திருச்செந்தூரே மாறப்போகுது... வந்தே பாரத் ரயில்.. பக்தர்களுக்கு இதுவரை கிடைக்காத வசதிகள்.. கேஆர்எம்- ன் தேர்தல் வாக்குறுதிகள்

திருச்செந்தூர் தொகுதியில் பாஜக சார்பில் போட்டியிடும் கேஆர்எம் ராதாகிருஷ்ணன் தேர்தல் அறிக்கை வெளியீடு.

திருச்செந்தூர் கோயில்

தமிழக சட்டமன்றத் தேர்தலில் திருச்செந்தூர் தொகுதியில் பாஜக சார்பில் போட்டியிடும் கேஆர்எம் ராதாகிருஷ்ணன் தேர்தல் அறிக்கை வெளியிட்டுள்ளார். அதில், அந்த தொகுதி மக்களுக்கான பல்வேறு வாக்குறுதிகள் கொடுக்கப்பட்டுள்ளன.

திருச்செந்தூர் தொகுதி பாஜக வேட்பாளர் ராதாகிருஷ்ணன் தேர்தல் அறிக்கை

* திருச்செந்தூரிலிருந்து காயல்பட்டிணம், ஆறுமுகநேரி, தலைவன்வடலி, புன்னக்காயல், முத்தையாபுரம் வழியாக தூத்துக்குடிக்கு புதிய இரயில் போக்குவரத்து அமைத்து தருவேன்.

* தொகுதி மக்களின் நீண்ட நாள் கோரிக்கையான திருச்செந்தூர் முதல் சென்னைக்கு தினந்தோறும் வந்தே பாரத் இரயில் சேவையும், இரயில்வே மேம்பாலமும் கொண்டு வருவேன்.

* தொகுதியில் டாக்டர். அம்பேத்கர் சட்டக்கல்லூரி மற்றும் அரசு தொழில் நுட்பக்கல்லூரி, இலவச IAS, IPS, TNPSC அகடாமி அமைத்து தருவேன்.

* தொகுதிக்குட்பட்ட அனைத்து அரசு பள்ளிகளும் தரம் உயர்த்தப்பட்டு மத்திய அரசின் நவோதயா பள்ளியை நிறுவி அதில் பயிலும் மாணவ, மாணவிகளுக்கு ஊக்கத்தொகை வழங்கப்படும்.

* திருச்செந்தூர் முருகன் கோவில் வழிப்பாதையை சீரமைத்து நவீன பாதாள சாக்கடைத் திட்டத்தை மேம்படுத்தி, வருகை தரும் பக்தர்களுக்கு அதிக தங்கும் விடுதிகளை உருவாக்கி 24 மணி நேர குடிநீர் சேவையை பெற்றுத் தருவேன்.

* திருச்செந்தூர் நகரில் அதிக படுக்கை வசதிகள் கொண்ட, 24 மணி நேரமும் மருத்துவர்கள் பணிபுரிகின்ற அளவில் நவீன Multi-Speaciality Upgrade W அமைக்கப்படும்.

* நிலம் இல்லாத ஏழை, எளிய மக்களுக்கு 3 சென்ட் நிலமும், பட்டா இல்லாத இடத்தில் குடியிருப்பவர்களுக்கு இலவச பட்டா மற்றும் வீடுகள் கட்டித்தர உடனடி நடவடிக்கை எடுப்பேன்.

* தொகுதிக்குட்பட்ட மெஞ்ஞானபுரம், உடன்குடி, பரமன்குறிச்சி, நாசரேத், தென்திருப்பேரை, குரும்பூர், ஆத்தூர், ஆறுமுகநேரி, காயல்பட்டினம், திருச்செந்தூர் ஆகிய நகரங்களுக்கு 24 மணி நேர மொபைல் ஆம்புலன்ஸ் சேவை செய்து தருவேன்.

* தொகுதி முழுவதும் ஒவ்வொரு வீட்டிற்கும் ஒரு குடிநீர் இணைப்பு வழங்கி, அதில் தினந்தோறும் சுகாதாரமான குடிநீர் வழங்குவேன். ஒவ்வொரு வீட்டின் மின் இணைப்புடன் மத்திய அரசு திட்டத்தின் மானிய சூரிய ஒளி இணைப்பு ஏற்படுத்தி மின் கட்டணத்தை குறைக்க நடவடிக்கை எடுப்பேன்.

* திருச்செந்தூர் தொகுதிக்குட்பட்ட பொதுமக்கள் விரைவு தரிசனம் செய்யவும், கோவில் வளாகத்தில் திருமணம் செய்யவும் MLA Pass வழங்குவேன். நவீன கார் பார்க்கிங் வசதி செய்து தருவேன்

* தொகுதிகுட்பட்ட முக்கிய பேருந்து நிறுத்தங்களில் குளிர்சாதன வசதி மற்றும் சுத்திகரிக்கப்பட்ட குடிநீர், நவீன கழிப்பறை வசதியுடன் கூடிய பஸ் ஸ்டாண்டுகள் கட்டித் தருவேன்.