Dhanush: "அத்தனை சாமியும் சொந்தமைய்யா" குலசாமி கோயிலில் தனுஷ் தியானம்!

ராயன் படம் வெளியாக உள்ள நிலையில், நடிகர் தனுஷ் குலசாமி கோயிலில் தியானம் செய்யும் புகைப்படத்தை வெளியிட்டுள்ளார்.

ராயன் படத்தில் தனுஷ் - குலசாமி கோயிலில் தனுஷ்

Source : twitter

தமிழ் திரையுலகின் பிரபல நடிகராக உலா வருபவர் தனுஷ். இவர் நடிப்பில் உருவாகியுள்ள ராயன் படம் வரும் 26ம் தேதி வெளியாக உள்ளது. பவர் பாண்டி படம் மூலமாக இயக்குனராக அவதாரம் எடுத்த தனுஷ் இந்த படம் மூலமாக மீண்டும் இயக்குனராக நடித்துள்ளார்.

குலதெய்வ கோயிலில் தனுஷ்:

மிக மென்மையான காதல் கதையாக உருவான அந்த படத்தில் ப்ளாஷ்பேக் காட்சியில் மட்டும் நடித்திருந்த தனுஷ், இந்த படத்தில் ரத்தம் சொட்ட சொட்ட ஆக்‌ஷன் நாயகனாக நடித்துள்ளார். இந்த படம் வரும் 26ம் தேதி உலகெங்கிலும் வெளியாக உள்ள நிலையில், தனுஷ் தனது எக்ஸ் பக்கத்தில் கோயிலில் அமைதியாக அமர்ந்து தியானம் செய்யும் புகைப்படத்தை பதிவிட்டள்ளார்.

இந்த கோயில் தனுஷின் குலதெய்வ கோயில் ஆகும். தேனி மாவட்டம் தேவாரம் அருகே உள்ள சங்கராபுரம் கருப்பசாமி கோயிலே தனுஷின் குலதெய்வ கோயில் ஆகும். வருடத்திற்கு ஒரு முறை அவர் அந்த கோயிலுக்கு சென்று வழிபடுவது வழக்கம் என்று கூறப்படுகிறது. தற்போது, தனுஷ் பதிவிட்டுள்ள புகைப்படமும் அந்த கோயிலில் எடுத்துக் கொண்டே ஆகும்.

இங்கு பரந்து கிடக்கும் பூமி,
உனக்கும் தந்ததைய்யா,
இங்கு
இருக்கும் அத்தனை சாமியும்,
உனக்கும் சொந்தமைய்யா…
Staying connected to your roots is peace 🤍 pic.twitter.com/sjgM0cwbbh

— Dhanush (@dhanushkraja) July 23, 2024

 

அத்தனையும் சொந்தமைய்யா:

அந்த புகைப்படத்திற்கு மேலே இங்கு பரந்து கிடக்கும் பூமி உனக்கும் தந்ததைய்யா, இங்கு இருக்கும் அத்தனை சாமியும் உனக்கும் சொந்தமைய்யா என்று பதிவிட்டுள்ளார். மேலும், உங்கள் வேர்களுடன் தொடர்பில் இருப்பதே அமைதி தரும் என்றும் ஆங்கிலத்தில் பதிவிட்டுள்ளார்.

ராயன் படம் வெளியாக இன்னும் ஓரிரு தினங்களே இருக்கும் நிலையில், தனுஷ் இதை பதிவிட்டுள்ளார். தனுஷ் சமீபகாலமாகவே ஆன்மீகத்தில் அதிகம் நாட்டம் கொண்டு காணப்படுகிறார்.

ராயன் படத்தில் தனுஷூடன் சந்தீப் கிஷன், அபர்ணா முரளி, துஷாரா விஜயன் ஆகியோர் நடித்துள்ளனர். மேலும், இந்த படத்தில் தனுஷ் தனது அண்ணன் செல்வராகவனையும் முக்கிய கதாபாத்திரத்தில் நடிக்க வைத்துள்ளார். தனுஷிற்கு வில்லனாக இந்த படத்தில் எஸ்.ஜே.சூர்யா நடித்துள்ளார். இசைப்புயல் ஏ.ஆர்.ரஹ்மான் இந்த படத்திற்கு இசையமைத்துள்ளார். படத்தின் பாடல்களும், ட்ரெயிலரும் ஏற்கனவே வெளியாகி பெரும் வரவேற்பை பெற்றுள்ள நிலையில், படம் வெளியீட்டிற்காக தயாராக உள்ளது.