Kallakurichi Election Results 2024: தேர்தல் முடிவுகள் - வெற்றியை உறுதி செய்த திமுக வேட்பாளர் மலையரசன்!
Kallakurichi Lok Sabha Election Results 2024: நாடாளுமன்ற மக்களவைத் தேர்தலில் கள்ளக்குறிச்சி தொகுதியில், திமுக - அதிமுக மற்றும் பாமக இடையே மும்முனைப்போட்டி நிலவுகிறது.
Kallakurichi Lok Sabha Election Results 2024: நாடாளுமன்ற மக்களவைத் தேர்தலில் கள்ளக்குறிச்சி தொகுதியில் திமுக சார்பில் மலையரசன் 5,48,665 வாக்குகளுடன் வெற்றியை உறுதி செய்துள்ளார்.
பாமக சர்பில் தேவதாஸ் உடையார் - 69,778
அதிமுக சார்பில் குமரகுரு - 4,98,459
நாம் தமிழர் கட்சி சார்பில் இயக்குநர் ஜெகதீசன் - 7,189
நாடாளுமன்ற மக்களவைத் தேர்தல் 2024:
நாடு முழுவதுமுள்ள 543 நாடாளுமன்ற மக்களவை தொகுதிகளுக்கான வாக்குப்பதிவு 7 கட்டங்களாக நடைபெற்றது. அதில் முதற்கட்டமாக தமிழ்நாட்டில் உள்ள 39 தொகுதிகள் உட்பட 102 தொகுதிகளில், கடந்த ஏப்ரல் 19ம் தேதி வாக்குப்பதிவு நடைபெற்றது. அதைதொடர்ந்து, மீதமுள்ள தொகுதிகளில் 6 கட்டங்களாக கடந்த ஜுன் 1ம் தேதி வரை வாக்குப்பதிவு நடைபெற்றது. இந்த 7 கட்டங்களிலும் பதிவான வாக்குகள் இன்று எண்ணப்பட்டு முடிவுகள் வெளியிடப்பட்ட உள்ளன. அதன்படி, கள்ளக்குறிச்சியில் வெற்றி பெறப்போவது யார் என்பது அந்த தொகுதி வாக்காளர்களிடையே பெரும் எதிர்பார்ப்புகளை ஏற்படுத்தியுள்ளது.
வாக்காளர்களும் & வேட்பாளர்களும்:
ஆண் வாக்காளர்கள், பெண் வாக்காளர்கள் மற்றும் மூன்றாம் பாலினத்தவர்கள் என, மொத்தம் 15 லட்சத்து 68 ஆயிரத்து 681 பேர் கள்ளக்குறிச்சி தொகுதியில் வாக்களிக்க தகுதி பெற்று இருந்தனர். திமுக சார்பில் மலையரசன், பாமக சர்பில் தேவதாஸ் உடையார், அதிமுக சார்பில் குமரகுரு மற்றும் நாம் தமிழர் கட்சி சார்பில் இயக்குநர் ஜெகதீசன்ஆகியோர் போட்டியிட்டனர்.
பதிவான வாக்குகள் விவரம்:
தேர்தல் ஆணைய தரவுகளின்படி கள்ளக்குறிச்சி மக்களவை தொகுதியில், ரிஷிவந்தியம், சங்கரபுரம், கள்ளக்குறிச்சி (தனி), கங்கவலி (தனி), ஆத்தூர் (தனி) மற்றும் ஏற்காடு (தனி) ஆகிய சட்டமன்றத் தொகுதிகள் இடம்பெற்றுள்ளன. அதில் 15 லட்சத்து 68 ஆயிரத்து 681 பேர் வாக்களிக்க தகுதி பெற்று இருந்தனர். ஆனால், கடந்த ஏப்ரல் 19ம் தேதி நடைபெற்ற வாக்கெடுப்பில், கள்ளக்குறிச்சி தொகுதியில் 79.21 சதவிகித வாக்குகள் மட்டுமே பதிவாகின. அதாவது ஆண் வாக்களர்களில் 74.05 சதவிகிதம் பேரும், பெண் வாக்காளர்களில் 69.44 சதவிகிதம் பேரும், மூன்றாம் பாலினத்தவர்களில் 27.39 சதவிகிதம் பேரும் மட்டுமே வாக்களித்துள்ளனர்.
கடந்த தேர்தல் விவரம்:
- 2019ம் ஆண்டு தேர்தலில் திமுக சார்பில் போட்டியிட்ட கவுதம சிகாமணி 7,21713 வாக்குகள் (59.92%) பெற்று வெற்றி பெற்றார்.
- தேமுதிக வேட்பாளர் 3,21,794 வாக்குகள் பெற்று இரண்டாவது இடம் பிடித்தார்
- அமமுக வேட்பாளர் கோமுகி மணியன் 50,179 வாக்குகளுடன் மூன்றாவது இடம் பிடித்தார்
முக்கிய பிரச்னைகளுக்கு தீர்வு கிடைக்குமா?
தொகுதியில் உள்ள கோமுகி அணைக்கட்டு, மணிமுத்தாறு அணைக்கட்டு மற்றும் கரிய கோயில் அணைக்கட்டு ஆகிய மூன்றும், மழை இன்றி வரண்டுபோயுள்ளன. இதனால் விவசாயம் கடுமையாக பாதிக்கப்பட்டுள்ளது. கிழங்கு உற்பத்தியும் பாதிக்கப்பட்டு, ஜவ்வரிசி தொழிலையும் பாதித்துள்ளது. வட இந்திய தொழிலாளர்கள் ஓட்டல்கள் உள்ளிட்ட நிறுவன வேலைகளை ஆக்கிரமிக்க, உள்ளூர் மக்களின் வேலைவாய்ப்பு பாதிக்கப்பட்டுள்ளது. சின்னசேலம் - கள்ளக்குறிச்சி ரயில்வே பணிகளை துரிதப்படுத்தி கள்ளக்குறிச்சியை திருவண்ணாமலையோடு இணைக்கும் ரயில் பாதை திட்டம் 1958ல் இருந்தே கனவு திட்டமாகவே தொடர்கிறது. இந்த பிரச்னைகளுக்கு புதிய எம்.பி., தீர்வு காண்பாரா என்பதை பொறுத்து இருந்து தான் பார்க்க வேண்டும்.
தலைப்பு செய்திகள்
ட்ரெண்டிங் செய்திகள்
