TRB: டிஆர்பி ஆசிரியர் தேர்வு அட்டவணை வெளியீடு: முக்கிய தேர்வுகள் எப்போது? முழு விவரம் இதோ!
TRB 2026 Annual Planner: 2 முறை டெட் தேர்வு, ஆசிரியர், உதவிப் பேராசிரியர் தேர்வுகள் எப்போது? ஆண்டு அட்டவணையை வெளியிட்ட டிஆர்பி. விவரம் கீழே!
தமிழ்நாடு ஆசிரியர் தகுதித்தேர்வு, பி.டி. ஆசிரியர், உதவிப் பேராசிரியர், மாநில தகுதித் தேர்வு உள்ளிட்ட பல்வேறு தேர்வுகள் எப்போது நடைபெறும் என்ற ஆண்டு அட்டவணையை, தேர்வுகளை நடத்தும் ஆசிரியர் தேர்வு வாரியம் வெளியிட்டுள்ளது.
எப்போது எந்தத் தேர்வு?
இதன்படி, தமிழ்நாடு சிறப்பு ஆசிரியர் தகுதித் தேர்வு இந்த ஆண்டு 2 முறை நடத்தப்பட உள்ளது. முதல் முறை மே மாதம் அறிவிக்கை வெளியிடப்பட்டு, ஜூலை மாதம் தேர்வு நடத்தப்பட உள்ளது. இரண்டாவது முறையாக TN- TET தேர்வு அக்டோபர் மாதம் அறிவிக்கப்பட்டு, டிசம்பர் மாதம் தேர்வு நடத்தப்படலாம் என்று தெரிவிக்கப்பட்டு உள்ளது.
அதேபோல, BT Assistant / BRTE தேர்வுக்கான அறிவிக்கை மார்ச் மாதம் வெளியாக உள்ளது. இவர்களுக்கான தேர்வு ஜூலை மாதத்தில் நடைபெறலாம் என்று தெரிவிக்கப்பட்டுள்ளது.
உதவிப் பேராசிரியர் தேர்வு
திருவள்ளுவர் பல்கலைக்கழகத்துக்கான உதவிப் பேராசிரியர் தேர்வு அறிவிக்கை பிப்ரவரி மாதம் வெளியிடப்பட்டு, ஜூன் மாதம் தேர்வு நடக்க உள்ளது. மேலும் முதலமைச்சர் ஆராய்ச்சி உதவித்தொகைக்கான தேர்வு Chief Minister Research Fellowship (CMRF) அறிவிப்பும் வெளியாகி உள்ளது. இதன்படி, ஜூன் மாதம் அறிவிக்கை வெளியிடப்பட்டு, ஆகஸ்ட் மாதத்தில் தேர்வு நடைபெறும் என்றும் ஆசிரியர் தேர்வு வாரியம் தெரிவித்துள்ளது.
தலைப்பு செய்திகள்
ட்ரெண்டிங் செய்திகள்
