மேலும் அறிய

NIFT 2024: ஃபேஷன் டிசைனிங் சேர்க்கை; நிஃப்ட் நுழைவுத் தேர்வுக்கு விண்ணப்பிக்கலாம்- எப்படி?

அங்கீகரிக்கப்பட்ட கல்வி வாரியத்தில் 10, 12ஆம் வகுப்பை முடித்திருக்க வேண்டும். 24 வயதுக்கு உட்பட்டவராக இருக்க வேண்டும்.

By : மாய நிலா | Updated at : 29 Dec 2023 07:13 PM (IST)

நிஃப்ட் நுழைவுத் தேர்வு

ஃபேஷன் டிசைனிங் படிப்புகளுக்கு நடத்தப்படும் நுழைவுத் தேர்வான நிஃப்ட் தேர்வுக்கு விண்ணப்பங்கள் வரவேற்கப்படுகின்றன. இதற்கு விண்ணப்பிக்க ஜனவரி 3ஆம் தேதி கடைசி ஆகும்.

நிஃப்ட் தேர்வு

நாடு முழுவதும் மத்திய அரசு சார்பில் நிஃப்ட் எனப்படும் தேசிய ஃபேஷன் தொழில்நுட்பக் கல்வி நிறுவனங்கள் இயங்கி வருகின்றன. இந்த நிறுவனங்கள் அணிகலன் வடிவமைப்பு, ஃபேஷன் கம்யூனிகேஷன், ஃபேஷன் வடிவமைப்பு, பின்னலாடை வடிவமைப்பு, தோல் வடிவமைப்பு மற்றும் ஜவுளி வடிவமைப்பு உள்ளிட்ட இளங்கலைப் படிப்புகளைக் கற்பிக்கின்றன.

அதேபோல, முதுகலை வடிவமைப்புத் திட்டங்களும் (MDes) கற்பிக்கப்பட்டு வருகின்றன. இதில் முதுகலை ஃபேஷன் மேலாண்மை (MFM), முதுகலை ஃபேஷன் தொழில்நுட்பம் (MFTech) உள்ளிட்டவை கற்பிக்கப்படுகின்றன.

என்ன தகுதி?

IFT 2024 Eligibility Criteria: அங்கீகரிக்கப்பட்ட கல்வி வாரியத்தில் 10, 12ஆம் வகுப்பை முடித்திருக்க வேண்டும். 24 வயதுக்கு உட்பட்டவராக இருக்க வேண்டும். எஸ்சி/ எஸ்டி மற்றும் மாற்றுத்திறனாளி தேர்வர்களுக்கு அதிகபட்சம் ஆண்டுகள் வயது வரம்பில் தளர்வு உண்டு. அதேபோல நிஃப்ட் நுழைவுத் தேர்வில் தேர்ச்சி பெற வேண்டியதும் அவசியம்.

தேர்வு முறை எப்படி?

நிஃப்ட் நிறுவனங்கள் நுழைவுத் தேர்வு மூலம் மாணவர்களைத் தேர்ந்தெடுக்கின்றன. இதற்கான விண்ணப்பப் பதிவு தொடங்கி, நடைபெற்று வருகிறது. பொதுப் பிரிவு தேர்வர்களுக்கு ரூ.3,000 விண்ணப்பக் கட்டணமாகும். எஸ்சி/ எஸ்டி மற்றும் மாற்றுத்திறனாளி தேர்வர்களுக்கு ரூ.1500 கட்டணம் நிர்ணயிக்கப்பட்டுள்ளது.

அதேபோல, டிசைனிங் மற்றும் ஃபேஷன் டெக்னாலஜி ஆகிய இரு படிப்புகளுக்கும் (BDes, BFTech) விண்ணப்பிக்க ரூ.4,500 விண்ணப்பக் கட்டணம் ஆகும். இதுவே எஸ்சி/ எஸ்டி/ மாற்றுத் திறனாளி மாணவர்களுக்கு ரூ.2500 கட்டணம் நிர்ணயிக்கப்பட்டுள்ளது.

தேர்வர்கள் nift.ac.in என்ற இணைய தளத்தில் விண்ணப்பிக்க வேண்டும். இதற்கு ஜனவரி 3ஆம் தேதி கடைசித் தேதியாகும்.

தேர்வு எப்போது?

பிப்ரவரி 5ஆம் தேதி அன்று நிஃப்ட் 2024-க்கான தேர்வு, நாடு முழுவதும் 60 நகரங்களில் நடைபெற உள்ளது. இதற்கான ஹால் டிக்கெட் ஜனவரி 3ஆவது வாரத்தில் வெளியாக உள்ளது. தேர்வர்கள் nift.ac.in என்ற இணையதளத்தில் இருந்து அனுமதிச் சீட்டைத் தரவிறக்கம் செய்து கொள்ளலாம் என்று தெரிவிக்கப்பட்டுள்ளது.

விண்ணப்பிப்பது எப்படி?

தேர்வர்கள் https://exams.nta.ac.in/NIFT/ என்ற இணைப்பை க்ளிக் செது விண்ணப்பிக்க வேண்டும்.

கூடுதல் தகவல்களுக்கு: https://nift.ac.in/sites/default/files/inline-files/PROSPECTUS-2024.pdf

தேர்வு முடிவுகள் எப்போது?

வழக்கமாக நுழைவுத் தேர்வு முடிவுகள் மார்ச் மாதத்தில் வெளியாகும். ஏப்ரல் மாதத்தில் நேரடித் தேர்வு நடைபெறும். இறுதிக்கட்டத் தேர்வு முடிவுகள் மே மாதம் வெளியாகும்.

விண்ணப்பிப்பதில் சிரமம் இருந்தால், NIFTADMISSIONSIN@GMAIL.COM என்ற இ- மெயில் முகவரியைத் தொடர்பு கொள்ளலாம்.

About the author மாய நிலா

Ramani Prabha Devi writes news under the pseudonym of Maaya Nila. An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.

Read

Published at : 29 Dec 2023 07:13 PM (IST)

Tags :

NIFT NIFT Exam Fashion Designing Fashion Institute