கருத்தை பதிவிட்டுள்ளார். அவரது பதிவில், சமஸ்கிருதம்தான் கன்னடம், இந்தி, தமிழ் மொழிகளைவிட பழமையானது என்று கூறியுள்ளார். சமஸ்கிருதத்தில் இருந்து கூட பல மொழிகள் உருவாகியிருக்கலாம் என்றும் கூறியுள்ளார். மேலும், இந்த காரணத்தால் சமஸ்கிருதம் ஏன் நாட்டின் தேசிய மொழியாக இருக்கக்கூடாது என்று கேள்வி எழுப்பியுள்ளார். இதற்கு பலரும் ஆதரவும், எதிர்ப்பும் தெரிவித்து வருகிறார்கள். புழக்கத்திலேயே இல்லாத மொழி எப்படி தேசிய மொழியாக மாறும் என பகடி செய்கிறார்கள் பலர். பழக்கத்தில் இல்லையெனினும் அதுவே இறைமொழி. அதுவே தேசிய மொழி என ஆதரிக்கிறார்கள் பலர்
இவை எல்லாவற்றிற்கும் மேலாக, இந்தி, ஜெர்மனி, ஆங்கிலம், ப்ரெஞ்ச் ஆகிய மொழிகள் சமஸ்கிருதத்ததில் இருந்து உருவாகியிருப்பதால் அந்த மொழிதான் தேசிய மொழியாக இருக்க வேண்டும் என்றும் கங்கனா ரணாவத் கூறியுள்ளார். கங்கனாவின் இந்த கருத்துக்கு பலரும் கடும் கண்டனங்களை பதிவிட்டுள்ளார்.
கடந்த ஏப்ரல் 14-ந் தேதி வெளியான கே.ஜி.எப். 2ம் பாகத்தின் வெற்றியால் பாலிவுட் பிரபலங்கள் பலரும் கடும் எரிச்சலில் இருப்பதாக தகவல்கள் வெளியாகியுள்ளது. இந்தியில் உருவாகாமல் தென்னிந்திய மொழியில் உருவான ஒரு படம் 1000 கோடிக்கு மேல் வசூலை குவித்திருப்பதுதான் இதற்கு காரணம் என்றும் கூறப்படுகிறது.
இதன் காரணமாகவே, இந்திதான் தேசிய மொழி என்று பல பாலிவுட் பிரபலங்களும் பதிவிட்டு வருகின்றனர். அவர்களுக்கு தென்னிந்திய மக்களும், தென்னிந்திய நடிகர்களும் சரமாரியாக கண்டனங்களை தெரிவித்து வருகின்றனர்.
மேலும் படிக்க : Actor Nawazuddin Siddiqui: ''நான் பிஸி.. தென்னிந்திய படங்களைப் பார்ப்பதில்லை..'' பாலிவுட் நடிகர் நவாசுதீன் பேச்சு
மேலும் படிக்க: Ajith kumar : அஜித்தை கொண்டாட காரணம் என்ன? ரசிகர்கள் நாடித் துடிப்பில் இருப்பவை இது தான்!
மேலும் படிக்க : Bharathi Kannamma : மனைவியை சந்தேகப்படக்கூடாதா? திருந்துங்கடா டீ வாங்கித்தரேன் மொமெண்ட்.. வைரலாகும் இந்த வார ப்ரோமோ!
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
