Soori : காமெடியன் முதல் ஹீரோ வரை.. வியக்கவைக்கும் சூரியின் அவதாரங்கள்..வைரலாகும் வீடியோ

Karudan - Soori : கருடன் படத்தின் ஃபர்ஸ்ட் லுக் போஸ்டர் வெளியானதைத் தொடர்ந்து நடிகர் சூரியின் இந்த புதிய அவதாரத்தைப் பற்றி ரசிகர்கள் பாராட்டி வருகிறார்கள்

சூரி, கருடன் , கொட்டுகாளி, ஏழு கடல் ஏழு மலை. (Image source: Twitter)

ஒரு காமெடி நடிகராக தனது பயணத்தைத் தொடங்கிய சூரி கொஞ்சம் கொஞ்சமாக மாஸ் நடிகராக மாறி வருவதை ரசிகர்கள் வரவேற்று வருகிறார்கள்.

கருடன் 

விடுதலைப் படத்தின் மூலம் கதாநாயகனாக அறிமுகமான நடிகர் சூரி அடுத்தடுத்த படங்களில் கதாநாயகனாக நடித்து வருகிறார். சமீபத்தில் துரை செந்தில் குமார் இயக்கத்தில் சூரி நடிக்கும் கருடன் படத்தின் டைட்டில் மற்றும் ஃபர்ஸ்ட் லுக் வெளியிடப் பட்டது. வெற்றிமாறன் இப்படத்துக்கு கதை எழுதும் நிலையில், இப்படத்துக்கு இது கூடுதல் சிறப்பம்சமாக அமைந்துள்ளது. யுவன் ஷங்கர் ராஜா இப்படத்துக்கு இசை அமைக்கிறார்.

இப்படத்தில் சசிகுமார் சூரியுடன் இணைந்து நடித்துள்ளார். சொக்கன் எனும் கதாபாத்திரத்தில் விசுவாசமான நாயகனாக இந்த வீடியோவில் சூரி தோன்றும் நிலையில்,  “விசுவாசத்துல மனுஷனுக்கும் நாய்க்கும் போட்டி வந்தா எப்பவும் நாய் தான் ஜெயிக்கும், ஆனால் அதே நாய்க்கும் சொக்கனுக்கும் போட்டி வந்தா, சொக்கன் தான் ஜெயிப்பான்” என சூரியின் கதாபாத்திரத்தைப் பற்றி சசிகுமார் கதாபாத்திரம் விவரிக்கும் வகையிலான காட்சிகள் இடம்பெற்று கவனமீர்த்துள்ளன.

Get ready for a soaring adventure! 🦅💥 The pulse-pounding "Glimpse of Garudan" is here!

▶️🔗: https://t.co/rtxbkIpxTb#Garudan, starring @sooriofficial and directed by @Dir_dsk hitting theaters soon!🔥

An @thisisysr musical
A #VetriMaaran story@SasikumarDir… pic.twitter.com/ZzxZLYn8JV

— Actor Soori (@sooriofficial) January 19, 2024

கொட்டுக்காளி

கருடன் படம் தொடர்ந்து நடிகர் சூரி கூழாங்கல் படத்தை இயக்கிய கொட்டுகாளி படத்திலும் கதாநாயகனாக நடித்துள்ளார். சிவகார்த்திகேயன் தயாரித்துள்ள இப்படத்தில் அனா பென் கதாநாயகியாக நடித்துள்ளார். இது தவிர்த்து இயக்குநர் ராம் இயக்கியிருக்கும் ஏழு கடல் ஏழு மலை படத்தில் நிவின் பாலி , அஞ்சலி ஆகியோருடன் சூரி இணைந்து நடித்துள்ளார்.

Soori Transformation🔥

pic.twitter.com/u9GQDno2F1

— Christopher Kanagaraj (@Chrissuccess) January 19, 2024

ஒரு நகைச்சுவை நடிகராக தனது சினிமா பயணத்தைத் தொடங்கிய சூரி தற்போது முற்றிலும் மாறுபட்ட கதாபாத்திரங்களை தேர்வு செய்து நடித்து வருவது ரசிகர்களுக்கு முற்றிலும் புது அனுபவத்தை ஏற்படுத்தியுள்ளது. சமீபகாலங்களில் இணையதளத்தில் வீடியோ ஒன்று பரவலாக பகிரப்பட்டு வருகிறது. ஒரு பக்கம் வருத்தப்படாத வாலிபர் சங்கத்தில் சூரி காமெடியனாக ஓடி வர மறுபக்கம் கருடன் படத்தில் முற்றிலும் மாஸான தோற்றத்தில் சென ஸ்டைலாக ஓடி வருகிறார். பொதுவாக நகைச்சுவை நடிகர்கள் ஹீரோவாக நடித்தால் அதற்கு ரசிகர்கள் மத்தியில் பெரியளவில் வரவேற்பு கிடைப்பதில்லை. ஆனால் சூரியின் இந்த புதிய திருப்பத்திற்கு ரசிகர்களிடையே நல்ல வரவேற்பு இருந்து வருகிறது.