TN Budget 2025: அரசு பொறியியல் கல்லூரிகளுக்கு அடித்த ஜாக்பாட்; உயர் கல்வித்துறைக்கு இத்தனை கோடி நிதியா?
Tamil Nadu Budget 2025: உயர் கல்வித்துறைக்கு பட்ஜெட்டில் அமைச்சர் தங்கம் தென்னரசு வெளியிட்ட அறிவிப்புகள்.
அரசு பொறியியல் கல்லூரிகளில் ஏஐ உள்ளிட்ட நவீன படிப்புகள் அறிமுகம் செய்யப்படும் எனவும் உயர் கல்வித்துறைக்கு ரூ.8494 கோடி நிதி ஒதுக்கீடு செய்யப்படுவதாகவும் தமிழக நிதி அமைச்சர் தங்கம் தென்னரசு அறிவித்துள்ளார்.
திமுக அரசின் கடைசி நிதிநிலை தற்போது சட்டப்பேரவையில் தாக்கல் செய்யப்பட்டு வருகிறது. அதில் உயர் கல்வித்துறைக்கு பட்ஜெட்டில் அமைச்சர் தங்கம் தென்னரசு வெளியிட்ட அறிவிப்புகள்:
’’வளர்ந்து வரும் தொழில்நுட்ப முன்னேற்றங்கள் மற்றும் தொழில்துறைகளின் தேவைகளை நிறைவு செய்யும் விதமாக செயற்கை நுண்ணறிவு (Artificial Intelligence), இணையப் பாதுகாப்பு (Cyber Security), மேம்பட்ட உற்பத்தி தொழில்நுட்பம் (Advanced Manufacturing Technology), (Robotics), (Electric Vehicle Technology) (Environmental Engineering) உள்ளிட்ட வளர்ந்து வரும் துறைகளில் புதிய பட்டப்படிப்புகள் வரும் கல்வியாண்டு முதல் அறிமுகம் செய்யப்படும். இவ்வகை நவீன தொழில்நுட்பப் படிப்புகளை மாணவர்களுக்கு முறையாக அறிமுகம் செய்திட 50 கோடி ரூபாய் மதிப்பீட்டில் அரசு பொறியியல் (Centres of Excellence) தொழில் நிறுவனங்களுடன் இணைந்து முறையாக முன்னணி உருவாக்கப்படும்.
புது நவீன படிப்புகள்
அதேபோன்று, அரசு பலவகைத் (Polytechnic) தொழில்நுட்பக் கல்லூரிகளில் திறன்மிகு உற்பத்தி (Smart Manufacturing Technology), Cyber Security and Networking, Food Technology, புதுப்பிக்கத்தக்க ஆற்றல் தொழில்நுட்பம் (Renewable Energy Technology), வான்கலம் வடிவமைப்பு (Drone Design and Application) ஆகிய துறைகளில் புதிய பட்டயப் படிப்புகள் அறிமுகப்படுத்தப்படும்.
புதிய அரசு கலை மற்றும் அறிவியல் கல்லூரிகள்
அரசு பாலிடெக்னிக் கல்லூரிகளில் புதிய பட்டயப்படிப்புகள் அறிமுகம் செய்யப்படும். திருவாரூர் மாவட்டம் முத்துப்பேட்டை, தஞ்சாவூர் மாவட்டம் திருவிடைமருத்தூர் உள்ளிட்ட பகுதிகளில் புதிய அரசு கலை மற்றும் அறிவியல் கல்லூரிகள் தொடங்கப்படும்’’.
இவ்வாறு அமைச்சர் தங்கம் தென்னரசு தெரிவித்துள்ளார்.
தலைப்பு செய்திகள்
ட்ரெண்டிங் செய்திகள்
