Amitabh Bachchan : அமிதாப் பச்சன் கதவை தவறுதலாக தட்டிய மைக்கல் ஜாக்ஸன்..அடுத்து என்ன நடந்தது தெரியுமா?

முதல் முறையாக மைக்கட் ஜாக்ஸனை நேரில் பார்த்தபோது தனக்கு மயக்கமே வந்துவிட்டதாக பாலிவுட் நடிகர் அமிதாப் பச்சன் தெரிவித்துள்ளார்

அமிதாப் பச்சன் , மைக்கல் ஜாக்ஸன்

Source : Twitter

அமிதாப் பச்சன்

இந்திய திரையுலகின் ஜாம்பவான் நடிகர்களில் ஒருவர் அமிதாப் பச்சன். கடந்த 50 ஆண்டுகளாக நடித்து வரும் இவர் 200க்கும் மேற்பட்ட படங்களில் நடித்துள்ளார். சமீபத்தில் பிரபாஸ் நடித்த கல்கி திரைப்படத்தில் அஸ்வத்தாமா கதாபாத்திரத்தில் நடித்திருந்தார். ரஜினி நடித்து வரும் அக்டோபர் மாதம் வெளியாக இருக்கும் வேட்டையன் படத்தில் நடித்துள்ளார். தற்போது இந்தியில் கான் பனேகா கரோட்பதி நிகழ்ச்சியை தொகுத்து வழங்கி வருகிறார். இந்த நிகழ்ச்சியில் அமிதாப் பச்சன் தான் எதெச்சையாக பிரபல பாப் பாடகரான மைக்கல் ஜாக்ஸனை நேரில் சந்தித்த தருணத்தைப் பற்றி பகிர்ந்துகொண்டார். 

அமிதாப் பச்சன் கதவை தட்டிய மைக்கல் ஜாக்ஸன் 

Veteran actor #AmitabhBachchan has spoken about the time when late singer #MichaelJackson 'mistakenly' knocked at his New York hotel door. On #KaunBanegaCrorepati (KBC) 16, Amitabh spoke with #PadmaShree awardees, Dr Abhay and Dr Rani Bang. @SrBachchan #KingofPop #Bollywood pic.twitter.com/TZLGtemTsK

— HT City (@htcity) September 12, 2024

"ஒரு முறை தானும் தனது மனைவியும் நியூயார்க் ஹோட்டல் ஒன்றில் தங்கியிருந்தோம். அப்போது கதவு தட்டப்பட்டதைக் கேட்டு நான் கதவைத் திறந்தேன். எனக்கு எதிரில் மைக்கல் ஜாக்ஸன் நின்றிருந்தார். அவரைப் பார்த்த ஆச்சரியத்தில் எனக்கு மயக்கமே வந்துவிட்டது. ஆனால் நான் என்னை சமாளித்துக் கொண்டு அவரிடம் பேசினேன். அவர் அறை மாறி வந்துவிட்டதாக கூறி மன்னிப்புக் கேட்டார். பின் தனது அறைக்குச் சென்றதும் எங்களுக்கு தெரியப்படுத்தினார். அதன் பிறகு அவரை சந்தித்து பேசும் வாய்ப்பு கிடைத்தது. அவ்வளவு புகழ்பெற்ற ஒரு மனிதராக இருந்தபோதும் அவர் ரொம்ப அமைதியான சுபாவம் கொண்டவராகவே இருந்தார்" என்று அமிதாப் பச்சன் தெரிவித்துள்ளார்.

வேட்டையன்

த.செ.ஞானவேல் இயக்கத்தில் ரஜினிகாந்த் நடித்துள்ள படம் வேட்டையன். அமிதாப் பச்சன் , மஞ்சு வாரியர் , ஃபகத் ஃபாசில் , ரித்திகா சிங் , துஷாரா விஜயன் உள்ளிட்டவர்கள் இப்படத்தில் நடித்துள்ளார்கள். லைகா ப்ரோடக்‌ஷன்ஸ் இப்படத்தை தயாரித்துள்ளது . பேட்ட , தர்பார் , ஜெயிலர் ஆகிய படங்களைத் தொடர்ந்து இப்படத்திற்கு அனிருத் இசையமைத்துள்ளார். வரும் அக்டோபர் மாதம் 10 ஆம் தேதி வேட்டையன் படம் வெளியாக இருக்கிறது

---

மேலும் படிக்க : Vijay : 20 ஆண்டுகளுக்கு பின் ஜோடியாகும் சிம்ரன்..தங்கையாக மமிதா பைஜூ... வில்லனாக பாபி தியோல்...தளபதி 69 அப்டேட்