12th Supplementary Exam: மிஸ் பண்ணிடாதீங்க… 12ஆம் வகுப்பு ஃபெயிலா? துணைத் தேர்வுக்கு விண்ணப்பிக்க அவகாசம் நீட்டிப்பு!
12th Supplementary Exam 2026: பிளஸ் 2 துணைத் தேர்வுக்கு தட்கல் முறையில் விண்ணப்பிக்க அவகாசம் நீட்டிக்கப்பட்டுள்ளது. எப்போது வரை என்று காணலாம்.
12ஆம் வகுப்பு மேல்நிலை துணைத் தேர்வுகளுக்கு சிறப்பு அனுமதி திட்டத்தில் (தக்கல் முறையில்) விண்ணப்பிக்க கால அவகாசம் நீட்டிக்கப்பட்டுள்ளதாக அரசுத் தேர்வுகள் இயக்ககம் அறிவித்துள்ளது.
95.2 % பேர் தேர்ச்சி
பிளஸ் 2 பொதுத்தேர்வு முடிவுகள் மே 20ஆம் தேதி வெளியாகின. இதில் 95.2 சதவீத மாணவ - மாணவிகள் தேர்ச்சி பெற்ற நிலையில், மீதமுள்ள மாணவர்களுக்கு மேல்நிலை துணைத் தேர்வுகள், ஜூன் / ஜூலை மாதங்களில் நடைபெற உள்ளன. இந்தத் துணைத் தேர்வுகளுக்கு விண்ணப்பிக்க அவகாசம் நீட்டிக்கப்பட்டுள்ளது.
இதுகுறித்து அரசுத் தேர்வுகள் இயக்ககம் தற்போது வெளியிட்டுள்ள செய்திக் குறிப்பு:
நடைபெற உள்ள ஜூன் / ஜூலை 2026 மேல்நிலை துணைத் தேர்வுகளுக்கு விண்ணப்பிக்க விரும்பும் தகுதியான தனித்தேர்வர்களிடம் இருந்து, இணையதளம் மூலம் விண்ணப்பிக்க 18.05.2026 (திங்கட்கிழமை) முதல் 30.05.2026 (சனிக் கிழமை) வரையிலான நாட்களிலும், சிறப்பு அனுமதித் திட்டத்தில் (தக்கல் முறையில்) 01.06.2026 (திங்கட்கிழமை) மற்றும் 02.06.2026 ( செவ்வாய்க் கிழமை) வரையிலும் கால அவகாசம் வழங்கப்பட்டது.
கால அவகாசம் நீட்டிப்பு
தேர்வர்களின் நலன் கருதி இக்கால அவகாசம் 03.06.2026 (புதன்கிழமை) மற்றும் 04.06.2026 (வியாழக்கிழமை) வரை நீட்டிக்கப்படுகிறது’’ என்று அரசுத் தேர்வுகள் இயக்ககம் தெரிவித்துள்ளது.
Before You Go
Pregnant Woman Attack On Train | ரயிலில் கர்ப்பிணிக்கு கொடூரம்”அந்த சைக்கோவை விடாதீங்க” ஹேமராஜின் பகீர் பின்னணி!
தலைப்பு செய்திகள்
ட்ரெண்டிங் செய்திகள்
