NEET UG 2026: மே 3-ல் நீட் தேர்வு: ஆடை, செருப்பு, பாட்டில்- என்னென்ன கட்டுப்பாடுகள் விதிப்பு? இதோ லிஸ்ட்!
NEET UG 2026 Dress Code: நீட் மருத்துவ நுழைவுத் தேர்வை எழுதும் மாணவர்கள், தேர்வு மையங்களுக்குச் செல்லும்போது என்னென்ன விதிமுறைகளை கண்டிப்பாகப் பின்பற்ற வேண்டும்?
நீட் இளங்கலை (NEET UG) தேர்வு நாளை மறுநாள் (மே 3) வெளியாகும் நிலையில், தேர்வுக்கான ஆடை கட்டுப்பாட்டு நெறிமுறைகளை என்டிஏ வெளியிட்டுள்ளது.
இளங்கலை மருத்துவப் படிப்புகளில் சேர நீட் எனப்படும் தேசிய தகுதி மற்றும் நுழைவுத் தேர்வு (NEET UG) மே 3 ஆம் தேதி நடைபெற உள்ளது. தேர்வை நடத்தும் . தேசியத் தேர்வுகள் முகமை (NTA), தேர்வுக்கான ஆடை கட்டுப்பாட்டு நெறிமுறைகள் மற்றும் வழிகாட்டுதல்களை வெளியிட்டுள்ளது.
மருத்துவ நுழைவுத் தேர்வை எழுதும் மாணவர்கள், தேர்வு மையங்களுக்குச் செல்லும்போது இந்த விதிமுறைகளை கண்டிப்பாகப் பின்பற்ற வேண்டும் என அறிவுறுத்தப்பட்டுள்ளது.
ஆடை கட்டுப்பாட்டு விதிமுறைகள் என்னென்ன?
- ஆடைகள்: தேர்வர்கள் அரைக்கை கொண்ட, வெளிர் நிற ஆடைகளை மட்டுமே அணிந்து வர வேண்டும். முழுக்கை கொண்ட சட்டைகள் அல்லது ஆடைகளை அணிய அனுமதி இல்லை. ஆடைகளில் பெரிய பட்டன்கள், பேட்ஜ்கள் அல்லது எம்பிராய்டரி டிசைன்கள் இருக்கக் கூடாது.
- காலணிகள்: குறைந்த உயரம் கொண்ட சாதாரண செருப்புகள் மட்டுமே அனுமதிக்கப்படும். இருபாலரும் எக்காரணத்தைக் கொண்டும் ஷூக்கள் அணியக் கூடாது.
ஆபரணங்களுக்கு தடை
தேர்வர்கள் காதணிகள், மோதிரங்கள், பதக்கங்கள், கழுத்தணிகள், வளையல்கள், கொலுசுகள் போன்ற எவ்விதமான நகைகளையோ ஆபரணங்களையோ அணிந்து வரக் கூடாது என தடை விதிக்கப்பட்டுள்ளது.
மத மற்றும் கலாச்சார ஆடைகள்
தங்கள் மத அல்லது கலாச்சார ரீதியான குறிப்பிட்ட ஆடைகளை அணிந்து வரும் தேர்வர்கள், முறையான சோதனைக்கு (Frisking) உட்படுத்தப்படுவார்கள். இதற்காக சம்பந்தப்பட்ட தேர்வர்கள், தேர்வு மையத்திற்கு முன்கூட்டியே வர வேண்டும் என அறிவுறுத்தப்பட்டுள்ளனர்.
தடை செய்யப்பட்ட பொருட்கள்
- மொபைல் போன்கள், ப்ளூடூத் கருவிகள், இயர்போன்கள், மைக்ரோஃபோன்கள், பேஜர்கள், கால்குலேட்டர்கள் மற்றும் ஸ்மார்ட் வாட்ச்கள் போன்ற எந்தவொரு மின்னணு சாதனங்களையும் தேர்வு அறைக்குள் கொண்டுசெல்ல அனுமதி இல்லை.
- அச்சிடப்பட்ட அல்லது எழுதப்பட்ட காகிதங்கள், ஜியோமெட்ரி பாக்ஸ், பென்சில் பாக்ஸ், பிளாஸ்டிக் பவுச், பேனா, ஸ்கேல், ரைட்டிங் பேட், பென் டிரைவ் மற்றும் எரேசர் உள்ளிட்ட எந்த ஸ்டேஷனரி பொருட்களையும் உள்ளே கொண்டு செல்லக் கூடாது.
- பர்சுகள், கூலிங் கிளாஸ்கள், ஹேண்ட் பேக்குகள், பெல்ட்கள் மற்றும் தொப்பிகள் ஆகியவற்றுக்கும் தடை விதிக்கப்பட்டுள்ளது.
- தண்ணீர் பாட்டில்கள் மற்றும் உணவுப் பொருட்கள் உள்ளே அனுமதிக்கப்படாது.
எவற்றுக்கெல்லாம் அனுமதி?
தேர்வர்கள் தங்களது அட்மிட் கார்டு, பாஸ்போர்ட் அளவு புகைப்படம் மற்றும் அரசால் அங்கீகரிக்கப்பட்ட அசல் அடையாள அட்டை ஆகியவற்றை மட்டுமே தேர்வு அறைக்குள் கொண்டு செல்ல வேண்டும். இந்த விதிமுறைகளை மீறும் பட்சத்தில், சம்மந்தப்பட்ட தேர்வர்கள் தேர்வு எழுத அனுமதிக்கப்பட மாட்டார்கள் என என்டிஏ திட்டவட்டமாக தெரிவித்துள்ளது.
Before You Go
Pregnant Woman Attack On Train | ரயிலில் கர்ப்பிணிக்கு கொடூரம்”அந்த சைக்கோவை விடாதீங்க” ஹேமராஜின் பகீர் பின்னணி!
தலைப்பு செய்திகள்
ட்ரெண்டிங் செய்திகள்
