டிஎன்பிஎஸ்சி தேர்வர்களே.. அரசுப் பணியில் சேர கடைசி வாய்ப்பு; மிஸ் பண்ணிடாதீங்க! இன்னும் சில நாள்தான்!
27.12.2025 முதல் 05.01.2026 இரவு 11.59 மணி வரை விடுபட்ட மற்றும் சரியான சான்றிதழ்களைப் பதிவேற்றம் செய்யலாம்.
தேர்வர்களே, ஒருங்கிணைந்த தொழில்நுட்ப பணிகளில் சேர கடைசி வாய்ப்பு டிஎன்பிஎஸ்சி அளித்துள்ளது.
ஒருங்கிணைந்த தொழில்நுட்ப பணிகளில் (நேர்முகத் தேர்வு பதவிகள்) உள்ள பதவிகளுக்கான காலிப் பணியிடங்களை நிரப்ப நடத்தப்பட்ட தேர்வை எழுதிய தேர்வர்களுக்கு இறுதி வாய்ப்பு வழங்கும் விதமாக சான்றிதழ்களை மறு பதிவேற்றம் செய்ய வாய்ப்பு வழங்கப்படுவதாக தமிழ்நாடு அரசுப் பணியாளர் தேர்வாணையம் தெரிவித்து உள்ளது. 27.12.2025 முதல் 05.01.2026 இரவு 11.59 மணி வரை விடுபட்ட மற்றும் சரியான சான்றிதழ்களைப் பதிவேற்றம் செய்யலாம்.
இதுகுறித்து டிஎன்பிஎஸ்சி வெளியிட்டுள்ள செய்திக் குறிப்பில், ’’எண்: தமிழ்நாடு அரசுப் பணியாளர் தேர்வாணையத்தின் அறிவிக்கை 08/2025, நாள்:07.05.2025 இன் வாயிலாக ஒருங்கிணைந்த தொழில்நுட்ப பணிகளில் (நேர்முகத் தேர்வு பதவிகள்) உள்ள பதவிகளுக்கான காலிப் பணியிடங்களுக்கு நேரடி நியமனம் செய்வதற்கு தேர்வர்களால் சான்றிதழ் பதிவேற்றம் செய்யப்பட்டதில், சான்றிதழ் சரிபார்ப்பிற்கு பின்னர் சில தேர்வர்கள் உரிய சான்றிதழ்களை சில குறைபாடுகளுடன் / சரியாக பதிவேற்றம் செய்யப்படாமல் உள்ளது கண்டறியப்பட்டுள்ளது.
தேர்வர்களுக்கு இறுதி வாய்ப்பு
எனவே, இத்தகைய தேர்வர்களுக்கு இறுதி வாய்ப்பு வழங்கும் விதமாக 27.12.2025 முதல் 05.01.2026 இரவு 11.59 மணி வரை விடுபட்ட மற்றும் சரியான சான்றிதழ்களை மறு பதிவேற்றம் செய்ய வாய்ப்பு வழங்கப்படுகிறது. இத்தகவல் அத்தேர்வர்களுக்கு மட்டும் குறுஞ்செய்தி, மின்னஞ்சல் மற்றும் குறிப்பாணை மூலமாக அறிவுறுத்தப்பட்டுள்ளது.
எனவே, அத்தேர்வர்கள் அனைவரும் குறிப்பாணையில் தெரிவிக்கப்பட்டுள்ள சான்றிதழ்களை தேர்வாணைய இணையதளத்தில் ஒருமுறைப் பதிவு தளம் வாயிலாக பதிவேற்றம் செய்ய அறிவுறுத்தப்படுகிறார்கள். அவ்வாறு உரிய சான்றிதழ்களை பதிவேற்றம் செய்யாத தேர்வர்களின் உரிமை கோரல் (claim) / விண்ணப்பம் நிராகரிக்கப்படும் எனவும் டிஎன்பிஎஸ்சி தேர்வுக் கட்டுப்பாட்டு அலுவலர் சண்முக சுந்தரம் தெரிவித்துள்ளார்.
தேர்வர்கள் https://tnpsc.gov.in/english/checkmemo.aspx?key=afb8ec0c-e846-4f08-85e3-61e9e4d5476b&&type=1&&phase=a2963080-9f52-479d-aea1-d83bf7c186f2&&valuekey=40bed020-a0d1-4b26-9f0e-bcd288036c51 என்ற இணைப்பை க்ளிக் செய்து, இந்த நடவடிக்கையை மேற்கொள்ளலாம்.
கூடுதல் தகவல்களுக்கு: https://tnpsc.gov.in/
தலைப்பு செய்திகள்
ட்ரெண்டிங் செய்திகள்
