TN Election Results: தேர்தலில் ஸ்டாலின் தோல்வி.. மனசு வலிக்குது.. மாரி செல்வராஜ் கவலை!

திமுக தலைவரும், அக்கட்சியின் முதலமைச்சர் வேட்பாளருமான மு.க.ஸ்டாலின் தனது சொந்த தொகுதியான கொளத்தூரில் தோல்வியடைந்தது மிகப்பெரிய அதிர்வலையை தமிழ்நாடு அரசியலில் ஏற்படுத்தியுள்ளது.

மு.க.ஸ்டாலின், மாரி செல்வராஜ்

Source : ABP

தமிழ்நாடு சட்டமன்ற தேர்தலில் திமுக தலைவர் முதலமைச்சர் ஸ்டாலினின் தோல்வியை தாங்கி கொள்ள முடியவில்லை என பல திரைப்பிரலங்கள் பலரும் தெரிவித்துள்ளனர். 

2026 தமிழ்நாடு சட்டமன்ற தேர்தலில் தமிழக வெற்றிக் கழகம் எதிர்பாராத ஒரு மிகப்பெரிய வெற்றியைப் பெற்றுள்ளது. அக்கட்சி முதல்முறையாக இந்த தேர்தலில் களம் கண்ட நிலையில் 108 தொகுதிகளில் வெற்றி பெற்றுள்ளார். அக்கட்சி தலைவர் விஜய் திருச்சி கிழக்கு மற்றும் பெரம்பூர் ஆகிய இரு தொகுதிகளிலும் வெற்றிக்கொடி நாட்டியுள்ளார். இந்த நிலையில் திமுக கூட்டணி  எதிர்க்கட்சியாக 73 தொகுதிகளிலும், அதிமுக கூட்டணி 53 தொகுதிகளிலும் வெற்றி பெற்றது.

இந்த நிலையில் திமுக தலைவரும், அக்கட்சியின் முதலமைச்சர் வேட்பாளருமான மு.க.ஸ்டாலின் தனது சொந்த தொகுதியான கொளத்தூரில் தோல்வியடைந்தது மிகப்பெரிய அதிர்வலையை தமிழ்நாடு அரசியலில் ஏற்படுத்தியுள்ளது. அதனை யாராலும் ஏற்றுக் கொள்ள முடியவில்லை. அவர் தவெக வேட்பாளர் வி.எஸ்.பாபுவிடம் தோல்வியை தழுவினார். இதனை அரசியல் தாண்டி திரைத்துறை பிரபலங்கள் பலரும் அதிர்ச்சி தெரிவித்துள்ளனர். 

இந்த தேர்தல் முடிவுகள் நிறைய அதிர்ச்சிகளையும் ஆச்சர்யங்களையும் சில நம்பிக்கைகளையும் எனக்கு கொடுத்திருப்பதை போல பெரு வலியையும் கொடுத்திருக்கிறது. முதல்வர் @mkstalin அவர்களின் தோல்வி மனதை பிசைகிறது. அரசியலின் அடிப்படையான சித்தாந்தம், கொள்கை கோட்பாடுகளை தாண்டி மக்கள் திரள் , மக்கள்…

— Mari Selvaraj (@mari_selvaraj) May 4, 2026

அந்த வகையில் இயக்குநர் மாரி செல்வராஜ் வெளியிட்ட பதிவில், “இந்த தேர்தல் முடிவுகள் நிறைய அதிர்ச்சிகளையும் ஆச்சர்யங்களையும் சில நம்பிக்கைகளையும் எனக்கு கொடுத்திருப்பதை போல பெரு வலியையும் கொடுத்திருக்கிறது. முதல்வர் ஸ்டாலின்  அவர்களின் தோல்வி  மனதை பிசைகிறது. அரசியலின் அடிப்படையான சித்தாந்தம், கொள்கை கோட்பாடுகளை தாண்டி மக்கள் திரள் , மக்கள் பிரியம் , மக்கள் விருப்பம் என்பதுதான் தேர்தல் அரசியலை தீர்மானிக்கும் சக்தியாக வெடித்திருப்பதை உணர்ந்துகொள்ள முடிகிறது.

போட்டியிட்ட முதல் தேர்தலில் இவ்வளவு பெரிய தாக்கத்தை மக்கள் மத்தியில் ஏற்படுத்தி இந்த வெற்றியை பெற்றிருக்கும் விஜய் சாருக்கு வாழ்த்துகள் 💐 நீங்கள் திரைத்துறையை சார்ந்தவர் என்பதில் கூடுதல் மகிழ்ச்சி, மக்கள் பணி சிறக்க வாழ்த்துகள் சார் 😊👍 @TVKVijayHQ

— Sivakarthikeyan (@Siva_Kartikeyan) May 4, 2026

தான் கலந்துகொண்ட முதல் தேர்தலிலே அப்படியொரு பிரியத்தையும் எதிர்பார்ப்பையும் த.வெ.க தலைவர் விஜய் சார் அவர்களுக்கு மக்கள் வழங்கியிருக்கிறார்கள். அதன்படி தமிழ்நாட்டில் புதிய அரசை நிறுவ இருக்கும் விஜய்க்கும் தமிழக வெற்றிக் கழகத்திற்கும் என் வாழ்த்துகளை தெரிவித்துகொள்கிறேன். மக்கள் பணி சிறக்கட்டும்” என தெரிவித்துள்ளார்.

அதேசமயம் திரைத்துறையைச் சேர்ந்த பலரும் விஜய்க்கு வாழ்த்து தெரிவித்து வருகின்றனர். சூரி, சிவகார்த்திகேயன், ரஜினிகாந்த், கமல்ஹாசன், சூர்யா, தனுஷ், பூஜா ஹெக்டே, நயன்தாரா, சந்தோஷ் நாராயணன், பா.ரஞ்சித், சிவகார்த்திகேயன் என பலரும் தங்கள் வாழ்த்துகளை தெரிவித்து வருகின்றனர். 

இதையும் படிக்க

TN Election Results: ஒரு ஓட்டில் தவெக வேட்பாளர் வெற்றி.. அமைச்சர் பெரிய கருப்பனுக்கு நேர்ந்த கதி!