Part time teachers: வலுக்கும் எதிர்ப்பு: கோட்டையை முற்றுகையிட பகுதிநேர ஆசிரியர்கள் முடிவு- பின்னணி என்ன?

முதல்வர் ஸ்டாலின் திமுக தேர்தல் வாக்குறுதி 181-ன்படி பகுதிநேர ஆசிரியர்களை பணி நிரந்தரம் செய்ய வலியுறுத்தி கோட்டையை முற்றுகையிட்டு போராட்டம் நடத்த முடிவு செய்துள்ளனர்.

பகுதிநேர ஆசிரியர்கள்

முதல்வர் ஸ்டாலின் திமுக தேர்தல் வாக்குறுதி 181-ன்படி பகுதிநேர ஆசிரியர்களை பணி நிரந்தரம் செய்ய வலியுறுத்தி கோட்டையை முற்றுகையிட்டுப் போராட்டம் நடத்த முடிவு செய்துள்ளனர்.

இடைநிலை ஆசிரியர்களுக்கு சம வேலைக்கு சம ஊதியம் கோரிக்கை, பகுதி நேர ஆசிரியர்களுக்கு பணி நிரந்தரம் உள்ளிட்ட பல்வேறு கோரிக்கைகளை வலியுறுத்தி சம்பந்தப்பட்ட சங்கங்கள், தமிழக அரசுக்குப் போராட்டத்தை அறிவித்துள்ளன. 

இந்த நிலையில் முதல்வர் ஸ்டாலின் திமுக தேர்தல் வாக்குறுதி 181-ன்படி பகுதிநேர ஆசிரியர்களை பணி நிரந்தரம் செய்ய வலியுறுத்தி கோட்டையை முற்றுகையிட்டுப் போராட்டம் நடத்த முடிவு செய்துள்ளனர்.

இது குறித்து பகுதிநேர ஆசிரியர்கள் கூட்டமைப்பின் மாநில ஒருங்கிணைப்பாளர் செந்தில் குமார் கூறி உள்ளதாவது:

''தேர்தலுக்கு முன்பு வாக்குறுதி கொடுத்து விட்டு ஆட்சிக்கு வந்து, 29 மாதமாக முதல்வர் ஸ்டாலின் பகு திநேர ஆசிரியர்களைப் பணி நிரந்தரம் செய்யவில்லை. இதுவே எங்களின் போராட்டத்திற்குக் காரணம். 

பகுதிநேர ஆசிரியர்கள் போர்க்கொடி

12 ஆயிரம் குடும்பங்கள் 12 ஆண்டாக ரூபாய் 10 ஆயிரம் சம்பளத்தில் வாழ்வாதாரம் இழந்து உள்ளனர். இதனால் சட்டமன்ற தேர்தலில் பகுதி நேர ஆசிரியர்களுக்குக் கொடுத்த 181-வது தேர்தல் வாக்குறுதியை நிறைவேற்ற வேண்டும் என அரசுப் பள்ளிகளில் 12 ஆண்டாக பணிபுரியும் பகுதிநேர ஆசிரியர்கள் போர்க்கொடி தூக்கி உள்ளனர். நாடாளுமன்றத் தேர்தலை சந்திக்க உள்ள முதல்வர் ஸ்டாலின், இதை கவனத்தில் கொள்ள வேண்டும்.

முதல்வர் பகுதிநேர ஆசிரியர்களை பணி நிரந்தரம் செய்யாமல் உள்ளதால்தான் கோட்டை முற்றுகையிடும் நிலைக்கு நாங்கள் தள்ளப்பட்டு விட்டோம். கோரிக்கை நிறைவேறவில்லை என்றால் கோட்டைக்கே வந்து, என்னை சந்தித்துக் கேளுங்கள் என ’உங்கள் தொகுதியில் ஸ்டாலின்’ நிகழ்ச்சியில் தருமபுரி, கன்னியாகுமரி, மயிலாடுதுறையில் சொன்னதை முதல்வராகி இன்னும் செய்யாமல் உள்ளதை பல வழியில் நினைவுபடுத்தியும் அதை முதல்வர் கண்டுகொள்ளவில்லை என்ற ஆதங்கம் எல்லோர் மத்தியில் உள்ளது.

12 ஆண்டாக பரிதவிக்கிறோம்

பணி நிரந்தரம் கிடைக்காத ஏக்கத்தில் மரணம் அடைந்த பகுதிநேர ஆசிரியர்கள் குடும்பத்தை முதல்வர் நினைத்து பார்க்க வேண்டும். 10 ஆயிரம் ரூபாய் சம்பளத்தில் 12 ஆயிரம் பகுதிநேர ஆசிரியர்கள் குடும்பங்கள் 12 ஆண்டாக பரிதவிப்பதை மனிதாபிமானம் கொண்டு முதல்வர் மீட்டு பணி நிரந்தரம் என்ற வாழ்வாதாரம் தர வேண்டும்.

தேர்தல் வாக்குறுதி 181-ஐ நிறைவேற்றி 12 ஆயிரம் பகுதிநேர ஆசிரியர்களை பணி நிரந்தரம் செய்ய முதல்வர் ஆணையிட்டால்தான் நடக்கும். இனியும் தாமதம் செய்ய வேண்டாம்''.

இவ்வாறு பகுதிநேர ஆசிரியர்கள் கூட்டமைப்பின் மாநில ஒருங்கிணைப்பாளர் செந்தில் குமார் கூறி உள்ளார். 

தமிழக சட்டப் பேரவை வருகின்ற அக்டோபர் 9ஆம் தேதி கூட உள்ள நிலையில் பகுதிநேர ஆசிரியர்களின் பணி நிரந்தரக் கோரிக்கை வலுத்து வருகிறது.