TN Election 2026: விஜய், ஸ்டாலின், எடப்பாடி இன்று எங்கெல்லாம் பரப்புரை - ட்ராஃபிக் பிரச்னை, தவிர்க்க வேண்டிய ரூட்கள்

TN Election 2026 Today Campaign: தமிழ்நாடு சட்டமன்ற தேர்தலை ஒட்டி முதலமைச்சர் ஸ்டாலின், எதிர்க்கட்சி தலைவர் எடப்பாடி பழனிசாமி மற்றும் தவெக தலைவர் விஜய் உள்ளிட்டோரின் இன்றையை பரப்புரை விவரங்களை கீழே வழங்கப்பட்டுள்ளன.

தமிழ்நாடு சட்டமன்ற தேர்தல் 2026

Source : social media/x

TN Election 2026 Today Campaign: தமிழ்நாடு சட்டமன்ற தேர்தலை ஒட்டி முதலமைச்சர் ஸ்டாலின், எதிர்க்கட்சி தலைவர் எடப்பாடி பழனிசாமி மற்றும் தவெக தலைவர் விஜய் உள்ளிட்டோரின் இன்றையை பரப்புரை கீழே பட்டியலிடப்பட்டுள்ளன.

அனல் பறக்கும் தேர்தல் பரப்புரை:

தமிழ்நாடு சட்டமன்ற தேர்தலுக்கான வாக்குப்பதிவிற்கு இன்னும் ஒரு வாரம் மட்டுமே கால அவகாசம் உள்ளது. இதனால் வேட்பாளர்கள் தொடங்கி அரசியல் கட்சி தலைவர்கள் வரையிலும் தீவிர வாக்கு சேகரிப்பில் ஈடுபட்டுள்ளனர். வேட்பாளர் வீடு வீடாகவும், வீதியாகவும் சென்று வாக்கு சேகரிக்க, தலைவர்கள் பொதுக்கூட்டங்கள், ரோட் ஷோ போன்ற திட்டங்கள் மூலம் மக்களை சந்தித்து ஆதரவு திரட்டி வருகின்றனர்.  முதலமைச்சர் ஸ்டாலின் மற்றும் எடப்பாடி பழனிசாமி மாவட்ட வாரியாக கட்சி வேட்பாளர்களை ஆதரித்து சுற்றுப்பயணங்களை மேற்கொண்டு வருகின்றனர். தவெக தலைவர் விஜய் மக்கள் வெள்ளத்தில் சென்னையில் நேற்று தியாகராய நகர் உள்ளிட்ட மூன்று தொகுதிகளில் பரப்புரை மேற்கொண்டார். இந்நிலையில் இன்று எந்த அரசியல் கட்சி தலைவர்கள் எந்த பகுதியில் தேர்தல் பரப்புரை மேற்கொள்ள இருக்கின்றனர் என்ற விவரங்கள் கீழே பட்டியலிடப்பட்டுள்ளன.

தலைவர்களும்.. இன்றைய தேர்தல் பரப்புரையும்..

• முதலமைச்சர் மு.க.ஸ்டாலின்:- நாமக்கல், பெரம்பலூர் பொதுக் கூட்டங்கள்
• அதிமுக பொதுச்செயலாளர் எடப்பாடி பழனிசாமி:- கோவை, திருப்பூர்
• தவெகதலைவர் விஜய்:-சென்னையில் பிற்பகல் நடைபெறும் கட்சியின் தேர்தல் அறிக்கை வெளியிடும் நிகழ்ச்சியில் பங்கேற்கிறார்
• பாமக தலைவர் டாக்டர் அன்புமணி ராமதாஸ்:- பென்னாகரம்
• நாம் தமிழர் கட்சி தலைமை ஒருங்கிணைப்பாளர் சீமான்:- நாகப் பட்டினம், கீழ்வேளூர், திருவாரூர், நன்னிலம், கும்பகோணம், பாபநாசம்
• தேமுதிக பொதுச்செயலாளர் பிரேமலதா விஜயகாந்த்:- விருதுநகர்
• மார்க்சிஸ்ட் கம்யூனிஸ்டு மத்தியக்குழு உறுப்பினர் பிரகாஷ்காரத்: பத்மநாபபுரம்
• மார்க்சிஸ்ட் கம்யூனிஸ்டு மாநில செயலாளர் பெ.சண்முகம்:- பழனி, ஒட்டன்சத்திரம்
• திராவிடர் கழக தலைவர் கி.வீரமணி:-செஞ்சி, திருவண்ணாமலை
• பாஜனதா முன்னாள் தலைவர் பொன்.ராதாகிருஷ்ணன்:-வாசுதேவநல்லூர்
• இந்திய கம்யூனிஸ்டு கட்சி மாநில செயலாளர் வீரபாண்டியன்:-திருத்துறைப்பூண்டி, நாகை, கீழ்வேளூர்
• மதிமுக பொதுச்செயலாளர் வைகோ:- ஸ்ரீவில்லிபுத்தூர், வாசுதேவநல்லூர், கடையநல்லூர்
• அமமுக பொதுச்செயலாளர் டி.டி.வி.தினகரன்:- ஸ்ரீவைகுண்டம், ஒட்டப்பிடாரம், தூத்துக்குடி, கோவில்பட்டி

போக்குவரத்து நெரிசலுக்கு வாய்ப்பு

அரசியல் கட்சி தலைவர்களின் தேர்தல் பரப்புரை காரணமாக குறிப்பிட்ட பகுதிகளில் போக்குவரத்து நெரிசல் ஏற்பட வாய்ப்புள்ளது. வெயிலின் தாக்கத்தை கருத்தில் கொண்டு பெரும்பாலான பகுதிகளில் தலைவர்கள் மாலை நேரங்களிலேயே தேர்தல் பரப்புரையை மேற்கொள்கின்றனர். இதனால் அந்த நேரத்தில் மிக முக்கியமான சந்திப்பு சாலைகளில் போக்குவரத்து நெரிசல் ஏற்படலாம். எனவே வேலைக்கு சென்று வீடு திரும்புபவர்கள் உள்ளிட்டோர் போக்குவரத்து நெரிசலில் சிக்கிக் கொள்ளமால் பயணம் செய்வதற்கான உரிய வழித்தடங்களை முன்கூட்டியே பரிசீலித்துக்கொள்வது நல்லது.