மேலும் அறிய

TN SSLC Result 2025: படிச்சா இங்கதான் படிக்கணும்.. 100% தேர்ச்சி.. அசத்திய செங்கல்பட்டு பள்ளிகளின் லிஸ்ட்..!

Chengalpattu SSLC Result 2025: செங்கல்பட்டு மாவட்டத்தில் பத்தாம் வகுப்பு தேர்வு முடிவில், 14 பள்ளிகள் 100% தேர்ச்சி பெற்றுள்ளது.

Written By : கிஷோர் | Updated at : 16 May 2025 03:49 PM (IST)

Tamil Nadu SSLC Result 2025 Chengalpattu district 14 government school gets Centum Results TNN TN SSLC Result 2025: படிச்சா இங்கதான் படிக்கணும்.. 100% தேர்ச்சி.. அசத்திய செங்கல்பட்டு பள்ளிகளின் லிஸ்ட்..!

அரசுப்பள்ளி - சித்தரிப்பு படம்

செங்கல்பட்டு மாவட்ட அரசு பள்ளிகளை பொருத்தவரை கடந்த ஆண்டை விட, இந்த ஆண்டு தேர்ச்சி சதவீதம் அதிகரித்துள்ளது.

செங்கல்பட்டு மாவட்ட பத்தாம் வகுப்பு தேர்வு முடிவுகள்

பத்தாம் வகுப்பு பொதுத்தேர்வில் செங்கல்பட்டு மாவட்டத்தின் தேர்வு முடிவுகள் வெளிவந்துள்ளன. செங்கல்பட்டு மாவட்டத்தை பொருத்தவரை 363 பள்ளிகளை சேர்ந்த மாணவ, மாணவிகள் தேர்வு எழுதினர். இதில் 79 பள்ளிகளில் மாணவர்கள் 100% தேர்ச்சி பெற்றுள்ளனர்.

செங்கல்பட்டு மாவட்டத்தை பொருத்தவரை 15,192 மாணவர்களும் 14,927 மாணவிகளும் தேர்வு எழுதினர். மொத்தம் செங்கல்பட்டு மாவட்டத்தை பொருத்தவரை 30,119 மாணவர்கள் தேர்வு எழுதி இருந்தனர். இதில் 13,125 மாணவர்களும், 13,927 மாணவிகளும் மொத்தம் 27052 மாணவ மாணவிகள் தேர்ச்சி அடைந்துள்ளனர்.

மொத்தம் தேர்ச்சி 89.82 சதவீதமாக உள்ளது. செங்கல்பட்டு மாவட்டம் 35-வது இடத்திற்கு தள்ளப்பட்டுள்ளது. கடந்த ஆண்டு 33-வது இடத்தில் இருந்த செங்கல்பட்டு மாவட்டம் இந்த முறை 35-வது இடத்திற்கு தள்ளப்பட்டுள்ளது.

செங்கல்பட்டு மாவட்ட அரசு பள்ளியின் நிலை என்ன ? Chengalpattu Government School Results

செங்கல்பட்டு மாவட்டத்தில் 146 அரசு பள்ளிகளை சேர்ந்த மாணவ, மாணவிகள் தேர்வு எழுதினர். இதில் 14 அரசு பள்ளிகள் மட்டுமே 100 சதவீத தேர்ச்சி பெற்றுள்ளன. அரசுப் பள்ளியின் தேர்ச்சி சதவீதம் 84.15 சதவீதமாக உள்ளது. கடந்த ஆண்டு அரசு பள்ளியின் தேர்ச்சி 79 சதவீதமாக இருந்த நிலையில், இந்த ஆண்டு தேர்ச்சி சதவீதத்தில் சற்று அதிகரித்துள்ளது. இந்த ஆண்டு அரசு பள்ளிகளின் தேர்ச்சி சதவீத அடிப்படையில் செங்கல்பட்டு மாவட்டம் 35 வது இடத்தை பிடித்து இருக்கிறது. கடந்தாண்டு 36-வது இடத்தை பிடித்திருந்தது குறிப்பிடத்தக்கது.