மதுரை இளைஞர்களே... TNPSC, SSC, RRB இலவச பயிற்சி; அரசுப் பணி கனவை நனவாக்குங்கள்!

அரசுப் பணிக்கு தொடர்ந்து படித்து வெற்றி பெற காத்திருக்கும் இளைஞர்களின் கனவை நனவாக்கும் நோக்கில் அனைத்து வகையான போட்டித் தேர்வுகளுக்கும் பயிற்சி வகுப்புகள் நடத்தப்பட்டு வருகிறது.

அரசுப் பணித் தேர்வு

Source : whatsapp

பணியிடங்களுக்கு விண்ணப்பித்துள்ள தேர்வு ஆர்வலர்கள் இம்மாதிரி தேர்வில் கலந்து கொண்டு பயன்பெறுமாறு கேட்டுக்கொள்ளப்படுகிறது.

 

போட்டித் தேர்வுகளுக்கும் இலவச பயிற்சி வகுப்புகள்

 

வேலைவாய்ப்பு துறையின் சார்பாக மதுரை மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் இயங்கி வரும் தன்னார்வ பயிலும் வட்டத்தின் வாயிலாக அனைத்து வகையான போட்டித் தேர்வுகளுக்கும் இலவச பயிற்சி வகுப்புகள் நடத்தப்பட்டு வருகிறது. தற்பொழுது தமிழ்நாடு அரசுப்பணியாளர்   தேர்வாணையம் 2026-ஆம் ஆண்டு திட்ட நிரலின்படி TNPSC GR-I முதனிலை (Prelims)  தேர்விற்கான அறிவிப்பு  23.06.2026 அன்றும் SSC CGL 2026 தேர்விற்கான அறிவிப்பு 21.05.2026 அன்றும் வெளியிடப்பட்டுள்ளது. அதனைத் தொடர்ந்து TNPSC GR-I  முதனிலைத் தேர்விற்கும் SSC CGL தேர்விற்கும் கட்டணமில்லா பயிற்சி வகுப்புகள் மாவட்ட வேலைவாய்ப்பு மற்றும் தொழில்நெறி வழிகாட்டும் மையம், கே.புதூர், மதுரை அலுவலகத்தில் தொடங்கப்பட்டு, சிறந்த வல்லுநர்களைக் கொண்டு பயிற்சி வகுப்புகள் நடத்தப்பட்டு வருகிறது. இக்கட்டணமில்லா பயிற்சி வகுப்பில் சேர்ந்து பயிற்சி பெற விருப்பமுள்ள போட்டித் தேர்வு ஆர்வலர்கள், ஆதார் அட்டை நகல்  மற்றும் பாஸ்போர்ட் அளவுள்ள புகைப்படம் ஆகியவற்றுடன் இவ்வலுவலகத்தை நேரடியாக தொடர்பு கொண்டு பயிற்சியில் சேரலாம்.

 

விண்ணப்பித்துள்ள தேர்வு ஆர்வலர்கள் இம்மாதிரி தேர்வில் கலந்து கொண்டு பயன்பெறலாம்

 

மேலும், இரயில்வே தேர்வு வாரியத்தால் நடத்தப்படவுள்ள RRB Group –D பணியிடங்களுக்கான தேர்விற்கு மாநில அளவிலான மாதிரி தேர்வுகள் 04.07.2026 மற்றும் 11.07.2026 ஆகிய தேதிகளில் மாவட்ட வேலைவாய்ப்பு மற்றும் தொழில்நெறி வழிகாட்டும் மையம், மதுரையில் காலை 11.00 மணியளவில் நடைபெறவுள்ளது. எனவே இப்பணியிடங்களுக்கு விண்ணப்பித்துள்ள தேர்வு ஆர்வலர்கள் இம்மாதிரி தேர்வில் கலந்து கொண்டு பயன்பெறுமாறு கேட்டுக்கொள்ளப்படுகிறது.

 

போட்டித் தேர்வுகளுக்கும் பயிற்சி வகுப்புகள் நடத்தப்பட்டு வருகிறது

 

அனைத்து வகையானப் போட்டித் தேர்வுகளுக்கு தயாராகும் போட்டித் தேர்வு ஆர்வலர்கள், வேலைவாய்ப்பு துறையின் சார்பாக உருவாக்கப்பட்டுள்ள இணையதளமான https://www.tamilnaducareerservices.in.gov.in என்ற இணையத்தில் தங்களது சுய விவரங்களை பதிவு செய்து கொண்டு, இத்தேர்விற்கு தேவையான பாடக் குறிப்புகள், மாதிரி தேர்வுகள், மாதிரி வினாத்தாள்கள் மற்றும் நடப்பு நிகழ்வுகளை pdf – வடிவில் பதிவிறக்கம் செய்து கொண்டு பயன்பெறலாம், மேலும், அனைத்து வகையான போட்டித் தேர்வுகளுக்கும் பதிவு காணொளி பாடக்குறிப்புகள் “TN Career Services Employment” என்ற  You Tube பக்கத்தில் பதிவேற்றம் செய்யப்பட்டுள்ளது. அரசுப் பணிக்கு தொடர்ந்து படித்து வெற்றி பெற காத்திருக்கும் இளைஞர்களின் கனவை நனவாக்கும் நோக்கில் அனைத்து வகையான போட்டித் தேர்வுகளுக்கும் பயிற்சி வகுப்புகள் நடத்தப்பட்டு வருகிறது. என்று மதுரை மாவட்ட வேலைவாய்ப்பு மற்றும் தொழில்நெறி வழிகாட்டும் மைய துணை இயக்குநர் த.அருண்நேரு தெரிவித்தார்.

இதையும் படிக்க

வாகைப்பூவை காட்டி காதல்கோட்டையை கட்டி கிளைமேக்ஸ் சீன் ரீல்ஸ் வெளியிட்ட ரீல்ஸ் சூர்யா - கமலி ஜோடி !

மதுரை மாட்டுத்தாவணி கழிப்பறை கட்டணக் கொள்ளை: எம்எல்ஏ மாறுவேடத்தில் அதிரடி ஆய்வு!