Kerala Exit Poll 2026: கேரளாவில் ஆட்சி மாற்றம்- மகுடம் சூடப்போவது காங்கிரஸா பாஜகவா? எக்ஸிட் போல் முடிவுகள்

Kerala Election 2026 Exit Poll: கேரளாவில் பினராயி விஜயன் தலைமையில் 58 முதல் 68 இடங்களை மட்டுமே எல்டிஎஃப் கூட்டணி பெறும் என்று தேர்தலுக்குப் பிந்தைய கருத்துக் கணிப்பில் தெரிவிக்கப்பட்டுள்ளது.

கேரளா கருத்துக் கணிப்பு முடிவுகள்

Source : சிறப்பு ஏற்பாடு

கேரள மாநிலத்தைப் பொறுத்தவரை தேர்தலுக்குப் பிந்தைய கருத்துக் கணிப்பு முடிவுகளில் ஆட்சி மாற்றம் நிகழும் என்று தெரிவிக்கப்பட்டுள்ளது.

ஏப்ரல் 9ஆம் தேதி கேரள மாநிலத்தில் ஒரே கட்டமாக சட்டமன்றத் தேர்தல் நடந்து முடிந்தது. இந்திய கம்யூனிஸ்ட் தலைமையிலான எல்டிஏ கூட்டணி கேரளாவில் ஆட்சியில் உள்ளது. 2016ஆம் ஆண்டு முதல் 140 சட்டமன்றத் தொகுதிகளையும் இந்திய கம்யூனிஸ்டே ஆண்டு வருகிறது. இந்த முறை 78.13% வாக்குகள் பதிவாகி இருந்தன. இது கடந்த ஆண்டைக் காட்டிலும் சுமார் 4 சதவீதம் (74.06) அதிகம் ஆகும்.

களத்தில் எந்தெந்தக் கட்சிகள்?

கேரள மாநிலத்தின் 2026 சட்டமன்றத் தேர்தலில் இந்திய கம்யூனிஸ்ட் தலைமையிலான எல்டிஏ கூட்டணி களத்தில் நிற்கிறது. மறுபுறம் காங்கிரஸ் தலைமையில் யுடிஎஃப் கூட்டணி எதிர்த்துப் ஒட்டியிடுகிறது. பாஜகவும் களத்தில் உள்ளது.

இந்த நிலையில் பினராயி விஜயன் தலைமையில் 58 முதல் 68 இடங்களை மட்டுமே எல்டிஎஃப் கூட்டணி பெறும் என்று தேர்தலுக்குப் பிந்தைய கருத்துக் கணிப்பில் தெரிவிக்கப்பட்டுள்ளது. குறிப்பாக 39.5% வாக்குகளைப் பெறலாம் என்று தெரிவிக்கப்பட்டுள்ளது.

காங்கிரஸ் 70 – 80 தொகுதிகளைக் கைப்பற்றி ஆட்சியை அமைக்கும் என்று எதிர்பார்க்கப்படுகிறது. இது சதவீத அளவில் 42.6 ஆகும்.

பாஜக நிலை என்ன?

பாஜக 14.3 % வாக்குகளைப் பெறலாம் என்று கூறப்படுகிறது. கடந்த தேர்தலில் 11 சதவீத வாக்குகளை பாஜக பெற்றிருந்த நிலையில் 3 சதவீதத்துக்கும் அதிகமாக பாஜக பெறும் என்று தேர்தலுக்கு பிந்தைய கருத்துக் கணிப்பில் தெரிவிக்கப்பட்டுள்ளது. இந்தக் கட்சி தலைமையிலான என்டிஏ கூட்டணி 4 தொகுதிகள் வரை பெறலாம் என்றும் கருத்துக் கணிப்பு விவரம் வெளியாகி உள்ளது.  

அதே நேரத்தில் தமிழ்நாட்டில் பெரும்பாலான கருத்துக் கணிப்பு முடிவுகள் திமுகவே மீண்டும் ஆட்சியை அமைக்கும் என்று தெரிவித்துள்ளன. குறிப்பாக, 

சாணக்யா ஸ்ட்ராட்டஜிஸ்
திமுக + 145 - 160
அதிமுக + 50-65
தவெக 13-18
பிற 5-8

மேட்ரிஸ்
திமுக + : 122 - 132
அதிமுக + : 87 - 110
தவெக : 10 - 12
பிற : 0 - 6

ரிபப்ளிக் - பி மார்க்

திமுக + : 125 - 145
அதிமுக + : 65 - 85
தவெக : 16 - 26
பிற : 1 - 6

பீப்பிள்ஸ் பல்ஸ்

திமுக + : 125 - 145
அதிமுக + : 65 - 80
தவெக : 18 - 24
பிற : 2 - 6

என்று கருத்துக் கணிப்பு முடிவுகள் தெரிவிக்கப்பட்டுள்ளன. 

இதையும் படிக்க

Exit Poll Results 2026 LIVE: தமிழ்நாட்டில் தவெகவுக்கு 120 இடங்கள்; இந்தியா டுடே கருத்துக்கணிப்பு

Exit Polls 2026: எதிர்பார்ப்பை எகிறவைக்கும் எக்ஸிட் போல்ஸ்; தூர்தர்ஷன் 1996 கருத்துக்கணிப்பு முதல் இன்று வரை- ஒரு பார்வை!