Leema Rose: தமிழ்நாட்டின் பணக்கார வேட்பாளர், ஓட்டுக்கு தலா ரூ.25 ஆயிரம்- லால்குடி லீமா ரோஸ் நிலை என்ன?

Lalgudi Election Results 2026: தமிழ்நாட்டில் உள்ள லால்குடி தொகுதியில் லீமா ரோஸ் 7538 வாக்குகளைப் பெற்றுள்ளார். குறிப்பாக லீமா ரோஸ், 2531 வாக்குகள் வித்தியாசத்தில் முன்னிலையில் உள்ளார்.

லீமா ரோஸ் மார்ட்டின்

Source : சிறப்பு ஏற்பாடு

தமிழ்நாட்டின் பணக்கார வேட்பாளரும் அதிமுக கட்சியில் அண்மையில் இணைந்தவரும் லால்குடி வேட்பாளருமான லீமா ரோஸ், பின்னடைவைச் சந்தித்துள்ளார்.

யார் இந்த லீமா ரோஸ்?

 லாட்டரி அதிபர் ஜோஸ் மார்ட்டினின் மனைவி லீமா ரோஸ் மார்ட்டின். இவர் ஆதவ் அர்ஜூனாவின் மாமியார் ஆவார். லீமா ரோஸ் இந்திய ஜனநாயகக் கட்சியின் இணைப்பொதுச் செயலாளராக 14 ஆண்டுகளாகப்  பதவி வகித்து வந்தார்.

எனினும் கட்சியில் போதிய முக்கியத்துவம் அளிக்கப்படவில்லை என்றுகூறி அண்மையில் அங்கிருந்து விலகி, பிப்ரவரி மாதம் 17ஆம் தேதி அதிமுகவில் இணைந்தார். அவருக்கு அதிமுக மகளிரணி இணைச் செயலாளர் பதவி அளிக்கப்பட்டது. தொடர்ந்து லால்குடியில் போட்டியிட வாய்ப்பு அளிக்கப்பட்டது.

இந்த நிலையில் லால்குடியில் ஒவ்வோர் ஓட்டுக்கும் 25 ஆயிரம் ரூபாய் அளிக்கப்பட்டதாகத் தகவல் வெளியானது. தமிழ்நாட்டின் பணக்கார வேட்பாளரான லீமா ரோஸ், 1,049 கோடி ரூபாய்க்குச் சொந்தக்காரர் ஆவார்.

அதிகபட்ச வாக்குப்பதிவு

லால்குடி தொகுதியில் மொத்தமாக 2,11,043 பதிவு செய்யப்பட்ட வாக்காளர்கள் உள்ளனர். இங்கு 2026ஆம் ஆண்டு தேர்தலில் 86.43% வாக்குகள் பதிவாகின. இது 2021ஆம் ஆண்டு பதிவான வாக்குகளை விட அதிகமாகும் (80.11%).

இதற்கிடையே பணபலம், மக்களுக்கு அளித்துள்ள வாக்குறுதிகள் ஆகியவற்றின் காரணமாக லீமா ரோஸுக்கு ஆதரவு பெருகியது. அதேநேரத்தில் மண்ணின் மைந்தர் என்ற முழக்கத்தோடு திமுக களமிறங்கி வாக்குகளைச் சேகரித்தது.

2531 வாக்குகள் வித்தியாசத்தில் முன்னிலை

இந்த நிலையில், 5 மாநிலத் தேர்தல் முடிவுகள் இப்போது எண்ணப்பட்டு வருகின்றன. இதில் தமிழ்நாட்டில் உள்ள லால்குடி தொகுதியில் லீமா ரோஸ் 7538 வாக்குகளைப் பெற்றுள்ளார். குறிப்பாக லீமா ரோஸ், 2531 வாக்குகள் வித்தியாசத்தில் முன்னிலையில் உள்ளார்.

எனினும் திமுக வேட்பாளருக்கும் அதிமுக வேட்பாளருக்கும் குறைந்த அளவிலேயே வித்தியாசம் உள்ளதால் நிலை எப்படி வேண்டுமானாலும் மாறலாம் என்று கூறப்படுகிறது.