Tamilnadu State Film Awards: நீளும் பட்டியல்.. 2016 முதல் 2022 வரை.. தமிழ்நாடு அரசின் திரைப்பட விருதுகள் அறிவிப்பு!

தமிழ்நாடு அரசால் தேர்ந்தெடுக்கப்பட்டுள்ள சிறந்த திரைப்படங்களுக்கு முதல் பரிசாக ரூ.2 லட்சமும், இரண்டாம் பரிசாக ரூ.1  லட்சமும், மூன்றாம் பரிசாக ரூ.75 ஆயிரமும் வழங்கப்பட உள்ளது.

தமிழ்நாடு அரசின் திரைப்பட விருதுகள்

Source : X

2016-2022 ஆம் ஆண்டுகளுக்கான தமிழ்நாடு அரசின் திரைப்பட விருதுகள் அறிவிக்கப்பட்டுள்ளது. அதேசமயம் 2014 ஆம் ஆண்டு முதல் 2022ம் ஆண்டு வரையிலான சின்னத்திரை விருதுகளும் அறிவிக்கப்பட்டுள்ளது. இந்த விருது வழங்கும் விழா பிப்ரவரி 13ம் தேதி சென்னை கலைவாணர் அரங்கில் நடைபெறும் என தெரிவிக்கப்பட்டுள்ளது. இந்த விருதினை துணை முதலமைச்சர் உதயநிதி ஸ்டாலின் வழங்குவார் என தெரிவிக்கப்பட்டுள்ளது. 

விருது பெற்றவர்கள் விவரம்

• இதுதொடர்பாக வெளியிடப்பட்டுள்ள அறிக்கையில்,  2016ம் ஆண்டு முதல் 2022ம் ஆண்டு வரையிலான காலக்கட்டத்தில் தமிழ்நாடு அரசின்  திரைப்பட விருதுகளுக்காக நடிகர்கள் விஜய்சேதுபதி, கார்த்தி, தனுஷ், ஆர்.பார்த்திபன். சூர்யா, ஆர்யா, விக்ரம் பிரபு ஆகியோர் சிறந்த நடிகர்களாக தேர்வு செய்யப்பட்டுள்ளனர்.
• அதேபோல  நடிகைகள் கீர்த்தி சுரேஷ், நயன்தாரா, ஜோதிகா, அபர்ணா பாலமுரளி, மஞ்சு வாரியார், லிஜோமோல் ஜோஸ், சாய் பல்லவி ஆகியோர் சிறந்த நடிகைகளாகவும் தேர்வு செய்யப்பட்டுள்ளனர். 
• மாநகரம், அறம், பரியேறும் பெருமாள், அசுரன், கூழாங்கல், ஜெய்பீம், கார்கி ஆகிய திரைப்படங்கள் சிறந்த படங்களாகவும் தேர்வு செய்யப்பட்டுள்ளன.
• சிறந்த இயக்குநர்களாக லோகேஷ் கனகராஜ், புஷ்கர் காயத்ரி, மாரி செல்வராஜ், பார்த்திபன், சுதா கொங்காரா, த.செ.ஞானவேல், கௌதம் ராமச்சந்திரன் ஆகியோர் தேர்வாகியுள்ளனர். 
• சிறந்த நடிகர் (சிறப்பு பரிசு) பிரிவில் குரு சோமசுந்தரம், சந்தோஷ் ஸ்ரீராம், விஷ்ணு விஷால்,  கார்த்தி, தருண் குமார், பசுபதி, அப்புக்குட்டி ஆகியோருக்கு வழங்கப்படுகிறது. 
• சிறந்த நடிகை (சிறப்பு பரிசு) பிரிவில் அதிதி பாலன், ஆண்ட்ரியா ஜெரோமையா, ஐஸ்வர்யா ராஜேஷ், இந்துஜா, அபர்நதி, அம்ருதா சீனிவாசன், துஷாரா விஜயன் ஆகியோர் விருது பெறுகிறார்கள். 
• சிறந்த இசையமைப்பாளர்கள் பிரிவில் ஷாம் சிஎஸ், ஹிப் ஹாப் தமிழா, சந்தோஷ் நாராயணன், தமன், ஜி.வி.பிரகாஷ்குமார், ஷான் ரோல்டன், ஏ.ஆர்.ரஹ்மான் ஆகியோர் விருது பெறுகிறார்கள்.
• சிறந்த நகைச்சுவை நடிகர்களாக மறைந்த ரோபோ சங்கர், பால சரவணன், யோகி பாபு, கருணாகரன், ரக்‌ஷன் ஆகியோருக்கு விருது கிடைத்துள்ளது. 
• சிறந்த நகைச்சுவை நடிகைகளாக மதுமிதா, ஊர்வசி, தேவதர்ஷினி, கோவை சரளா, இந்திரஜா சங்கர் ஆகியோர் விருது பெறுகிறார்கள். 
• அதேசமயம் புரியாத புதிர், மாவீரன் கிட்டு, அருவி, தர்மதுரை, தரமணி, விக்ரம் வேதா, டு லெட், கடைக்குட்டி சிங்கம், 96, சீதக்காதி, கனா, ஒத்த செருப்பு, கோமாளி, கேடி என்ற கருப்பு துரை, பொன்மகள் வந்தாள், சூரரைப்போற்று, சண்டக்காரி, தேன், கமலி ஃப்ரம் நடுக்காவேரி, கடைசி விவசாயி, கர்ணன், நெற்றிக்கண், டாணாக்காரன், விட்னஸ், இரவின் நிழல், அவள் அப்படித்தான் பாகம் 2 ஆகிய படங்களும் விருதுக்காக தேர்வு செய்யப்பட்டிருக்கிறது. 

தமிழ்நாடு அரசால் தேர்ந்தெடுக்கப்பட்டுள்ள சிறந்த திரைப்படங்களுக்கு முதல் பரிசாக ரூ.2 லட்சமும், இரண்டாம் பரிசாக ரூ.1  லட்சமும், மூன்றாம் பரிசாக ரூ.75 ஆயிரமும், சிறப்புப் பரிசாக ரூ.75 ஆயிரமும், பெண்களைப் பற்றி உயர்வாகச் சித்தரிக்கும் படத்திற்குச் சிறப்புப் பரிசு ரூ.1.25 லட்சமும் வழங்கப்படுத்துடன், சிறந்த நடிகர் மற்றும் நடிகையர் சிறந்த தொழில்நுட்பக் கலைஞர்களுக்கு தலா 1 பவுன் தங்கப்பதக்கம், நினைவுப்பரிசு, சான்றிதழ் வழங்கப்படுகிறது