VS Babu: மு.க ஸ்டாலினை பின்னுக்கு தள்ளிய தவெக வேட்பாளர்.! யார் இந்த வி.எஸ். பாபு.?

VS Babu TVK: சட்டமன்ற தேர்தல் வாக்கு எண்ணிக்கையில் அதிர்ச்சி அளிக்கும் வகையில் முதலமைச்சரும், திமுக தலைவருமான ஸ்டாலின் தவெக வேட்பாளர் வி எஸ் பாபுவிடம் தோல்வியை சந்தித்துள்ளார். இந்த நிலையில் யார் இந்த வி எஸ் பாபு என்பதை தற்போது பார்க்கலாம்.

S Babu TVK

Source : social media

மு.க.ஸ்டாலின் பின்னடைவு

தமிழக சட்டமன்ற தேர்தல் வாக்கு எண்ணிக்கையில் எதிர்பாரா திருப்பம் ஏற்பட்டுள்ளது. அந்த வகையில் முதலமைச்சரும், திமுக தலைவருமான ஸ்டாலின்  பின்னடைவை சந்தித்து வருகிறார். தமிழகத்தில் எந்த தொகுதியிலும் இல்லாத வகையில் பல்வேறு திட்டங்களை கொளத்தூரில் செய்துள்ளார் மு.க.ஸ்டாலின். வாரத்தில் பெரும்பாலான நாட்களில் கொளத்தூர் பகுதியிலேயே சுற்றி சுற்றி வருவார். இந்த நிலையில் தவெக சார்பாக கொளத்தூர் தொகுதியில் வேட்பாளராக போட்டியிட்ட வி.எஸ்.பாபுவிடம் மு.க.ஸ்டாலின் 9 ஆயிரம் வாக்குகள் வித்தியாசத்தில் தோல்வியடைந்தார்.

கொளத்தூரில் முந்தும் தவெக வேட்பாளர்

இந்த நிலையில் முதலமைச்சரும், திமுக தலைவருமான ஸ்டாலினை தோல்வி அடையவைத்த  வி.எஸ்.பாபு யார் என்பதை தற்போது பார்க்கலாம். திமுகவின் வட சென்னை மாவட்ட செயலாளராக இருந்தவர் தான் வி.எஸ்.பாபு,  தனது கட்டுப்பாட்டில் வட சென்னையை வைத்திருந்தவர், கடந்த 2006ஆம் ஆண்டு சட்டமன்ற தேர்தலில் திமுக சார்பாக புரசைவாக்கம் தொகுதியில் போட்டியிட்டு எம்எல்ஏவாக வெற்றி பெற்றார். இதனையடுத்து 2011ஆம் ஆண்டு புரசைவாக்கம் தொகுதி பிரிக்கப்பட்டு கொளத்தூர் தொகுதியாக மாறியது. அப்போது முதல் அந்த தொகுதியில் மு.க.ஸ்டாலின் போட்டியிட்டு வருகிறார். 2011ஆம் ஆண்டு சட்டமன்ற தேர்தலில் மு.க.ஸ்டாலின் வேட்பாளராக போட்டியிட்டார். அப்போது அவர் வெற்றி பெற முக்கிய தளபதியாக விளங்கியவர் வி.எஸ்.பாபு, 

யார் இந்த வி.எஸ்.பாபு.?

ஆனால் அந்த தேர்தலில் சுமார் 2ஆயிரம் வாக்குகள் வித்தியாசத்தில் தான் சைதை துரைசாமியை வீழ்த்தி இருந்தார் ஸ்டாலின், எனவே வி.எஸ்.பாபு மீது கடும் அதிருப்தியில் இருந்தார் ஸ்டாலின், இதனால் திமுகவில் இருந்து வி.எஸ். பாபு ஓரங்கட்டப்பட்டு அதிமுகவில் இருந்து வந்த சேகர்பாபுவிற்கு வாய்ப்பு வழங்கப்பட்டது. இதனையடுத்து சிறிது காலம் அமைதியாக இருந்த வி.எஸ்.பாபு, அதிமுகவில் இணைந்தார். ஆனால் அங்கு வி.எஸ்.பாபுவிற்கு உரிய வாய்ப்பு வழங்காத காரணத்தால் விஜய்யை சந்தித்து தவெகவில் இணைந்தார். இதனையடுத்து தான் கொளத்தூர் தொகுதியின் வேட்பாளராக வி.எஸ்.பாபு போட்டியிட்ட நிலையில், திமுக தலைவரான ஸ்டாலினை பின்னுக்கு தள்ளி முன்னிலை வகித்து வருகிறார்.