TNGASA Admission 2024: மீண்டும் தொடங்கிய மாணவர் சேர்க்கை; இன்னும் 2 நாள்தான்- அரசுக் கல்லூரிகளில் சேர விண்ணப்பித்துவிட்டீர்களா?
அரசுக் கலைக் கல்லூரிகளில் 64 சதவீத இடங்கள் மட்டுமே நிரம்பி இருந்த நிலையில், காலி இடங்களை நிரப்பவும் மாணவ- மாணவியர் நலன் கருதியும் மீண்டும் விண்ணப்பப் பதிவு இன்று (ஜூலை 3) தொடங்கி உள்ளது.
அரசு கலை, அறிவியல் கல்லூரிகளில் மாணவர்கள் சேர விண்ணப்பப் பதிவு இன்று தொடங்கி நடைபெற்று வருகிறது. இதற்கு விண்ணப்பிப்பது எப்படி என்று பார்க்கலாம்.
அரசுக் கலைக் கல்லூரிகளில் 64 சதவீத இடங்கள் மட்டுமே நிரம்பி இருந்த நிலையில், காலி இடங்களை நிரப்பவும் மாணவ- மாணவியர் நலன் கருதியும் மீண்டும் விண்ணப்பப் பதிவு இன்று (ஜூலை 3) தொடங்கி உள்ளது. மாணவர்கள் ஜூலை 5 வரை 3 நாட்களுக்கு விண்ணப்பிக்க முடியும்.
மேலும், ஒரு பாடப்பிரிவில் சேர்ந்த மாணவர்கள் வேறோரு பாடப்பிரிவில் மாற விரும்பினால் அந்த துறையில் காலியிடம் இருப்பின் வாய்ப்பு வழங்க வேண்டும். ஏற்கனவே விண்ணப்பித்து சேர்க்கை பெற்று துறையில் இணையாத மாணவர்களின் இடங்களையும் நிரப்ப வேண்டும் என கூறப்பட்டுள்ளது.
மாணவர்கள் https://www.tngasa.in/ என்ற இணைய தளத்துக்குச் சென்று, விண்ணப்பப் பதிவு குறித்து அறிந்துகொள்ளலாம்.
முன்பதிவு முக்கியம்
புதிதாக விண்ணப்பிக்கும் மாணவர்கள் https://www.tngasa.in/user/register என்ற இணைப்பை க்ளிக் செய்து, முன்பதிவு செய்துகொள்ள வேண்டியது அவசியம். அதில், விண்ணப்பதாரர் பெயர், கைப்பேசி எண், மின்னஞ்சல் முகவரி, பிறந்த தேதி, பிளஸ் 1 தேர்ச்சி, தகுதித் தேர்வு உள்ளிட்ட விவரங்கள் கேட்கப்பட்டிருக்கும். அதற்கு சரியான தகவல்களை உள்ளிட வேண்டும்.
விண்ணப்பத்திற்கான தகவல்களைப் பதிவு செய்தல் குறித்து முழுமையாக அறிய https://static.tneaonline.org/docs/arts/tamil_instruction.pdf?t=1684734156651 என்ற இணைப்பை க்ளிக் செய்து காணலாம். ஸ்டெப் பை ஸ்டெப்பாக வழிமுறைகள் இதில் கொடுக்கப்பட்டுள்ளன.
இணைய வசதி இல்லாத மாணவர்கள், அரசு கலைக் கல்லூரிகளில் உள்ள மாணவர் சேர்க்கை உதவி மையம் (Admission Facilitation Center (AFC)- 2024) மூலமாக விண்ணப்பிக்கலாம்.
3 வகை தரவரிசைப் பட்டியல்
3 வகைகளில் தரவரிசைப் பட்டியல் வெளியிடப்படும். தமிழ், ஆங்கிலம், பொது தரவரிசைப் பட்டியல் தனித்தனியாக வெளியிடப்படும். தமிழ் மற்றும் ஆங்கிலத் தரவரிசைப் பட்டியல் இலக்கியப் படிப்புகளுக்கும் பொது தரவரிசைப் பட்டியல் மற்ற அனைத்து படிப்புகளின் சேர்க்கைக்கும் பயன்படுத்தப்படும்.
விண்ணப்பித்து முடித்த பிறகு, மெயில் ஐடி, பாஸ்வேர்டு ஆகியவற்றைப் பதிவிட்டு லாகின் செய்யலாம்.
கூடுதல் தகவல்களுக்கு: https://www.tngasa.in/
தமிழ்நாடு முழுவதும் உள்ள அரசு கலை அறிவியல் கல்லூரிகளின் முழு பட்டியலைக் காண: https://static.tneaonline.org/docs/arts/college_list.pdf?t=1684479144557 என்ற இணைப்பை க்ளிக் செய்யவும்.
கூடுதல் விவரங்களுக்கு: tngasa24@gmail.com
தொலைபேசி எண்கள்: 044 - 24343106, 044 - 24342911
தமிழ்நாட்டில் கல்லூரிக் கல்வி இயக்குநரகத்தின்கீழ் மொத்தம் 164 அரசு கலை மற்றும் அறிவியல் கல்லூரிகள் இயங்கி வருகின்றன. இவற்றில் இளநிலை படிப்புகளில் ஒரு லட்சத்து 7,395 இடங்கள் உள்ளன. இதில் 2024- 25ஆம் கல்வி ஆண்டில், 64 சதவீத இடங்கள் மட்டுமே நிரம்பி இருந்தது. இதை அடுத்து மீதமுள்ள 36 சதவீத இடங்களை நிரப்ப, மீண்டும் விண்ணப்பப் பதிவு தொடங்கி உள்ளது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
