”சின்ன சின்ன ஆசை ” - ஏ.ஆர்.ரஹ்மானின் கவனத்தை ஈர்த்த சிறுமி ! இன்ஸ்டாகிராமில் ஆக்டிவ் மோடில் இசைப்புயல் !

இந்த வீடியோவை இது வரையில் 1.3 மில்லியன் பேர் கண்டு ரசித்துள்ளனர்

ஏ.ஆர்.ரஹ்மான்

ஆஸ்கர் நாயகன் இசைப்புயல் ஏ.ஆர்.ரஹ்மான் சமீப காலமாக சோஷியல் மீடியாவில் செம ஆக்டிவாக உள்ளார். தனது படம் மற்றும் ஆல்பம் பாடல் குறித்த அப்டேட்டுகளை தனது இன்ஸ்டாகிராம் பக்கத்தில் பதிவிட்டு வருகிறார். இவரை 5.5 மில்லியன் பேர் இன்ஸ்டாவில் பின் தொடர்ந்து வருகின்றனர். இந்நிலையில் தான் இசையமைத்த ரோஜா படத்தின் பாடலை மழலை மொழியில் பாடிய சிறுமி ஒருவரின் வீடியோவை இணையத்தில் பகிர்ந்துள்ளார். ஹிந்தி தமிழ் என இருமொழிகளிலும் சிறுமி பாடும் அந்த வீடியோவை IGTV பக்கத்தில் பகிர்ந்த ஏ.ஆர்.ரஹ்மான் அதற்கு “ரோஜா” என கேப்ஷன் வழங்கியுள்ளார். இந்த வீடியோவை இது வரையில் 1.3 மில்லியன் பேர் கண்டு ரசித்துள்ளனர். ரோஜாதான் ஏ.ஆர்.ரஹ்மான் இசையமைத்த முதல் திரைப்படம் . முதல் படத்திலேயே சிறந்த இசையமைப்பாளருக்கான ‘தேசிய விருதும்’ இவருக்கு கிடைத்தது என்பது குறிப்பிடத்தக்கது

 

 

 

 

 

 

View this post on Instagram

 

 

 

 

 

 

 

 

 

 

 

A post shared by ARR (@arrahman)

தற்போது சமூக வலைத்தள பக்கங்களில்  ஆர்வம் காட்டும் ஏ.ஆர்.ரஹ்மான் , இதற்கு முன்னதாக பகிர்ந்த புகைப்படம் ஒன்றையும் பலரும் ரசித்துள்ளனர். நிலவின் ஒளி, நீர்பரப்பில் மிளிர்வது போல புகைப்படம் ஒன்றை ரசனையுடன் பதிவிட்டிருந்தார். அதனை கண்ட ஏ.ஆர்.ரஹ்மானின் ரசிகை ஒருவர் “இந்த புகைப்படம் நீங்க எடுத்ததா “ என கேட்டிருந்தார் . அதற்கு பதில் கொடுத்த ஏ.ஆர். ரஹ்மான் “ ஆமாம், ஐபோனில் எடுத்தேன் “ என தெரிவித்தார். 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by ARR (@arrahman)

மேலும் தான் அறிமுகப்படுத்திய ஹீரோவான ,எஹன் பட்டிற்கு இன்ஸ்டாகிராமில் ரசிகர்கள் உருவாக்கிய பக்கங்களை வீடியோவாக தனது ஸ்டோரியில் ஷேர் செய்து “வாழ்த்துக்கள் எஹன்” என குறிப்பிட்டுள்ளார்.  ஏ.ஆர்.ரஹ்மான் கதை மற்றும் தயாரிப்பில் சமீபத்தில் வெளியான திரைப்படம் “99 சாங்ஸ்”. இப்படத்தை விஸ்வேஷ் கிருஷ்ணமூர்த்தி என்பவர் இயக்கியிருந்தார். எஹன் பட் என்ற நடிகரை கோலிவுட்டுக்கும் அறிமுகப்படுத்தியிருந்தார். ஏ.ஆர்,ரஹ்மான். இசையின் மீது தீரா ஆசையில் இருக்கும் நாயகன் , தான் காதலிக்கும் பெண்ணை திருமணம் செய்துகொள்வதற்காக 100 பாடல்களை பாடவேண்டிய கட்டாயத்திற்கு தள்ளப்படுகிறார்.

இறுதியில் அந்த பெண்ணை திருமணம் செய்துக்கொண்டாரா இல்லையா என்பதை அடிப்படையாக கொண்டு இந்த படம் உருவாக்கப்பட்டிருந்தது. இந்த படம் வெளியாகி கலவையான விமர்சனங்களை பெற்றது. இந்த படம் இயக்குநர் மணிரத்தினம் அவர்களின் ஒற்றை வார்த்தையின் தூண்டுதலால் உருவானது என ஏ.ஆர். ரஹ்மான் குறிப்பிட்டிருந்தார். அதாவது “திரைப்படம் உருவாக்குவதும் பாடலை உருவாக்குவதும் ஒன்றுதான் “ என மணிரத்தினம் ஏ.ஆர்.ரஹ்மானிடம் தெரிவித்திருக்கிறார். அந்த நம்பிக்கையின் அடிப்படையில்தான் தான் கதை எழுதியதாக ஏ.ஆர்.ரஹ்மான் தெரிவித்திருந்ததும் குறிப்பிடத்தக்கது. மிகுந்த எதிர்பார்ப்புக்கு மத்தியில் தயாராகும் பொன்னியின் செல்வன் படத்திற்கு ஏ.ஆர்.ரஹ்மான் இசையமைத்து வருகிறார் என்பது குறிப்பிடத்தக்கது. ரசிகர்கள் மீண்டும் மணிரத்தினம் - ஏ.ஆர்.ரஹ்மான் காம்போவிற்காக காத்திருக்கின்றனர்.