4 ஆம் வகுப்பு மாணவிக்கு பாலியல் தொல்லை கொடுத்த ஆசிரியருக்கு தர்ம அடி கொடுத்த பெற்றோர்கள்
பாதிக்கப்பட்ட மாணவி பெற்றோர்களிடத்தில் தெரிவித்ததின் பேரில் கிராம மக்களை அழைத்து சென்று பள்ளி ஆசிரியருக்கு தர்ம அடி கொடுத்துள்ளனர்
விழுப்புரம் அருகே உள்ள நன்னட்டாம்பாளையத்தில் ஒன்றாம் வகுப்பு முதல் 5 ஆம் வகுப்பு வரையிலான அரசு ஆரம்ப பள்ளி செயல்பட்டு வருகிறது. இந்த ஆரம்ப பள்ளியில் ஆசிரியராக வளவனூரை சார்ந்த பாபு என்பவர் பணியாற்றி வருகிறார். இப்பள்ளியில் நூறுக்கும் மேற்பட்ட மாணவ, மாணவிகள் பயின்று வருகின்றனர். இந்த நிலையில் ஆசிரியர் பாபு பள்ளியில் பயிலும் பள்ளி சிறுமிகளிடம் பாலியல் சில்மிஷத்தில் அடிக்கடி ஈடுபட்டு வந்ததாக கூறப்படுகிறது இந்நிலையில், நேற்றைய தினம் அரசு பள்ளியில் பயிலும் நான்காம் வகுப்பு மாணவியிடம் ஆசிரியர் பாபு பாலியல் சில்மிஷத்தில் ஈடுபட்டுள்ளார். இதனால், பாதிக்கப்பட்ட மாணவி பெற்றோர்களிடத்தில் தெரிவித்ததின் பேரில் கிராம மக்களை அழைத்து சென்று பள்ளி ஆசிரியருக்கு தர்ம அடி கொடுத்துள்ளனர்.
Senthil Balaj |அதிமுக ஐடி விங்கை பயன்படுத்தி விஷமப் பிரச்சாரம் - கொந்தளித்த செந்தில்பாலாஜி
இச்சம்பவம் குறித்து வளவனூர் காவல் நிலையத்திற்கு ஊர்மக்கள் தகவல் தெரிவிக்கவே போலீசார் விரைந்து வந்து ஆசிரியரை பாதுகாப்பாக அழைத்து சென்றனர். பள்ளி ஆசிரியரின் ஒழுங்கீன செயல் குறித்து முதன்மை கல்வி அலுவலர் கிருஷ்ணபிரியாவுக்கு தகவல் தெரிக்கப்பட்டது. பின்னர் சம்பவ இடத்திற்கு வந்த கல்வித்துறை அதிகாரிகள் விசாரணை நடத்தினர். மேலும், பாலியல் சீண்டலில் ஈடுபட்ட ஆசிரியரை வேறு பள்ளிக்கு பணியிட மாற்றம் செய்ய உத்தரவிட்டனர். வேலியே பயிரை மேய்ந்த கதை எனும் பழமொழி போல் பள்ளி குழந்தைகளை காக்க வேண்டிய ஆசிரியரே அந்த குழந்தைகளுக்கு பாலியல் சீண்டல் கொடுத்த சம்பவம் விழுப்புரம் பகுதியில் பரபரப்பை ஏற்படுத்தியுள்ளது. மேலும் ஆசிரியர்கள் இதுபோன்ற ஒழுங்கின செயல்களில் ஈடுபட்டு வருபவர்களை பணி இடமாற்றம் மட்டுமே செய்கின்றனர். பணி இடமாற்றம் செய்தால் அவர் செய்த தவறுகள் மறைந்து விடுமா எனவும், வேறு பள்ளிக்கு இந்த ஆசிரியர் சென்றால் அங்குள்ள பள்ளி மாணவ மாணவிகளுக்கும் இதே பதிப்பு தான் ஏற்படும். எனவே இதுபோன்ற ஆசிரியர்கள் மீது கடுமையான நடவடிக்கை எடுக்கவேண்டும் என பெற்றோர்கள் தெரிவிக்கின்றனர்.
ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
