Varun Tej - Lavanya: இத்தாலியில் திருமணம்... தேதி இதுதான்... அப்டேட் தந்த வருண் தேஜ் - லாவண்யா திரிபாதி!

தெலுங்கு நடிகர் வருண் தேஜும் நடிகை லாவண்யா திரிபாதிக்கும் நிச்சயதார்த்தம் நடைபெற்ற நிலையில், திருமணம் குறித்த தகவல் வெளியாகியுள்ளது.

வருண் - லாவண்யா திருமணம்

மெகா ஸ்டார் சிரஞ்சீவியின் சகோதரர் மற்றும் பிரபலமான நடிகர் மற்றும் தயாரிப்பாளரான நாகேந்திர பாபுவின் மகன் வருண் தேஜும் பிரபல நடிகை லாவண்யா திரிபாதியும் காதலித்து வந்தனர்.

இவர்களின் காதலுக்கு இரு வீட்டாரும் கிரீன் சிக்னல் கொடுத்ததை அடுத்து கடந்த ஜூன் மாதம் 9ம் தேதி இவர்களுக்கு நிச்சயதார்த்தம் நடந்தது. இதில் சிரஞ்சீவி உள்ளிட்ட நெருங்கிய உறவினர்கள் மற்றும் நண்பர்கள் கலந்து கொண்டனர். அதையடுத்து, இவர்களது திருமணம் எப்போது நடைபெறும் என எதிர்பார்க்கப்பட்ட நிலையில் வருகின்ற ஆகஸ்ட் மாதம் இத்தாலியில் உள்ள ரிசார்ட்டில் வைத்து திருமணம் நடைபெற உள்ளதாக கூறப்படுகிறது. இத்திருமண விழாவில் நெருங்கிய நண்பர்களும் உறவினர்களுக்கு மட்டும் அழைப்பு விடுக்கப்பட்டதாக தகவல் வெளியாகியுள்ளது.

வதந்தி காதல் ஆன கதை:

2017ஆம் ஆண்டு வெளியான மிஸ்டர் மற்றும் 2018ஆம் ஆண்டு வெளியான அந்தரிக்ஷம்  என்ற படங்களில் வருண் தேஜுடன் இணைந்து நடித்தவர் லாவண்யா திரிபாதி.அவர்கள் இருவரின் கெமிஸ்ட்ரியும் ரசிகர்கள் மத்தியில் நல்ல வரவேற்பைப்பெற்றது. படப்பிடிப்பு சமயத்தில் அவர்கள் இருவருக்கும் இடையே ஏற்பட்ட நட்பு காதலாக மாறியதாக தகவல் வெளியானது. இவர்கள் இருவரும் ஒன்றாக இருக்கும் புகைப்படங்கள் சமூக வலைதளங்களில் பரவியது.

ஆனால் அவர்கள் இதற்கு இது வெறும் வதந்தியே என்று முற்றுப்புள்ளி வைத்தனர். பின்னர் அவ்வப்போது பார்ட்டிகள் மற்றும் குடும்ப நிகழ்வுகளில் இருவரும் ஒன்றாக காணப்பட்டனர்.பின்பு இரு வீட்டிலும் இவர்களது காதலுக்கு ஓகே சொன்னதும் கடந்த மாதம் ஜூன் 9ம் தேதி நிச்சயதார்த்தம் நடந்தது. இதில் சிரஞ்சீவி உள்ளிட்ட நெருங்கிய உறவினர்கள் மற்றும் நண்பர்கள் மட்டுமே கலந்து கொண்டனர்

வருண்-லாவண்யா திருமணம் எப்போது?

இவர்களின் நிச்சயதார்த்தத்திற்கு பிறகு எப்போது திருமணம் என்று அவ்வப்போது ரசிகர்கள் கேள்வி எழுப்பினார்கள். கிட்டத்தட்ட ஒரு மாத காலம் எவ்வித தகவலும் இல்லாமல் இருந்து வந்தது. ஆனால், தற்போது இவர்களது திருமணம் வருகிற ஆகஸ்ட் மாதம் 24ஆம் தேதி இத்தாலியில் உள்ள தனியார் ரிசார்டில் வைத்து பிரம்மாண்டமாக திருமணம் நடைபெறவுள்ளதாக கூறப்படுகிறது. இத்திருமண விழாவில் நெருங்கிய நண்பர்களும் உறவினர்களுக்கு மட்டும் அழைப்பு விடுக்கப்பட்டதாக தகவல் வெளியாகியுள்ளது.