Tvk Vijay: நாளை முக்கிய அறிவிப்பை வெளியிடும் விஜய்.. சற்றுமுன் வெளியான தகவல்.. எதிர்பார்ப்பில் ரசிகர்கள், தொண்டர்கள்

விஜய் தலைமையில் நாளை நடைபெறும் மகளிர் தினவிழாவில் தேர்தல் வாக்குறுதிகள் அறிவிக்கப்பட உள்ளது.

தவெக தலைவர் விஜய்

Source : twitter

விஜய் தலைமையில் நாளை நடைபெறும் மகளிர் தினவிழாவில் தேர்தல் வாக்குறுதிகள் அறிவிக்கப்பட உள்ளது.

மகளிர் தினத்தை முன்னிட்டு தவெக சார்பில் நாளை மகளிர் தினவிழா நடைபெறுகிறது. இந்த விழாவில் தேர்தலின் ஒரு பகுதியாக மகளிருக்கான தேர்தல் வாக்குறுதிகளை விஜய் அறிவிக்க இருக்கிறார்.

இதுதொடர்பாக தவெக கட்சியின் பொதுச்செயலாளர் என்.ஆனந்த் வெளியிட்டுள்ள அறிக்கையில், ‘சர்வதேச மகளிர் தினத்தை முன்னிட்டு, தமிழக வெற்றிக் கழகம் சார்பில், கழகத் தலைவர் பங்கேற்கும் மகளிர் தின விழா, நாளை (07.03.2026) சனிக்கிழமை மாலை 3 மணி முதல் 5 மணி வரை மாமல்லபுரம் ஃபோர் பாயிண்ட்ஸ் பை ஷெரட்டன் ஹோட்டலில் நடைபெற உள்ளது. இந்த மகளிர் தின விழாவில், சட்டமன்றத் தேர்தல் வாக்குறுதிகளின் ஒரு பகுதியாக, தமிழக வெற்றிக் கழகத்தின் மகளிருக்கான திட்டங்கள் குறித்துக் கழகத் தலைவர் அறிவிக்க உள்ளார்.
இந்த நிகழ்ச்சியில் கலந்துகொள்ள இருப்பவர்களுக்கு QR குறியீட்டுடன் கூடிய நுழைவு அனுமதிச் சீட்டு வழங்கப்பட்டுள்ளது. இந்த அனுமதிச் சீட்டு பெற்றிருப்பவர்களைத் தவிர்த்து வேறு யாருக்கும் நிகழ்ச்சியில் பங்கேற்க அனுமதி இல்லை.

அனுமதிச் சீட்டு இல்லாத கழகத் தோழர்களும் பொதுமக்களும் அனுமதிக்கப்பட மாட்டார்கள். எனவே அவர்கள் இந்த நிகழ்ச்சியைத் தொலைக்காட்சி நேரலைகளில் கண்டு, QR குறியீடு அனுமதிச் சீட்டு பெற்றிருப்பவர்கள் மட்டுமே பங்கேற்க முழு ஒத்துழைப்பு தருமாறு அன்புடன் கேட்டுக்கொள்கிறோம்.

மேலும் வரும் 8ஆம் தேதியன்று, (08.03.2026) கழகத்தின் அனைத்து மாவட்டங்களிலும் மகளிர் தின விழா கொண்டாடப்படும் என்பதையும் கழகத் தலைவர் அவர்களின் ஒப்புதலோடு தெரிவித்துக்கொள்கிறோம் என்று தெரிவிக்கப்பட்டுள்ளது.